2013年3月30日 星期六

一仔原來已識.....

<1yr1mo>

昨日放工回家,一仔爸報告話當一仔見到舊防夾手膠放在抽濕機上,居然走去攞起后唔係放入口咬,而係行去房門邊將個膠嘗試插番入門縫到,一仔媽有些難以至信。

於是趁今天放假做個實驗...




之后,個膠有一個一模一樣但係係綠色的,一仔媽將它又放在抽濕機上,一仔又攞起想插入門縫。

其實,會否有其他野一仔已識做,但我地仍未比機會一仔去做呢?

轉呀轉

<1yr1mo>

如果唔係見到一仔咁轉,一仔媽都唔知道依個八爪魚總有轉呀轉依個玩法!



2013年3月28日 星期四

早上十一點半食全軟飯



<1yr1mo>

一杯米,洗淨后,水份量: 係一碗水連米 + 半碗淨水,電飯煲煲50分鐘。






電飯煲出蒸氣后放埋送一起蒸。


     

一大碗軟飯: 頭三天一仔食剩少少飯,今天第四天食剩半碗飯
  



飲食時間:
6:30am   240ml奶
8:30am   蘋果或梨半個至一個+水
11:30am 全軟飯+水
4:30pm   粥+水
6:00pm   橙或餅乾(仍嘗試中,因一仔仍抗拒食)+水
8:00pm   大人飯+水
8:30pm   奶

自從一歲大轉飲了雅培3號恩加健后,每日一次便便



惠氏金裝: 學出高表現高FUN賞大抽獎

http://sender.x-srv1.com/web.php?cid=1255&lid=18787&eid=27312

買 HUGGIES換購摺合三輪車

http://www.hk.huggies.com/bb-walks-aroundluckydraw/index.html

**請注意,先到先得,換完即止

(一仔媽原本有興趣,但見到"換完即止",咁就要睇定d先)

COMFLOR 2013全新款式地墊現接受預購

http://edm.baby-kingdom.com/em/display.php?M=408331&C=71036a8e55d90efb902b691715d9e2a4&S=573&L=5&N=152

雀巢金裝能恩 「茁壯BB大招募」

http://www1.baby-mo.hk/images/EDM/Nan.html

DWINGULER 發聲地墊

http://edm.baby-kingdom.com/em/display.php?M=408331&C=71036a8e55d90efb902b691715d9e2a4&S=587&L=5&N=156

一仔今次咬爛了...

<1yr1mo>
一仔,媽媽平時知你係大力仔,網床被咬爛,媽媽原以为只是偶一發生事件,估不到幾天後,你竟然又咬爛了個發聲玩具电話



原来你d牙力總驚人!

明明今早媽媽出門時玩具电話完好無缺,但一回家就被你咬爛了!

一仔,你幾時先不会乱咬東西呢?

媽媽以后買玩具要睇清及諗真d是否对你安全先可買了。

一仔食軟飯的進展

<1yr1mo>

自從一月睇到blog 友小豆子媽話帶小豆子返健康院打完一歲針后,小朋友要开始轉食三歺固体,所以,待一仔二月達一歲時,一仔媽开始嘗試幫佢轉食軟飯。

起初一仔媽有d擔心,因之前一仔唔喜欢食结既粥,而軟飯有d似結既粥。

所以早上十一点半果歺粥,仍要煲,另叫新印印用新飯煲煲軟飯兼蒸餸给一仔食。

食了軟鈑+補粥(如相片既份量)差不多一個月了,好彩好顺利,一仔亦食得晒!

左面大碗係粥(份量係以前一餐粥的一半 = 1/4杯米),右面細碗係軟飯 (=半杯米)

昨天更開始將早上十一點半餐改為全軟飯,用相中的大碗,一仔差不多食晒一整碗。
(有叫新印印依然要煲粥,待試多幾天一仔穩定食軟飯而不用補粥后,才會十一點半只食軟飯,下午四點半依然食全粥 )

好奇怪,用一杯米份量係煲兩餐粥,但昨天用一杯米份量煲一餐軟飯,一仔居然都可以差不多食晒,一仔係未大食呢? 食到肚仔都脹晒!

