2017年10月25日 星期三

整咖喱雞的咖喱汁

工人是印尼人,煮辣野當然拿手,其中好好味的就是煮咖喱雞。




工人只用冰鮮的雞脾切件+紅蘿蔔+薯仔,用以下的咖喱汁及檸,有少少辣。


馬來西亞咖喱汁,16元一包


工人曾試過買唔到此款馬來西亞咖喱汁,改買其他款,一仔爸一食,就食到不同,無咁好味

蒜蓉蒸茄子

工人煮此味餸,雖然簡簡單單,卻好味又健康。




茄子一條
蒜頭4粒 ~ 切粒
 ~ 切碎

生抽
熟油

1)茄子洗淨,切片,中火蒸熟12分鐘。
2)淋上熟油、蒜蓉、粒,即成。

2017年10月9日 星期一

一仔重量、高度、頭圍

(1 day) Feb. 9th,   3.07kg = 6.77lb

(6 days) Feb. 14th, 3.27kg = 7.21lb

(14 days) Feb. 22th, 3.48kg = 8.47lb

(20 days) Feb. 28th, 3.94kg = 8.69lb

(1 month) Mar. 9th,   4.15kg = 9.15lb

(1 month 14 days) Mar. 22th, 4.58kg = 10.10lb

(2 month 8 days)Apr. 16th, 5.66kg = 12.48lb, 57cm 

(4 month 13 days) Jun. 21th, 7.38kg = 16.37lb, 68cm 


(6 month) Aug. 10th, 8.15kg = 17.96lb, 70cm 
, 頭圍 46cm


(7 month) Sep. 10th, 20lb, 73cm , 頭圍 46cm (自己在家量度,可能不太準)

(8 month) Oct. 9th, 20lb, 70cm 
(吓,點解矮左既?) 頭圍 47cm (自己在家量度,應該不太準)

(9 month) Nov. 9th, 20lb (
連續3個月無變, 嫲嫲話好呀,因她怕一仔繼續肥下去!) 73cm  (應該係上次度矮了!) 頭圍 47cm

 (10 month) Dec. 9th, 21lb (
姨媽話好似覺得一仔瘦左喎?) 74cm , 頭圍 47.5cm

(11 month) Jan. 9th,  2013.  22lb, 74cm 


 (1yr) Feb. 9th,  2013.  23lb, 74cm 
[23/2 健康院除剩條片磅重有10.2 10.02kg)

 (1yr 1 month) Mar. 9th,  2013.  24lb, 72cm 
(以前既記錄係瞓係到量,今次係一仔企係到拍麻牆量反而矮了 但一仔媽總係覺得依個月一仔應該有高到才對?)

(1yr 2 month) Apr. 9th,  2013.  24lb, 74cm 
(今次真的有74cm)
 (1yr 3 month) May. 9th,  2013.  22lb
可能因腸胃炎兩星期食少了,所以輕左 ; 74cm  (今次真的有74cm)

(1yr 4 month) June. 9th,  2013.  24lb ; 76cm 


(1yr 5 month) July. 9th,  2013.  24lb ; 76cm 
>>>一仔希望你下個月高d又重d!

 (1yr 6 month) Aug. 9th,  2013.  26lb (
終於上升啦); 77cm  

(1yr 7 month) Sept. 9th,  2013.  26lb; 78cm 
 

(1yr 8 month) Oct. 9th,  2013.  26lb; 79cm 
 

(1yr 9 month) Nov. 9th,  2013.  26lb; 80cm 

(1yr 10 month) Dec. 9th,  2013.  26lb; 81cm 

(1yr 11 month) Jan. 9th,  2014.  26lb; 82cm 

(2yr) Feb. 9th,  2014.  26lb; 82.5cm 

(2yr 1 month)) Mar. 9th,  2014.  27lb; 83cm 

(2yr 2 month)) Apr. 9th,  2014.  27lb; 84cm 

(2yr 3 month)) May 9th,  2014.  28lb; 86cm 
(yeah!!!)

(2yr 4 month)) June 9th,  2014.  28lb; 86cm 
 

(2yr 11 month)) Jan, 9th,  2015.  30lb; 90cm 

(3yr 2 month)) April, 9th,  2015.  32lb; 93cm 
(好耐無更新了,自從農曆年前流感病了一星期,連發了幾天高燒后,才高了多些,而冬季的校褲,就算放了褲腳,條褲都仍然短,只到腳眼,好彩五月中學校換夏季校服了。

(4yr) Feb, 9th,  2016.  34lb; 98cm 

(4yr 4 month) June, 9th,  2016.  37lb; 101cm 
(不知是否因最近開始食高鈣的 yogurt有關呢?)

