TKO 幼稚園開放日 (新加了 ~ 學校雜費資料)

知道年尾係幼稚園多開放日，一仔媽都好心急，但暫時只知道以下替一仔有報名的幼稚園的開放日時間: 


救世軍慶恩幼兒/稚園 (內有連結)

N1，K1-K3，半日班 (趕到30/9報名，估唔到5/10就收到面試通知)

開放日時間 : 10月12日，星期六，10:30a.m - 1pm，任何人士及可帶小朋友去參觀 (網上已公佈)

面試日期 : 第一輪2013年11月2日(好彩一仔趕得及係依一日)
                   第二輪2014年2月22日
                   (在校網"最新消息"中公佈了)

面試形式 : 小組形式 

入學註冊費 : $660

學費 (10期) : N1 : $2370, K1 - K3 : $400

雜費 : 

夏季校服 $300/套, 冬季校服 $480/套, 書包 $45/個, 茶點 $260/年, 課本 $552/年, 練習簿/作業 $264/年

教育局提供的幼稚園概覽



基督教播道會厚恩堂厚恩幼兒學校

N1，K1-K3，全日班 (已報名)

報名時間 : 滿18個月先可報名

面試時間 : 2013年11月，留意電話，如果沒有收到電話通知，可以自行打電話去學校問。

11/10 收到信通知11月頭要面試，要致電學校確实出席。

開放日時間 : 2014年3月8日(電話問的) 

入學註冊費 : $1,100 

學費 (12期) : N1 : 不詳, K1 - K3 : $1,501

膳食費 : $420

雜費 : 

夏季校服 $77/套, 冬季校服 $110/套, 書包 $48/個, 茶點 沒有直接代辦, 課本 沒有直接代辦, 練習簿/作業 $108/年

厚恩facebook 專頁，校網資料唔夠update，估唔到今年4月開了facebook，又幾好啊!

教育局提供的幼稚園概覽

香港華人基督會煜明幼稚園

K1-K3，半日班及全日班 (已報名)

開放日時間 : 10月12日，星期六，下午2-5pm，任何人士及可帶小朋友去參觀 (電話問)

報名時間 : 即日，即有出世紙便可以報名

面試日期 : 未知

入學註冊費 : ???

學費 (11期) - 半日班 : K1 - K3 : $392
學費 (11期) - 全日班 : K1 - K3 : $1,191

膳食費 : $400

雜費 : 

夏季校服 $317/套, 冬季校服 $512/套, 書包 $60/個, 茶點 $600/年, 課本 $767/年, 練習簿/作業 $390/年

教育局提供的幼稚園概覽



救世軍明德幼兒園

N1，K1-K3，全日班 (2012年5、6月已報名)

19/9 下午收到電話，因上年報名時用舊地址，附上的信封專登留白及註明會搬屋，等補新地址，今天職員打來核實新地址，要寄信通知開放日詳情。

21/9 收到信了。
嘩! 有700多個小朋友排隊，所以開放日要在指定時間出席。
要簽回回條確認出席!

另外，確認了會出席的，10月22日會收到電郵通知參觀日的備忘資料。

11/10 電郵收到參觀日的備忘資料，其中有蒙特梭里教學或英文教學示範，要簽回回條確認參觀那一個，無簽回回條的，當天便純粹參觀學校而已。

開放日時間 : 10月26日，星期六，上午，只可以兩位家長出席，小朋友不需要出席，因太多人。

面試日期 : 未知
聽聞N1只收三十人，有些要排隊兩年先剛收到K1面試。

收生流程 : 詳情關於申請入學須知、學費、入學申請方法、遞交報名表格的注意事項、面試日期/ 結果公佈、新生家長會

入學註冊費 : $1,150 (首月學費會扣除家長已繳交的註冊費)。

學費 (12期) : N1 : $3,100, N2 - N3 : $1,943。

膳食費 : $436

雜費 : 

夏季校服 $84/套, 冬季校服 $286/套, 書包 $49/個, 茶點 沒有直接代辦, 課本 沒有直接代辦, 練習簿/作業 沒有直接代辦

教育局提供的幼稚園概覽

保良局方王換娣幼稚園

K1-K3，半日班 (未報名)

開放日時間 : 10月26日，星期六，10am-12pm, 1-3pm，任何人士及可帶小朋友去參觀 (網上已公佈)

報名時間 : 預早一年的10月(那一仔要2014年10月先可報2015年9月的K1班)

面試日期 : 未知

入學註冊費 : ???