*********************************************************************************

同一時間每晚的晚歺約八點鍾,亦额外用新飯煲的蒸架蒸bb餸,飯就同我地大人一样。

飯撈麻d餸后,有相片中细碗的3/4份量,有時食得晒一碗,有時只食幾啖。

一仔坐在high  chair 上和我地一起开歺,一仔媽会先餵完一仔食,然后才自己食。

有試過自己一邊食又一邊餵一仔食,一仔肯定食唔晒。

然后 八點半至八點九再補奶。

***********************************************************************************
上兩個星期日,同一仔去飲茶,一仔姑媽餵一仔食腸粉,一仔都食到呢!

前幾晚食日本野,比剪碎了既拉麵給一仔食,當然一仔都食得ok!

昨晚食飯,連續有兩粒柳梅太大粒,一仔都識吐出來呀!




第一次用鴨咀杯飮奶,结果....

<1yr1mo>

一仔媽好想继续每個月写一篇回顧一仔的成長,奈何一仔媽太忙(其实可能亦差於適當分配時間),只好逐次写,將来都可以睇番!

健康院既書話小朋友最遲18個月要戒用奶樽飲奶,不然容易引致蛀牙,小朋友亦会好难再戒用奶樽。

一仔幾個月大時,一仔媽已買了Combi学習杯,但用飲管或鴨咀飲水,一仔都係飲得麻麻,最近這星期用鴨咀杯飲水才好似好d。

所以,今晚試用鴨咀杯餵奶。

當時差不多九点,一仔扭計,因一仔媽唔比佢行埋部电腦又开又关,而飲奶時間已到。

一仔起初都唔願吮個鴨咀杯,趁一仔稍微安靜番睇电视廣告時再比佢吮,如是者吮了兩三次后,一仔扭計不願吮...之后一換番奶樽,才乖乖继续飲奶!

第一次用鸭咀杯飲奶雖失敗了,隔幾天后一仔媽会再試!

2013年3月26日 星期二

鯇魚腩

前幾天blog 友肚B媽煲鯇魚粥覺得多骨,一仔媽建議買鯇魚腩(以前細個食得多,但都係到現在要煮比一仔食先知叫魚腩),一仔媽形容係"連住魚泡"果part,有d似迷你版的肋骨,d骨好大條而容易挑出來,而另一blog 友bb妹媽形容得更貼切“肚個位就係腩,即劏开魚肚攞內臟”果part。

今早去街市買鯇魚腩,影麻相,圖文並茂,會更清楚!



一仔媽唔識分大魚和鯇魚,bb妹媽話鯇魚塊鱗大d。
老板劏魚時,一仔媽專登碌大雙眼望實,d鱗真係好大塊!
下次又試下買大魚,睇下d鱗係未細塊d先!?





**不過,bb妹媽,當d鳞刮乾淨後,總有無方法去分鯇魚定大魚呀?**


原來魚泡只係左邊有,咁無魚泡既右邊是否一樣少魚骨呢?




魚肚連魚泡



依一部份連魚泡36元,請老板再幫我切三份一留給一仔食。




不過要留意,魚腩中只係魚肚果邊d骨大條,另一邊魚背d骨都係幼細唔適合比BB食(一仔媽自己都唔喜歡食)。





之前唔知点解,一仔媽總覺得鯇魚多骨d,但一仔爸話人地打边爐都係用鯇魚肉,咁又係喎!

而且,鯇魚腩比大魚腩甜d咋!

肚B媽問有什麼好方法挑魚骨出来?
其實可以左右手各用一枝西餐的鐵义一齊去挑,因手感會好d!

蒸魚方法:
魚洗淨,印乾水,用半湯匙鹽醃,加薑蔥放魚面,滾水後用中火蒸10分鍾,倒去魚汁,再放蔥在魚面上,魚面上淋上熱油,再淋生抽。

一仔終於上黃巴士la

<1yr1mo>

去年十一月中黃巴士前編輯
Joanne 在一仔blog留言,邀請一仔媽send一仔的相片刊登於黃巴士上,后來一仔媽在其他blog友上都見到她們的bb相片上了黃巴士,但仍未見一仔果張,有d納悶,但果時超忙。


一仔媽等到搬了新屋后再send 電郵問,原來 Joanne 已離職,幸好有另一位編輯 Bigi Lam 幫忙跟進,終於一仔張相片(五個月大)可以登於第47期三月份的黃巴士上了!




