<1yr1mo>
今晚一仔爸比一仔媽早放工回家，一仔媽一回到家，一仔爸就報告一仔今日撞到隻眼!
今晚一仔爸比一仔媽早放工回家，一仔媽一回到家，一仔爸就報告一仔今日撞到隻眼!
望真d，不止眼袋損了，連眼蓋都有損!
點損?一仔係網床上玩時，好喜歡短跑式走來走去 ~ 好彩係地磚上他知驚，總未開始咁走法!
一仔經常撞去網床鐵欄邊，有時都見佢識用手扶一扶去卸力!
跟住一仔就會磨牙咁咬個欄邊，日子有功，加上口水催化劑，欄邊塊布終於被一仔咬爛了!
但大意又深遠視的一仔媽居然睇唔到張網床已經爛了(每晚由新印印清潔，但一仔媽沒有複檢)，仍比一仔在網床上短跑及磨牙，而個布窿愈來愈大，最後塊鐵片露了出來，一仔一撞麻去，就撞損了!
一仔媽估計當時一仔本能反應識咪麻隻眼，好彩，不然，損的應不是眼蓋了 ~ 諗到咁，一仔媽真係驚!
暫時網床用條大毛巾遮去了露鐵的位置，但見一仔依然好喜歡咬果個位置!
暫時網床用條大毛巾遮去了露鐵的位置，但見一仔依然好喜歡咬果個位置!
點解遮住了都係咬同一位置既?莫非一仔聞到自己d口水味?
不過，一仔媽擔心一仔好快就會識扯走條大毛巾!
一仔媽同一仔爸講不知可否幫襯果d街邊賣廣告話可以幫人補梳化既補番張網床呢?一仔爸話不可行!
P.S. 大懵既一仔媽突然醒起一仔返健康院打一歲針時護士派了一隻DVD，但因新屋的DVD機未裝番，電腦個speaker又唔知點解唔響，一仔爸一直好忙未有時間整(但 Candy 又有時間打到去二百多版既?)，趁復活節假期要抽時間睇一睇先!
最弊係 : 一仔媽好似無印象隻DVD放左邊度?
張網床就黎運佢唔住喇...
回覆刪除乜有隻dvd咩? 係咪跟書仔? 我好似無乜印象...
[一仔媽回覆03/27/2013 00:04:40]haha...我揾到啦，真係書連DVD嫁！
[田鼠b回覆03/26/2013 23:14:40]hard disk 唔夠位...
[一仔媽回覆03/26/2013 18:05:48]好似係跟書仔，我都要回家找下先!
點解你比我還無印象嫁!?
你放佢係床玩吾會叫咩？我相信好快就困吾住啦
回覆刪除[一仔媽回覆03/28/2013 08:47:39]一時叫一時唔会，要睇一仔果刻心情及網床上的玩具是否夠吸引！？
只要一仔未識爬出来，暫時都ok!
可唔可以用針線縫一縫呀？或者條毛巾cut細啲同埋整啲繩響2邊，穿過網床啲lon lon黎打結，咁都可以拆出黎洗嘛。
回覆刪除原來網床都會有危險，唉我真係後悔買左網床當床仔畀肚b瞓覺，宜家肚b識企又驚佢爬到出黎，但如果教到最低一格，"暗"完佢瞓覺放番落網床條腰又會好辛苦，真係錯晒
[一仔媽回覆03/28/2013 15:58:30]一仔張網床只係用來困佢一陣，行開行麻煮飯去廁所都可以，都好有用!如果一仔識爬出來時，那就真危險唔用得了。
但如果用來放落床瞓，又真係好傷腰咋!
瞓覺一仔係用子母碌架床，好彩佢一瞓醒，多數會出聲及坐定定。
張網床個欄邊有d似風帆布(屋企無依種布)，如果一穿針，就無回頭，但可以考慮下....而d lon lon 太細，就算有咁幼的繩但唔夠力，又會比破壞王扯斷!