學費 (10期) : K1 - K3 : 全免

雜費 : 

夏季校服 $250/套, 冬季校服 $450/套, 書包 $46/個, 茶點 $500/年, 課本 $950/年, 練習簿/作業 $400/年

教育局提供的幼稚園概覽





香港保護兒童會維景灣幼兒學校

嬰兒部，N1-N4 (已報名)

校巴 ： 無

開放日時間 : 暫時未有，網上會供佈，任何人士可參觀

報名時間 : 出世已可報名

面試日期 : 2014年1-2月，但原來無校巴，應該不会去面試了！

入學註冊費 : ???

學費 (12期) : N1 : $3570, N2 - N3 : $1,806。

膳食費 : $440

雜費 : 

夏季校服 $70/套, 冬季校服 $266/套, 書包 $40/個, 茶點 沒有直接代辦, 課本 沒有直接代辦, 練習簿/作業 沒有直接代辦

教育局提供的幼稚園概覽

竹園區神召會梁省德中英文幼稚園

N1，上/下午，全日班 (已報名) ~ 上/下午班/全日班各收15人，合共收45人
K1-K3，上午，全日班 (未報名)

校巴 ： 有

開放日時間 : 2014年10月19日，網上有供佈

報名時間 : 出世已可報名

面試日期 : 最遲一組11月23日>剛好趕到最后一刻寄出申請表，係电話中约麻面試時間

入學註冊費 : ???

學費 (11期) : N1 : $1,850（半日班），$3,125（全日班）, K1 - K3 (半日): $533, K1 - K3 (全日): $1,408

膳食費 : $400

雜費 : 

夏季校服 $75/套, 冬季校服 $133/套, 書包 $32/個, 茶點 $550/年, 課本 $800/年, 練習簿/作業 $400/年

教育局提供的幼稚園概覽

將軍澳康樂幼兒學校

N1，上/下午，全日班 (未報名)
K1-K3，全日班 (未報名)

開放日時間 : ???

報名時間 : 出世已可報名，要親身交表格

面試日期 : ???

入學註冊費 : ???

學費 (12期) : N1 (半日班) $1,150, N1 (全日班) $2,211, K1 - K3 (全日班) $741

膳食費 : $438

雜費 : 

夏季校服 $201/套, 冬季校服 $466/套, 書包 $50/個, 茶點 沒有直接代辦, 課本 沒有直接代辦, 練習簿/作業 沒有直接代辦

教育局提供的幼稚園概覽



將軍澳英皇幼稚園  

N班，K1-K3，半日班及全日班 (未報名)

開放日時間 : ???

報名時間 : ???

面試日期 : 最遲一組12月7日

入學註冊費 : $660

學費 (12期) - 半日班 : ?
學費 (12期) - 全日班 : ?

 膳食費 : $655

夏季校服 $100/套, 冬季校服 $150/套, 書包 $100/個, 茶點 $720/年, 課本 $1360/年, 練習簿/作業 $600/年


 教育局提供的幼稚園概覽





中華基督教會香港志道堂基博幼稚園(將軍澳)

N班，K1-K3，半日班及全日班 (已報名)

校巴 ： 有

開放日時間 : ???

報名時間 : ???

面試日期 : ???

入學註冊費 : ???

學費 (?期) - 半日班 : N班 $2,209
學費 (?期) - 全日班 : ?

 膳食費 : ?

教育局提供的幼稚園概覽

基督教聖約教會司務道幼稚園

N班，K1-K3，半日班及全日班 (已報名)

校巴 ： 無

開放日時間 : ???

報名時間 : ???

面試日期 : 最遲一組12月， 但原來無校巴，应該不会去面試了！

入學註冊費 : ???

學費 (?期) - 半日班 : N班 $1xxx, K1 - K3 : ???
學費 (?期) - 全日班 : N班 $2900, K1 - K3 : ???

膳食費 : ???