  





一仔差d撞到隻眼

<1yr1mo>

今晚一仔爸比一仔媽早放工回家,一仔媽一回到家,一仔爸就報告一仔今日撞到隻眼
!



望真d,不止眼袋損了,連眼蓋都有損!



 



點損?一仔係網床上玩時,好喜歡短跑式走來走去 ~ 好彩係地磚上他知驚,總未開始咁走法!



一仔經常撞去網床鐵欄邊,有時都見佢識用手扶一扶去卸力!



跟住一仔就會磨牙咁咬個欄邊,日子有功,加上口水催化劑,欄邊塊布終於被一仔咬爛了!



但大意又深遠視的一仔媽居然睇唔到張網床已經爛了(每晚由新印印清潔,但一仔媽沒有複檢),仍比一仔在網床上短跑及磨牙,而個布窿愈來愈大,最後塊鐵片露了出來,一仔一撞麻去,就撞損了!




一仔媽估計當時一仔本能反應識咪麻隻眼,好彩,不然,損的應不是眼蓋了 ~ 諗到咁,一仔媽真係驚!
暫時網床用條大毛巾遮去了露鐵的位置,但見一仔依然好喜歡咬果個位置!







點解遮住了都係咬同一位置既?莫非一仔聞到自己d口水味?




不過,一仔媽擔心一仔好快就會識扯走條大毛巾!



一仔媽同一仔爸講不知可否幫襯果d街邊賣廣告話可以幫人補梳化既補番張網床呢?一仔爸話不可行!


如果大毛巾擋唔住,可能成張網床要報廢了!

P.S. 大懵既一仔媽突然醒起一仔返健康院打一歲針時護士派了一隻DVD,但因新屋的DVD機未裝番,電腦個speaker又唔知點解唔響,一仔爸一直好忙未有時間整(但 Candy 又有時間打到去二百多版既?),趁復活節假期要抽時間睇一睇先!
最弊係 : 一仔媽好似無印象隻DVD放左邊度?



2013年3月25日 星期一

邊一個敲琴?


<1yr1mo>

話說一仔媽係睡房執緊野既時候,客廳傳來陣陣美妙又規律的敲琴聲,於是一仔媽凸個頭房門外問一仔爸是否他敲緊琴?

一仔爸舉起一隻手指回答一仔媽!

一隻手指? 代表什麼呀? 睇完段片就明la!




一仔用邊一隻手寫字?

<1yr1mo>

之前塊大的神奇畫板被一仔整爛了個擦制,成塊板唔用得扔了。

現在平平地十元係日本城再買塊細的比一仔寫字,估唔到一仔兩隻手都用到...將來大d,唔知最後一仔會用邊一隻手寫字多d呢?





2013年3月22日 星期五

影BB卡通造型相


一仔姨丈、姨媽真係好錫一仔,除二月時生日礼物送了变型車給一仔后,三月一仔又收到一份連一仔媽都好喜欢的礼物 ~ 就係去影BB 相,總要有造型選添及免費。

其实係姨丈、姨媽行开街經过Trendyland,要買$500 coupon ,先有得送此免費的影相套餐!


 


不過要注意買了coupon兩星期內要約期,只可星期一至星期四影相及選相,影相時要帶麻收據及coupon。好似拍攝時間只有半小時。







http://www.trendyland.com/


新的藍色玩具儲物箱都係Trendyland 買,特价$179, 四面都係胶板,相信会比上次纸板的儲物箱耐用d吧!?

另外,一仔媽亦要揾
d资料影全家幅相。


 


總之由去年年尾,一直未停過,都係咁忙,搬完屋后仍有好多雜物未執。

后記 : 謝謝小豆子媽發問,大意的一仔媽先再睇清楚及打电話去再問,原来影十幾、二十幾張,拍攝時間一小時(上次約期時話半小時咋),免費送一張相,余下如要檔案的,每张68元。


一指推車



2013年3月20日 星期三

跌倒兼流鼻血

當初playmat買了回來后,嚴禁一仔走出playmat外,因都係硬地磚。

如果一仔一踏出playmat,我地即刻同佢講 no no,又叫又捉要佢行番入去。


前幾天比一仔試過通屋行后,現在日日有機會佢就會通屋行。


如果欄住佢,佢都會穿出來,已經試過撞到附近傢私幾次。


今晚總clickclick腳,五體投地在一仔爸媽面前趴到地磚上,扶都扶吾切,一仔即時大喊。


起初一仔媽以為脷底有血,好錯係睇錯,只係脷筋較紅。

但不出一分鍾,見一仔兩個鼻窿同時都有少少鼻血龜速咁滲出來,果刻真係好擔心,好彩都只係滲了果少少后,無再有鼻血!