(4yr 11 month) Jan, 9th,  2017.  38lb; 105cm 

(5yr 1 month)  Mar, 9th,  2017.  40lb; 106cm 

(5yr 5 month)  June, 9th,  2017.  40lb; 107cm , 頭圍 52cm

(5yr 8 month)  Oct, 9th,  2017.  44lb; 110cm 

(6yr 11 month)  Jan, 9th,  2018.  44lb; 112cm 

(8yr 4 month)  Jun, 14th,  2020.  58lb; 126cm 



有用網站:
可以輸入寶寶的基本資料,系統會自動幫您算出生長百分位




一仔去既健康院唔係次次會幫BB度身高、頭圍 >>> 199x年在美國紐約的唐人非牟利疹所,人地次次都會幫所有BB度身高、頭圍,如果我無記錯 ~ 半歲及一歲還會抽血驗鉛毒添,但香港的,就無依個免費服務了。

2017年9月2日 星期六

F1 Kids x 東港城 小車手

<5yr6mo>

已經不是第一次參加此主辦單位舉行小車手的活動,經過暑假帶一仔去玩不同的活動,大多數都要排長龍,還要等好耐,有些排一粒鐘,卻只玩得十分鐘!

今次,一仔爸話只需排隊排了幾個字(因未開埸),登記想邊一個時段玩便可以,咁當然亦要早去才有時段揀及有位啦,所以特别要讚下主辦單位的very good 登記安排。

而一仔,玩了十分鐘後,當然仍再想玩多幾次!


F1會員可以平10元。


10元做張司機駕駛執照!


隻警犬好似真咁!

有三條不同跑道,一仔當然揀可以揸警車果條跑道啦!



仲可以免費上台拎獎杯影相。








2017年8月19日 星期六

打第二支水痘針@5歲半

<5yr6mo>

於2013年1月1日或以後出生的兒童,根據衞生署的指引兒童在一歲及小一時可以免費打水痘針。而一仔這些於2012年出世的龍BB,兩支都要家長自己出去搵私家醫生打。

仍記得2014年果時水痘針很缺貨,要周圍打電話問私家醫生疹所,好彩最後都打到第一支水痘針

而第二支水痘針呢,有些私家醫生提議在打了第二支水痘針後3個月內要再打,又有些卻是要足六歲才可打。

由於一仔是龍年年初出世,如果等足六歲才打,到時是上學的日子,又聽聞有些小朋友在打了水痘針後會出水痘,一出水痘,因會傳染,不能返學幾日,那如果等明年長假期打,即要等暑假,但升小一了,因不知小學會否有小一適應班,擔心若出水痘便不能參加適應班,所以趁這個升K3的暑假打。

好彩搵到一間不用足六歲亦可打第二支水痘針的私家醫生疹所,早幾天打電話去預約時間,講明是打水痘針,打針時記得要帶出世紙及針卡,估唔到見到醫生時醫生提議兩個選擇:

第一:  
只打水痘疫苗,630元。

第二:  
麻疹、流行性腮腺炎、德國麻疹及水痘四合一疫苗,960元。
其中" 麻疹、流行性腮腺炎、德國麻疹三合一疫苗", 衞生署會替小一學生免費打的。

因見小一學生免費打,所以替一仔揀了第一個選擇。

點解唔揀第二個選擇免去打多一支針?   因諗住小一時一仔和其他同學一起打,可以留低一個集體的回憶!

唔怕打多一支針會痛嗎?  以下一仔打針的反應,證明唔駛怕!

針打在右手臂上,一仔今次完全無喊,又話唔痛,大個仔了!

打完針,貼上膠布,但到第二天才記得撕走塊膠布,令到皮膚有些少敏感,少少腫及痕癢,好彩再過幾天就好番晒了。


2017年7月1日 星期六

第2次睇戲

<5yr5mo>

上次第一次同一仔去睇戲,原來已是2016年年初了。

果次睇的戲有3D效果,一仔唔多願戴3D眼鏡,所以今次再睇,素性睇2D便算,即同屋企睇咁姐,都ok呀!




特别多謝6姨送的戲飛!







睇最愛的Minion,一仔全埸坐定定!


睇完戲,更買到一仔想要的藍色Minion兒童傘,開心到佢。。。就算無落雨,都要拎出街遮大陽喎!



2017年6月27日 星期二

從這本書開始。。。

<5yr5mo>



前排無意中摷到依本小書仔,一仔開始了要媽媽睡前講故仔書,但有時太晏收工,唔係晚晚講到。

今晚,收晏,一仔仍想睇故仔書,媽媽靈機一動,要一仔講番個故仔,估唔到一仔肯一頁一頁咁講_ _ _ 好的開始,要記住這一天,這本書的功勞!