雜費 : 




P.S. 有用的網址

http://www.schooland.hk/kg/sai-kung

http://www.myschool.hk/d17.php


http://www.hkexam.com/modules/kindergarten/index.php?pa=Adsview&cid=117#core


http://www.teddykids.com/portal/school/detail.php?id=kg-2c5


http://www.bookofschool.com/school/controller/schoolSearch


http://lifein.hk/Education/KindergartenList.aspx?DistrictID=13&Name=西頁區

香港最具教育競爭力中學/小學50強龍虎榜

錫錫

<1yr8mo>

之前話一仔唔識錫人，依個月有la，原來一仔喜欢同爸媽錫咀咀嫁！

同一仔玩面貼面遊戲，佢会笑笑口。

如果佢喜欢，就会錫咀咀！

如果佢無興趣，会擰歪面，当睇唔到你！

總好难得比一仔爸拍到一仔錫媽媽呢！

一仔知爸爸拍緊video，錫完后，怕怕羞咁擰歪塊面！好好笑呀！

個video 呢 ～ 今次要私人珍藏，hehe！

不過，一仔呀，爸媽係教你錫面面，点解你会变左錫咀咀既？

现在，天天都有錫錫！

hahahahaha

拼英文字母板

<1yr8mo>

九月尾一仔拼數字板停滯不前時，才给一仔依塊字母板。

起初一仔麻麻喜欢拼，只識拼到幾個。

其間，有d數字及字母唔見了，等了幾天，都係無再出現，於是，一仔媽再淘，每款兩塊，点知收貨時每款只得一塊，因店主執漏了，但都即刻退番$！

星期六，回家見到塊字母板拼好晒，工人姐姐話一仔識拼晒la。

星期一，终於比一仔爸拍到video添！

昨晚，之前唔見了的V同T又出现番。

一仔原本拼好了個T，見又多一個T，一仔將原本個T拎走，放第二個T入去！

見一仔識拼晒字母了，昨晚，亦开始比形狀板一仔拼，今次他好有興趣拼呢！

又笑不停

<1yr8mo>

見到架車撞到野，一仔就會笑!

保良局方王換娣 + 開放日(2013年10月26日 10am-12pm, 1-3pm)

<1yr8mo>

中午去完明德開放日，下午趕第二場去方王換娣的开放日。

兩間學校都令一仔媽大開眼界，亦可能係一仔媽太out 了。

明德係學術性的，［方］係娛樂性的大開眼界，因为她的开放日好似一個迷你嘉年華会。

［方］亦係四間中校舍最大的。

一入學校門口，左手面係一张开放式高身長形檯的接待處。

右手邊的玻璃柜里有校服、獎杯。

跟住又係开放式的大禮堂。

前面間开了，放了幾張檯，给小朋友做小手工。

一仔媽想買類似的膠桌，原係南豐廣場見到兩款，都係桌(有柜桶)+兩張椅，一款5百元（荃湾千色店都有類似的，但無柜桶，平30元），另一款1千元（韓国版），厚身好多，但要等下次一仔爸有時間先可一起去買。

后面有一排排的椅子，坐滿了家长，观看小舞台上的才艺表現。

差不多每間課室里里外外都排长龍，因有不同遊戲，一仔媽只擠入了兩、三間睇！

圖書室

最欣賞係校內的牆壁，佈滿了可愛的卡通人物、故事。

 

廁所出面

*******************************************

參觀后的感想

依間學校近厚德街市，網上有人話唔好！

但其实學校和街市中間还隔住一個頗闊的商場大門口。

學校的正門又在街外另一邊，所以都ok。

見到才艺的表演及其他遊戲，小朋友同老師都玩得投入又开心。

所以，对依間学校的印象都唔錯，但要明年先可以申請K1。

救世軍明德 + 開放日(2013年10月26日早上)

<1yr8mo>

先講開放日當天。

开放日派發的單張，講明不可以拍攝或錄影！

由於人數太多，要在指定時間到達，亦不需帶小朋友。

一仔媽的指定到逹時間是1230，參观時間1245-1345 (相信亦係當天最后一批入場家長)。

一仔爸媽差不多1230到達，門口已有一條龍排緊入去，但見有d家長都有帶小朋友去呢。

在門口，每位家長都會獲派發印有小朋友名字的貼紙，貼在身前。

又獲派發開放日單張，講解課室位置及有什麼示範。

一入門口，跟大隊去了大門口左手邊的課室，睇老師和兩位同位同學示範英文拼音，又幾好!

一仔媽當然無偷拍，依張相係其他救世軍幼兒學校網址copy下來的。

跟住去了大門口右手邊的課室睇蒙特梭里教學示範，由鍾老師主持  ~ 她有些似麥玲玲呢，面圓圓，戴眼鏡。

原本話英文同蒙特示範只可選一項睇，可能人流很難安排，最后兩樣都睇晒，真係好!