2013年3月19日 星期二

一仔搵媽媽投訴爸爸

一仔姨媽形容此次事件係一仔揾媽媽投訴爸爸!

在video一开始,一仔講了三個字,各位blog友聽到是什么字吗?



打側捲脷

聖誕時已發現一仔有一個小動作 > 條脷打側再捲。

依個動作一仔爸媽都做唔到,但估唔到一仔姨媽卻可以!



窗边推波仔之升呢

嘻嘻,套一句blog Hannah B 媽之“升呢”,一仔在窗边由推波仔升呢到推車仔,推推下個車一跌,一仔就會發忟憎。




不到一天,一仔居然由推車仔升呢到推搖控制,今次好好多,個搖拴制好少跌,一仔玩得暢順又开心d

2013年3月18日 星期一

一仔坐沖涼盤

前幾個月當一仔扭計時,無意中比佢坐其他圓形的沖涼盤,一仔真的好乖坐定定。
后來一他爸問一個有三個女兒的同事,同事話三個小女孩都好喜歡坐沖涼盤。
所以某日當新印印放假,晚飯一仔爸媽食緊外賣而一仔又開始扭計時,又取個沖涼盤比一仔坐...


BB真係好似大人咁,貪新鮮,昨晚得一仔媽和新印印食晚飯而一仔又扭計時,再用依個方法已經唔work



搭地鐵

<1yr1mo>

一仔繼年初四第一次搭地鐵后,今天第2次搭地鐵!




2013年3月16日 星期六

一仔 + 一仔爸兩父子之對話

今晚一仔爸返早班,放工去了辦事没有回家吃晚飯,食晚飯時才返到家,一仔已食完飯等補奶,係到半屋行 ~ 因用網床攔住了飯檯,一仔無得走去走廊/廚房通屋走。

當時一仔企係飯檯旁,昂高個頭仔,一仔一见到爸爸就講 bb話 er er er er er er,其中最清楚係”曳曵“兩個字。

一仔爸即話番一仔曳曳,兩父子來來往往幾次講曳曳+bb話,笑c我和新印印^o^

2013年3月14日 星期四

水痘針缺貨 藥廠促銷貴價替代疫苗惹質疑

http://hk.news.yahoo.com/%E6%B0%B4%E7%97%98%E9%87%9D%E7%BC%BA%E8%B2%A8-%E8%97%A5%E5%BB%A0%E4%BF%83%E9%8A%B7%E8%B2%B4%E5%83%B9%E6%9B%BF%E4%BB%A3%E7%96%AB%E8%8B%97%E6%83%B9%E8%B3%AA%E7%96%91-211235543.html


【明報專訊】2013-3-13
水痘針缺貨之際,水痘針最大供應商葛蘭素史克藥廠,同時向醫生推銷該廠生產的四合一(水痘、腮腺炎、麻疹以及德國麻疹)疫苗。四合一疫苗售567元,較傳統水痘針貴346元,本身是醫生的立法會議員郭家麒表示將去信衛生署,促請調查有沒有藥廠涉及不良銷售手法。葛蘭素史克否認質疑,並指「從沒有停止或刻意減少水痘疫苗供應」。

去年本港共有91,636名嬰兒出生,較前年減少3815名,按理今年水痘針供應應不會像去年般緊張,但本港3間藥廠包括葛蘭素史克、默沙東、賽諾菲均表示水痘針斷貨。

3間供應商中,只有賽諾菲表示該廠負責批發的日本Okavax水痘針,已恢復供應給已預訂診所,但基於商業理由,今年6月30日將終止供應Okavax水痘針。

四合一疫苗貴221元

有兒科醫生稱,單一水痘針售價221元,近期出現短缺,但貴300多元的四合一疫苗銷情一般,該醫生憂慮是否有藥廠故意減少水痘針入貨,並向醫生促銷四合一疫苗。

生產四合一疫苗的葛蘭素回應時強調,「從沒有停止或刻意減少水痘疫苗供應,以促銷其他疫苗產品包括四合一疫苗」,又稱該廠知道全球及香港對水痘疫苗需求殷切,已密切留意本港巿場並與總部保持聯絡,增加供港數量。