2017年5月14日 星期日

踩兒童單車@大圍《》沙田 + 再遇家庭式單車

<5yr3mo>

自從前排一仔爸和一仔兩父子去踩單車後,一仔成日都話想再去踩。


一仔識自己踩有輔助轆的兒童單車,咁我地唔駛再像上次咁山長水遠去大尾篤租家庭式單車了,今次可以近d去大圍租。


一早起身,已天陰陰,半夜還下過雨,好彩食完早餐有番太陽,於是出發,但去到大圍時都差不多12點,一仔話未肚餓,一仔爸話租單車先,到時一路踩一路揾野食,但其實一仔媽有些懷疑能否揾到野食賣嗎?


租單車,大小同價,全日$60(7pm要還車),另加按金。

原本話加一個籃放在車頭要十元,但老闆話可以免費加。



租完單車,一仔爸突然英明決定食麻lunch先出發踩單車,又好彩揾到依間茶餐廳好好服務,待應叔叔主動話可以幫我地鎖住d單車。




食完去攞番單車時,見到單車seat 位有纸皮遮住,唔怕泊起街上被太陽曬到熱辣辣,茶餐廳有貼心又細心的服務,真值得讚!




出發由大圍踩去沙田,來回差不多2小時。


去沙田沿途的相




見到樹上有什麼動物嗎?



回程仍在沙田時,個天突然黑晒,有少少毛毛雨添。








途經沙田時,見到有3間租單車的舗,仲有得家庭式單車,下次唔駛再去大尾篤咁遠租了!







2017年4月10日 星期一

5歲的木餐椅

<5yr2mo>

因重量的原因,一般 high chair 只可坐到3歲左右。

屋企張飯桌比一般的較高,所以一仔仍要坐 high chair,但因一仔已有40磅重,張 high chair一早已不能承受他的重量,要一仔爸維修完又再維修。

要能承受一仔的重量,相信一般 high chair不能做到,最後在淘寶找到這款木餐椅,優點有:

1) 可以摺麻,方便收藏。

2) 可以承受一般重量至10歲 - - 因要預坐到10歲,所以買了加闊版。

3) 送及可安裝餐盤 - - 沒有安裝,因一仔已大,直接用飯桌食飯。

4) 送及可安裝滑轆及有鎖定功能 - - 最後沒有安裝滑轆,仍可在屋企的大地磚上"滑行"而不會刮花地磚。

5) 可調節腳板高度 - - 因買了升降版。

5) 可要求要5點式安全帶 - - 一仔無用,因一仔不是bb了,不怕他亂郁而跌出凳外。

6) 送軟坐墊一張 - - 坐墊的質地雖比香港買的high chair單薄,但亦可接受。







收貨後,一仔好喜歡,但張木餐椅有些少問題,向店子反應後,店子居然肯自付順豐運費補送零件直送香港,此等誠懇的服務,很值得稱讚呢!

2017年2月11日 星期六

由'到校計劃'到'e位' + 備戰報小一

<5yr0mo>

好感恩一仔於2016年年初入到'到校計劃',又在2016年9月K2時终於排到'e位'。

當初入到'到校計劃',開始了st、pt、ot、pst的訓練後,一仔在各方面都有進步。

到9月轉到'e位',訓練的次數比'到校計劃'更密集了,感覺上一仔好似進步更多!?

例如一仔不再抗拒玩打千秋!

説話方面如可講到短句子,一仔好喜歡一仔以前從7-11便利店儲下來的小叮噹印仔,一仔將它們當做乘客放在巴士站排隊。

一仔爸儲了廿多個小叮噹,但只给了5個一仔玩,一仔問: '點解爸爸成日收埋d野架?'




小叮噹唔夠多,一仔會搵麻依d Little Minions 當乘客

依排留意到一仔開始識分到'你'、'我'。又喜歡講'但係....'。

一仔好喜歡問人'住邊到?',因一仔會用google map揾番果個人實際住邊到。

一仔媽其實有些少內疚,一仔仍要瞓晏覺架,上午返學,下午返訓練或返學校的興趣班,令一仔有時一星期只有一天在家瞓晏覺的時間,而其他日子間中下午上訓練時會恰眼瞓而扭計。

一仔現在主要參加了學校的交通安全隊,另加一至兩天學校的興趣班取消參加學校的興趣班,可以嗎?