示範一:

一個N2 (救世軍幼兒學校用 N1 - N4，唔用 K1 - K3 名稱)女同學示範"砌粉紅塔"。

張相又係其他學校網址copy來的。

依個蒙特教學方法可以訓練小朋友手眼協調，將一個粉紅磚由大至細向上塔，每一個都要靠向同一個角位，小朋友最後要用一粒1cm x 1cm的小磚，度下余下的兩邊是否都剩1cm距離。

示範二:

一個N4男同學示範"銀行遊戲"(唔知有無記錯名呢?)。

一粒珠仔代表數字個位。
一行十粒串珠代表十位。
一塊一百粒代表百位。
一舊磚一千粒代表千位。

鍾老師請在場家長出一個千位數字，如 "4385"。

男同學會取4舊磚 + 3塊 + 8行 + 5粒珠，合共 "4385"。

依個方法可以教小朋友"實質"去感受數字，而不是去死記。

課室里亦有另外 4 - 5個女同學做其他簡單的示範，如從一個杯倒水去另一個杯。

最后，去了戶外的操場(不屬於學校的範圍)睇"水"實驗的示範，真係大開眼界!

實驗一: 

一個男同學示範，檯上有一條好似蚯蚓咁彎彎弓弓形狀的大膠明膠管口，同學在一邊高位入水，水會在另一邊低位流出膠杯里。

之后，男同學還要講解水流的原理。

實驗二:

女同學手拿一支注滿了8成的水樽。

她擰開了樽蓋，原來水樽早被吉穿了幾個窿，因空氣的關係，水從窿里射出來。

而且，高窿的水射得遠d，低窿的水射得近d，原理 ~ hehe，一仔媽已經忘了同學說什麼了(一仔爸半途已走了，因趕去上班)。

實驗三:

有一盆水，有幾件物件 : 細西瓜、石頭、膠匙、鐵匙等等。

男同學先問在埸家長，估邊一樣會沉、邊一樣會浮?

又講解原因，如空心會浮(西瓜)、實心會沉(石頭)、輕會浮(膠匙)、重會沉(鐵匙)等等。

嘩，依d實驗，一仔媽要讀中學時先有，估唔到現在幼稚園都有教!

臨走前，近學校門口的長檯上見到有幾本關於學校資料的藍色大folder。

有講，例如  : 

學費 x 12期，2013年度 : 
N1 全日，大約$3500/月
N2 - N4 全日，大約$2300/月

其他的，一仔媽已忘了。

******************************************
參觀后的感想:

感覺上依間學校比其他之前兩間(慶恩及煜明)都細間d。

當天蒙特示範房冷氣不足，又無開風扇。

有些家長提出問題，例如 : 主任回答11月开始面試，但係係in 2011年頭申請的！

N1会收30個學生，但in会in 60-70人。

開放日單張上寫已有1000個小朋友輪候，但主任話仍接受新入學申請!

****************************************

其間，一仔媽亦私底下問了主任一個一直很想知的問題答案。

一仔二月出世，但到五月一仔姑媽提醒，一仔媽先开始報名。

果時仍住緊舊屋，未知幾時搬新屋，所以，舊屋、新屋兩邊的學校都報名。

而舊屋，到現在一間的面試信都無收到 >>> 真係好彩搬來了新屋 >>> 現在收到兩封 (慶恩同厚恩)，相信今年都係得依兩間要面試N班咋！

果時報了幾間救世軍，間間回复時都有學费收據回條 + 輪候編号，唯獨明德只得收據。

當時有打电話去明德問，又問唔到。

趁開放日問主任，原來收據上的编號已是輪候编号，一仔果张係034xx，即係排緊4百幾！?

但又有點唔明，當天開放日的參觀時間，一仔爸媽已是最後一批，那之后5百幾的編號，係未今次未受到邀請參觀學校呢?

其實，再睇番学校網址，关於学校的資料唔多，趁开放日瞭解的，係多了些，但仍不足夠！

但似乎，如果輪到一仔面試，都要明年，有得讀，可能都係 N2 或 N3了!