郭家麒憂慮醫生與家長在水痘針缺貨下「肉隨砧板上」,被迫使用四合一疫苗。他會去信衛生署要求查核藥廠水痘針的出入貨量,了解是否涉及不良銷售手法。

2013年出生的BB在2014年有得免費打水痘針

睇Blog友小豆子媽Blog先知道香港明年有得免費打水痘針,上網再揾資料,原來只限2013年出生的BB先開始有得免費打。

htt女://news.似三百左右三已。元i問a.com.hk/news/20130226/-2-2903754/1.html








1歲童打水痘針 明年起免費


02 - 26 05:00


【明報專訊】本港每年約有8000至逾萬宗水痘個案,主要患者為兒童,衛生防護中心計劃將水痘疫苗納入「香港兒童免疫接種計劃」,預計明年起在全港母嬰健康院,為1歲童免費打水痘針,直至小一會再打第二針。

衛生防護中心的「疫苗可預防疾病科學委員會」建議為兒童接種兩劑水痘疫苗,第一劑在小童1歲時接種,第二劑則在該小童念小一時,由學童免疫注射小組負責接種,預計明年起在母嬰健康院實施;惟於明年前已滿1歲的兒童,將不獲補打水痘疫苗。

衛生署發言人稱,該署現正評估水痘疫苗的服務需求,暫未有資助金額。據統計處資料,本港去年約有9.1萬名嬰兒出生,2011年則有逾9.5萬,而衛生署指過往免疫接種計劃對2至5歲兒童的覆蓋率高於95%。

現時兒童免疫接種計劃包括卡介苗、破傷風及乙型肝炎等至少8種疫苗。

衛生署參考網址
http://www.chp.gov.hk/tc/view_content/28264.html
東方日報參考網址
http://orientaldaily.on.cc/cnt/news/20130226/00176_072.html

P.S. 15/3  在新屋附近問了兩間疹所,水痘针無貨,原本$550,番貨后价$可能有变動。印象中舊屋鄰村打大人針好似蚊咬咁一d都唔痛既女医生,一月問時好似三百左右而己

2013年3月13日 星期三

幫一仔度高 ~ 愈度愈矮既?

每個月都有幫一仔度高,用原始既方法,讓他瞓係到,頭腳各劃一線。

剛在Meyer (美亞) 買了張得意既量度尺(原來日本城都有得買,一樣40元而已),有不同圖案,總可以貼幾張相添,整張量度尺要貼上牆。

現在一仔識行,可以叫一仔拍埋牆度高,點知度到由之前74cm 變成 現在只有 72cm




 









全間屋,只有依個衣柜可以貼!

加多一句,貼得咁靚,梗係一仔爸既傑作,連一仔嫲嫲都讚呢!

一仔食橙(下)

今晚一仔媽放工回家見到一仔食橙個碗里仍有橙,新印印話一仔食了少少就擰頭唔再食。

一仔媽問新印印係未個橙酸呀?新印印話唔酸!

到食完晚飯一仔媽食同一個橙(一個橙分開三份,一仔同新印印6pm食先,留番d比一仔媽食),一仔媽一食即覺個橙有少少酸,估唔到一仔似一仔爸連少少酸都唔願食!

一仔媽繼續食緊橙時,估唔到一仔又餵一仔媽食.....

當時一仔企係一仔媽旁邊,一隻手拿住個玩具放入口中咬得津津有味,咬咬下突然轉手將滿是口水的玩具塞向一仔媽個咀,一仔媽反應慢了一步,食了一面口水-_-||

2013年3月12日 星期二

吹泡泡 + 兒童遊戲室@坑口

估唔到搬了新屋后,剛過去的星期日,一仔爸可以一次過達成了一仔媽三個願望。

第一個 : 同一仔玩吹泡泡


一仔雖然未識玩,只係嘗試去touch,但表姐玩到好開心呢!