但一仔媽衡量過其實參加學校的興趣班目的,亦是'e位'外的輔助訓練,如交通安全隊是訓練一仔的'社交'及聽指令,令喜歡玩的一仔喜歡學校更加喜歡返學。

再且,學校的興趣班學費很抵,$100返8堂,一星期返一堂。

一仔媽另外內疚因要返工,不能陪一仔去上'到校計劃'或'e位'的訓練,幸好有工人姐姐陪一仔去上堂。

備戰報K1,唔係諗住替一仔備戰去某某小學扣門面試,而係一仔媽自己要揾定校網内各小學學校的資料,諗定怎樣報今年年尾9月的自行分配學位及參加明年2月的統一派位大抽獎。

一仔媽主要有兩樣要考慮。

第一,報小學時是否要申報一仔需要言語及其他的訓練?還是等小學收了一仔後,才申報需要這些訓練呢?

第二,一仔是一個活潑好動但又敏感的小男孩,一仔媽想揾些happy school、唔谷(指功課/默書/測驗/考試量不會太多),而老師又有愛心、能循循善誘教導一仔、又有支援言語治療訓練等各方面的小學!?

上了小學,就算學校有言語治療等的訓練,聽聞都會比e位的少。有些小學好貼心,會在校網内註明'學生支援'有哪些訓練,方便家長容易找到相關的資料及一目了然,有些會在多頁的週年校務計劃報告裏提及,家長要勤力的去'咪書'呢。

原本一仔媽有兩間二線的心儀小學。

A學校好近屋企。校長會每朝早在校門迎接學生返學,但一年前有ek的家長話這間學校不支援SEN的學生,在學校的校網找到舊的週年校務計劃報告的資料,都只講了少少關於'言語治療'的服務。

另聽聞此學校開始谷,但e位其中一個導師的女兒在此校讀小三,話此校是happy school,她女兒讀得開心。

B學校,聽聞校長推行愉快學習,ek里個個家長都話小朋友返學開心,但e位個導師話有一個家長曾反應B學校她小朋友的班主任經常出"通告”,要家長"跟進"小朋友依樣果樣。

C學校,依間學校係一線學校,好多人爭,一仔媽一直以為依間學校好谷,但e位個導師卻話係happy school。而依間學校有宗教背景,20分在自行階段都要抽,一仔只有15分,只會陪跑。

好迷惘,好彩仍有時間,希望年尾可以去參加不同學校的開放日,了解學校多些。

P.S. 搵小學的資料(內有連結)
2015-2017年小派位學額
小一派位拆解 點解成績好派不到首三志願?
二○一七年度統一派位各小一學校網選校名冊
小學校網 95 統一派位選校概覽
全港小學一覽表 - Teddy Kids
小學開放日







2017年1月24日 星期二

跟學校去童夢城

<4yr11mo>

記得朋友上年話在書展報名去童夢城影相有優惠,但一仔媽無報,估不到一仔學校安排K2全級去童夢城,學校的package係$1xx包小朋友影二款職業造型相,學校包小朋友的車費及茶點,家長每人來回車費$60。

曬相package : $4xx包兩張大相及一隻有8GB的手指入晒二款職業造型相的相底(全级大合照要由學校另外提供)。


8GB的手指

攝影師好專業又識氹小朋友,見到相機的閃光燈不停閃,以為平時唔like望鏡頭影相的一仔,影時一定會不合作,但估不到兩款造型相出來的效果出乎意料之外的很靚外,一仔笑容很燦爛,還會擺pose添!


                    一仔揀做太空人


揀做太空人,老師話係一仔自己揀,一仔媽我完全估唔到,但一仔爸一估就估中!

聽返同學仔講,原來老師介绍不同職業造型時,老師話太空人可以睇星球!

一組8個太空人,有男仔有女仔,好可愛


揀了做太空人,第2個職業就配時裝演員,無得再揀其他職業

全級大合照(張相影得不清晣,就算放大,同學仔的樣子都看不清吧?)

同學媽媽們分享了同學仔扮演不同職業的video,幾個機場特警手持長槍去垃圾桶搵炸彈、消防員用水槍對住'火光熊熊'的建築物不斷射真水救火、救護員合力抬住擔架運送傷者,真係好逼真,班救護員行到好似抬緊一個好'重'的傷者,加上有'閃光燈'閃下閃下,好似有記者在埸直擊拍攝咁太空人將殞石當波踢,真係笑c! 可惜私隱原因,不能在此分享其他同學仔的video!


另有整杯麵環節,家長每人$10,整完,杯麵可以拎回家食,有效期一個月



原本在學校集合時間0830,大約1小時車程,預計回程1200上車回校,回到學校1300,但活動中有些延誤,最後1400才回到學校,一仔雖然很肚餓,但懂事的没有瓜瓜嘈。

漏了講,學校很貼心,在旅遊車上老師和家長、同學仔玩問答遊戲,估中獎小食,遊戲玩完,老師問有無同學仔無參加遊戲、無小食?老師會額外畀,仲之個個同學仔都有份!