另外，在此補充，救世軍學校有分兩種，學校名是"幼兒學校"的，是全日班，才會用蒙特教學。

其他幼兒學校的資料，間間學校的網址內容大同小異，但有d會詳盡d，而明德的網址，係最簡單那個design。

如果學校名是"幼稚園"，半日班的，不會用蒙特教學。

第一次重陽掃墓

<1yr8mo>

重陽節係九月初九，中国人習俗係九月份里去拜祭祖先都ok。

但d墳埸封路的日子亦一样，星期六、日唔比私家車上，唯有星期三請半天假，那剛好放假的一仔爸先可自己揸車去。

今次亦係一仔第一次去拜祭爺爺，之前怕一仔太細，唔敢帶他去這些地方。

嫲嫲、姑媽話小朋友去墳埸這些地方，有兩样野要帶去。

1）要用扣針扣住個褲袋。
2）要戴有觀音或佛既頸鍊。

一仔媽就話要再加多一样，搽花露水防蚊呀！

一仔爸架車泊响油塘地鉄站A1出口等一仔媽放工。

一仔媽比人點錯路，去了A2出口既大本營→鯉魚門廣場既M記買爺爺喜欢食的巨無霸套歺。

原來B出口既商埸亦有間麥記，会近好多！

平日去華人永遠墳場骨灰龕，好少人。

怕一仔周圍走、手多多，全程由一仔媽抱住！

嫲嫲、一仔爸合麻双手拜祭爺爺，一仔亦有跟住拜呀！

代爺爺講句”乖孫”先！

明年清明四月，亦打算帶一仔返中山石岐鄉下拜祭祖先！

到時要預早替一仔申請特区護照同回乡証先！

掃幕完，返東港城join麻剛接小表姐放學的姑媽一起去飲下午茶。

回到家，差不多5点，拿拿林餵一仔飲奶（依幾天，一仔白天唔多願食固体，可能又吽出牙）。

等到6点沖凉后再瞓一陣，一仔真係好快瞓着了。

点知瞓到8点要食晚飯時，一醒就大喊（條頸鍊係沖凉前已除走了）！

一仔勁扭，要氹了5-10分鐘先唔喊。

当然唔肯坐上high chair食飯。

改由一仔媽抱住飲奶，都只飲得5安。

飲完奶亦唔肯放一仔媽走！

一仔媽唯有一边抱住一仔，一边食已凍晒既冷餸飯！

食完飯后，好彩比一仔發現到放在網床里新淘番來的叠叠樂同配对旦，原打算等工人姐姐抹乾淨，第二天先给一仔玩的！

起初只给四件叠叠樂一仔玩，他在窗边已玩得好开心！

第二天一早，比晒七件，一仔更开心，連手提电話都唔玩！

這幾天早歺，一仔亦唔肯食麥皮，剛好可以將保婴丹放入8安奶给一仔飲！

晚上回家，工人姐姐話一仔白天瞓觉ok，都無喊醒！

自己畢野食有小進步

<1yr8mo>

只有隔一、兩個星期日，等工人姐姐放假，一仔媽因晚餐貪方便快捷，會煮麵比一仔食，又會比一仔自己用匙羹練習畢野食，所以畢野食進度龜速咁慢。

趁十月頭有兩天假期，一仔媽首先示範給工人姐姐睇點樣set好個戰場，再示範点样從旁協助讓一仔自己畢野食。

用即棄檯布，椅、地下都要舖好  ~ 最初無舖，食完后，一仔媽抹餐c。

之后要工人姐姐每天十一點半果餐食軟飯的，協助讓一仔自己畢來食。

大約半個月了，一仔畢野食有進步 ~ 握匙羹的手勢不再好似蘭花手只用手指頭拎住匙羹尾。


幫一仔畢了野食在匙羹里后，一仔現在可以下下對準畢入口里。

不過，食既時候，一仔唔係次次由頭到尾自己畢來食，有時去到后半段時間，要工人姐姐餵番。

頭幾天係公司透過web cam望，發現工人姐姐無set個戰場，回家問工人姐姐，她話一仔無畢到周圍都係，所以唔駛set個戰場!


剛過去既星期日，終於輪到一仔媽可以親自睇到一仔自己畢軟飯食，學工人姐姐無set個戰場。

又真的啊!一仔無畢到周圍都係!