第二個 : 去圯遊戲室玩,一仔好有興趣,如果遊戲室再多d遊戲玩就好了。


第三個 : 已去探了路,但未帶一仔去玩,留待下次揭盎。

只係一個星期日玩了一個上午,一仔完全無瞓覺,到十一點半食粥時間,因扭瞓覺,只食了少少粥,跟住瞓了1.5小時......之后食同瞓都有d亂,居然晚上七點多瞓到第二天早上六點半才起身飲奶!

攀床 + 發爛渣

一仔媽原只係想用網床攔住一仔,唔比他走出playmat,估唔到一仔不但將網床推離幾寸外(無影低罪証添!),還試圖攀上張網床。

但一仔呀,你知道就算你攀爬成功,你都係攀入網床而已
!


如果有d野唔順一仔的意願,一仔就會咁發爛渣,正一小惡龍!


2013年3月11日 星期一

一歲大的一仔 ~ 幼稚園報名 (1) v.s. 2012-08-02 新聞透視 - 生與不生

一仔三個月大時,在一仔姑媽提醒下,一仔媽才連忙幫一仔揾幼兒/幼稚園報名,因果時未確定幾時搬新屋,所以舊屋及新屋兩邊都要搵,果時一仔未戒夜奶、又要返工,又要泵奶,一仔媽超級唔夠時間用。
現在先有時間睇番,原來新屋只報了兩間幼兒園讀N班,兩間都好似係全日班。

果時聽人講全日班好過半日班,因半日班會將全日班的教學谷麻半天教,小朋友辛苦d。

但現在又聽人講全日班有半日是給小朋友瞓覺,所以都唔知邊個好d?

一仔係大仔,如果等K1先讀,好似又太遲,又會成舊蕃薯咁,所以想他讀麻N班先,始終學校教的有系統d!?又可以同其他小朋友玩,但會擔心病多d,及無學卷,要每月比全部三千幾學費啊! 香港政府快d連N班都資助麻啦!


人地話TKO的校網唔好,好多有能力的父母寧願將子女送去九龍塘讀。
一仔媽就無諗過了,原因好多 : 遠又要浪費時間搭車、貴,又要做好多準備功夫.....都係近近地讀TKO吧。

睇完依個成廿三分鍾既video,一仔媽好似又諗通了d,個人都鬆d...

不過,都會在TKO報多幾間幼稚園,但要等到18個月或兩歲先報名讀K1。




個video係一仔在美國的三姨email給一仔媽的,她可能都怕一仔媽會變成怪獸家長吧!

放心啦,一仔媽真係唔願花咁多時間及金錢幫一仔報讀又貴又遠的名校!

有用的網址:
http://www.teddykids.com/portal/school/
親子教育網

http://www.myschool.hk/district.php
18區幼稚園一覽

http://203.169.204.5/kindergarten/details.html?ID=607
教育局

一仔开始食橙

曾在哪里睇過BB要過了一歲先好食橙,一仔已經一歲多了,可以食橙了。

剛过去的幾天,6pm幫一仔加了食兩片橙的時間,多d维他命c,希望幫助增强一仔既抵坑力,無咁容易病。


如果個橙唔酸,一仔都喜欢食,已出了六隻牙仔的一仔,细细粒的橙肉都可以食到了。

一仔媽嘗试比一细粒给一仔自己放入口中食,点知......一仔係放入一仔妈口中,一仔爸妈一齊見到都觉得好驚喜^o^

一仔爸即時話原来一仔都錫一仔妈既!

奇異果更加多维他命c,但如果酸,一仔唔肯食,擰晒頭兼走佬,一仔妈要再想想辦法。

2013年3月10日 星期日

一仔的bb話

一仔爸媽平時好少同一仔去街,因一仔爸份工返shift,一個月只得一個星期日放假先一家人去街。

上星期日一仔爸媽唔得閒同一仔去街,但一知道一仔jj红可能係发炎,連忙趕一仔食完四点半歺粥同他去函睇医生。

推住bb車落到樓下,天开始有d暗,估不到一仔爸居然聽到一仔問”去边到?”


昨天姨丈、姨妈来食飯,晚上八点半要離开時,一仔开始扭計,居然被姨丈聽到一仔講”要飮奶奶“!一比奶一仔飲,即刻乖晒。

以为一仔講野係巧合(雖然之前都聽过一仔食药時唔食講”苦苦地”、”飽”、“唔食”),但隔了一星期又聽到,喜出望外呢!

今晚,一仔媽準備緊bb歺時,一仔望住一仔妈,一仔爸媽同時聽到一仔講”做唛野“?

要开始留意一仔講什么bb話了!

2013年3月7日 星期四

一歲大的一仔 ~ 破坏王

識行的一仔,越来越百厭,最近榮升了做破坏王添!

一仔姨媽送了一個得意既箱仔,等搬了新屋后可以放一仔d玩具,間新屋無咁乱。

估唔到未夠一個月,己被一仔踩爛了,而一仔媽未有時間去行街再買过!



 




*********************************************************

二月尾買的玩具手提电話、一对沙槌(謝謝田鼠媽提供正確的名稱),被一仔扔爛了。

********************************************************
之前朋友、婆婆送的或一仔媽我買的書仔,全部甩皮甩骨,慘不忍睹!




仔呀,書中自有黄金屋,你咁样虐待d書,將来点賺幾桶金呀?

***********************************************************

有一塊神奇畫板,一仔都識揸住d笔係上面劃幾劃,畫板有一個掣,由左拉向右,畫板就会乾淨晒。

点知不出幾天,一仔媽放工回家見到粒掣已跌了出来,無得擦乾淨,即成塊板都無用啦!

*************************************************************

又有一個玩具鼓及一個玩具琴,各有敲棒,一仔媽放工回家后又见到对敲棒巳断了!

***************************************************************

还有d吹氣的胶波、不倒翁、胶槌,爛完又買,己買了幾次。

****************************************************************

最新鲜係姑媽给的三個balloon,一仔爸話一吹完后,全被一仔兩隻手夾爆了,一仔爸話爆果刻,一仔一d都唔驚!

****************************************************************

仔呀仔,你要学識愛惜玩具及書本啊!

2013年3月6日 星期三

一歳大的一仔 ~ jj红 + 發燒

2月23日(六)帶一仔返健康院打針時,一仔jj已有d红,好似亦紅了一兩天,但一仔媽忘了問護士,唯有自己幫一仔搽藥膏,試了幾天,搽了不同药膏都依然红。

問公司的媽媽同事,改搽凡士林,好了一天又红番。
 
whatsapp問d媽媽朋友,其中一個既仔仔试过,医生話係發炎,果次比了藥膏搽就好番了。

所以,3月4日(日)趁一仔爸放假,連忙帶一仔去附近商場睇under 一仔爸公司保险的UMP網的普通科医生,個医生六、七十歲,他望一望后,話係發炎,一仔媽問点解,医生答可能包皮过長,开了四天抗生素药給一仔食。

我觉得个医生麻麻,又無同一仔磅重,又無接觸过一仔jj,就話包皮可能过长,更开抗生素药,因他話jj紅係由身體內發出來,要食藥先好,搽藥膏不成。

早排新聞話有d醫生亂開抗生素,令到社區多了好多病例對抗生素有抗藥性,大人都唔可以亂食,更何況小朋友呢!

好彩第二天一仔爸仍放假,於是改帶一仔睇另一個亦under UMP網的兒科專科,医生話無發炎,只係比小便整到红了,要勤d換片,而且量到一仔38.3度發燒,可能出玫瑰疹或中了双甲(甲型流感+甲什么)。

醫生開了退燒藥、止鼻水/敏感藥、止咳藥(預防! 咁又係,疹所開9點已有20個工人排隊,等到11點幾先有得睇,萬一真係咳又打乞池再來睇過,又要等咁耐真係金!)

一仔媽觉可能係打一歲針后发燒多d,因剛好係第九天(5-12天可能發烧)。

另外,醫生要一仔即時回家沖涼后取小便趕疹所一點關門前即場化验,結果無事。

************************************************************************
好彩一仔都係38度左右微燒,keep check住,又貼退熱貼,最后星期二早上加了退燒药落奶一起飲后,都無再發燒了。

而搽了兒科医生给的药膏后,星期三jj己無嘜红了。

*************************************************************************
后話 :
因一仔近兩、三個月的尿片有時爆c,剛好這個月轉用了Merries尿片,原覺它好用,爆c情況少了,但一包未用完,一仔jj已出事,可能係它唔適合一仔用。原本網上亦訂了4包,好彩趕得及取消訂單。

暫時都係白天改用番H牌,晚上用特級棉柔先!