前排經過地鐵站的有機店，買了依包烏東，煮 5 - 8分鍾便可。

一包有三束麵。

第一次煮，取一束，再分開取一半。

煮好后，原來好少，但一仔都食唔晒，要補奶添。

一仔媽學白天一樣唔set個戰場，點知就出事。

軟飯一舊舊放入口好容易。

但d烏東，一仔畢既時候有些畢唔晒入口里，跌到椅上。

又有一次，個匙羹彈了一下，又跌到周圍都係。

所以，下次如果食烏東、麵呀，都係要set番個戰場先。

尖沙咀永安又on sale ~ 16/10 - 20/10/2013

遲了報料添....

終於等到田鼠媽介紹既雙妹嘜花露水今次都有特價，由9.9元變成7.7元!

因打算一次過買幾支送給人呀，等特價先買，慳得一蚊得一蚊都好!

當防蚊水，好work，細細支，放係手袋里好方便!

用完，去藥房買支大的玻璃裝refill!

哽魚骨

<1yr8mo>

昨晚趁唔喜欢食魚的一仔爸返工，叫工人姐姐煎三文魚，另留一些蒸給一仔食。

蒸好的三文魚，用义一壓就散开晒，但估唔到有魚骨架！

工人姐姐餵了一仔幾啖飯連魚后，一仔苦住脸er er 叫！

除了試过食物太熱，一仔未试过咁样四萬咀苦住脸架！

我地即時知道唔係d飯餸太熱，应該係有魚骨哽住呀！

一仔都试过輕咳兩次（估唔到咁细个個都識依個動作！可能係自然反应），但都唔成功！

其实我地都唔知條魚骨在哪里？

哽住喉嚨？吉到牙肉？

嘗試用电筒照，一仔只合作开口兩秒，当然什么都睇唔到！

比水一仔飲，佢又唔要！

一仔媽唯有当機叫工人姐姐改开奶！

及叫工人姐姐留意奶的温度不要太熱。

好彩一仔肯飲奶，飲完奶都無事了！

然后我地继续食飯，發现三文魚有幾條魚骨，雖然好幼，但都有1cm長！

今次哽魚骨無事，真係好好彩！

將來，都係只比壽司那款三文魚给一仔食算了！

兒童遊戲室@赤柱 + 深水埗玩具街

<1yr8mo>

難得重陽節兩天假期一仔爸都放假，第一天去了赤柱行市集。

網上查过赤柱市集十点先開，所以我地去飮茶先。

去到赤柱廣場泊車（謝謝田鼠媽提供泊車資料，$35一小時，赤柱廣場的百佳買滿三百元免一小時，六百元免二小時），已十点幾，好彩剛好有位，到十二点幾走時，停車場入口排長龍了！

麥當勞對出有依個遊戲設施。

有得行独木橋添。

天后廟里面有塊真老虎皮標本。

行完市集，想揾地方幫一仔換片，剛好去到赤柱体育館。。。順便去參观麻兒童遊戲室，又未额滿，又有冷氣，乘機入去玩下。

只可一個小朋友跟一個大人入場！

感覺上依個場地(174m2)比鲤魚門果個(150m2)细d，因有d地方唔可以玩。

但條sir滑梯幾好sir，唔会吮住。

一仔玩得好开心，玩到同一個穿黃色衫仔的小妹妹额頭撞額頭，偏偏一仔媽同嫲嫲都睇唔到點樣發生！？

見小妹妹大喊，都未知小兇手係一仔！

小妹妹被撞到左額頭又红又”起樓”，無誇張，真係腫了一粒凸了出來！

小妹妹媽媽要用"喜療妥"幫小妹妹搽，还問需否借比一仔媽幫一仔搽？

小妹妹媽媽真好人，不但设有责怪我地没有睇实一仔，还好心借出藥膏！

一仔依個大頭仔，前額只红了少少，可能男仔皮厚，所以都唔需搽藥膏。

嫲嫲話若果係一仔比人撞到起樓，一仔爸实鬧爆人姐！

一仔爸聽到無出声，一仔媽就希望一仔爸從中学到什么！

假期第二天去了深水埗玩具街。

一仔媽原打算買 ：

1） 發泡膠水槍的圓條發泡胶，用來攝住床頭櫃罅，因一仔試过將d野跌落床頭罅兩、三次，執到我地cc下！

2）發泡膠水槍的長方形發泡胶片，因一仔試过在sofa上差錯脚，好似表現跳水咁側身180度轉跌落sofa，個頭頂差d撞到窗边的牆腳線，嚇到一仔大喊，要出動奶咀先收声！

如果買到發泡胶片，可以將窗边果面牆，由电視櫃到sofa，全部遮住！

但完全買唔到發泡胶，因d鋪頭換晒賣萬聖節用品。

3）BB胶桌及椅，胶椅見到$40一張，但胶桌一張都见唔到？

4）拼數字板及英文字母板，因屋企果兩塊有d數字及字母都唔見了。

只見到一間舖賣大量的木玩具，淘宝都有得買，但偏偏唔見想買果兩塊。

行行下，开始落毛毛雨，只行了兩個街口咋，都要怱怱结束行程打道回府。

煜明幼稚園 + 開放日(2013年10月12日 2 - 5pm)

煜明幼稚園～已郵寄報名2015年9月的K1，所以有開放日，當然要去。

一仔媽擺烏龍，記錯了時間，早到了，剛好睇到學校借了門外的空地，set up了依個中型的充氣sir滑梯。。。学校为了依個開放日，又幾揼本喎！

上次東港城we嘩嘩嘉年華唔比好似一仔咁細個既小朋友玩，但依個比，家長亦可陪小朋友一起sir。

見d小朋友玩得好开心，一仔媽有d后悔無帶一仔來，因上午去完慶恩開放日，下午一仔真的要留家瞓晏觉了！

和早上慶恩比，下午煜明的开放日少人好多，可能我又太早到！

不过，相信家長可能係收到慶恩的信通知有开放日，而煜明，要自己打电話去問先知，網上都無公告呢！

女校長後生又nice，親自在門口欢迎家长！

英文課室里有個女金髮外籍老師準備英文堂示範！

美勞室里有老師準備教小朋友整帽、相架！

活動室有d類似playgroup見到的遊戲設施。

由於少人，一仔媽唔好意思拎部手機周圍影相～ 大堂有個似街市的小魚檔，檔里有不同既魚，又幾特別下！

又有個小型剪髮区，有檯有椅，好似入了髮型屋咁！

有個專区擺放了一本本的project，咁多字又厚，分明出自家长之手 ~ 亦係一仔媽最怕！

逗留了不过十分鐘，一仔媽便參觀完了！

上BK揾过依間學校的評語不多，但經过今次的參观，对学校印象都ok 。

最like有個外藉老師長駐，即整個學期都會在學校，每星期大約有兩三天，所以小朋友每星期都有兩三節英語堂！(之后打電話補問的)

校網內又睇到有小朋友在學跆拳道，打電話再問，星期六上堂，還有英文班。

平日亦有跳舞班，但給 K2-K3小朋友，因需要些技巧跳。

興趣班大約50元一堂。

另外，亦like校網內”通告”中的”低班及高班的班務”詳情。

總結 : 希望下年都收到面試通知啦!

救世軍慶恩 + 開放日(2013年10月12日10:30am-1pm)

第一封面試信收到就係救世軍慶恩，面試日期為十一月頭！

一仔媽一開始對依間學校的印象十分好，因幫BB申請入學，除填表格外，只需提供BB的出世紙、報名費30元及回郵信封，最重要只需郵寄表格便可，唔需要排隊!

亦唔需要如其他學校又要提供BB相片、打針紀錄、父母身份証副本 ~ 點解唔可以等正式錄取先要提供呢!?才環保啊！

學校網頁提供的資料清晰又透明度高 : 學費、校服費用、假期、小一派位數據、餐單、返學/放學時間。

上BK睇过其他媽媽對依間學校的評語，讚多過彈。

又親身去學校附近視察過，見到門外又post了興趣班資料，有英語、普通話、畫班、創作舞班、體操班及跆拳道（一仔媽最like依個）！

只給K1-K3的學生報名，星期一至星期五，大約中午時間上堂。

上午班留后上堂，下午班提早返學上堂。

開放日時藉機問了在場的老師，興趣班大概需$500-800， 8 至12堂。

開放日当天，我地只係遲了少少，入到学校大堂，已經見好多小朋友在玩緊，一仔都玩得好开心！

學校有咁既設施比小朋友玩，又幾好 !

又有老師吹氣球比小朋友。

由於太多人，又差不多到一仔食午歺時間，我地都無留低睇音樂及英文堂示範，逗留了半小時就走了。

雖有去每個課室參觀，但沒有打印，那臨走前可取一份禮物(事實係，我地回到家，先知一仔爸取了依張禮物卷)!

雖然只短暫停留，但对学校、老師的印象都不錯！

好期待十一月頭的面試！