乖乖戴口罩

<3yr10mo>

放暑假後，一仔好少病了，一來無返學，二來天氣熱，改用凍水（又不是完全凍，太凍一仔都唔肯）沖涼~不知是否真有關係呢？印尼工人話她一家人在印尼好少病，他們是用凍水沖涼的，包括她自己兩個幾歲大的兒子。

直至九月返學，天氣有些轉涼，一仔間中早上有些鼻水。

今次一病，全家都病了，輪住去睇醫生。

上年的今日，一仔一定唔肯戴口罩，見到一仔媽戴，一仔都要一仔媽除口罩。

今日，估唔到一仔肯乖乖的戴上口罩！

TOMICA 聖誕奇妙之旅（下半埸)

<3yr10mo>

上半埸去完消防局，趁下午有時間，順便去麻奧海城睇TOMICA車展。

共有3 parts，其中兩parts 要排隊。

Part 1 室外跑道，有派籌時間、每次派多少張、限歲數/高度/體重，每次玩5分鐘。

12月5日-12月27日
星期六、日、公眾假期，2pm-6pm 
捐$20給"愛心聖誕大行動"
限3歲-12歲、身高90-130cm、體重25kg以下

2pm派籌48張，玩 2pm-4pm
3pm派籌24張，玩 4pm-5pm
4pm派籌24張，玩 5pm-6pm

好彩我地一點半去到，計過人數我地排到廿多張，到2pm派籌時真係派到3pm，諗住博前面d 人未必準時返...但最后都係3pm才到一仔玩。

其實拎了籌，我地可以入室內先玩part 2，可惜我地無咁做。

拎籌時，真係要磅重及度高度

工作人員好有心機教一仔點玩

起初一仔要我'傍'住佢，我就行前引佢揸車跟住我

Part 2, 玩15分鐘，限20人。

當我地玩完part 1去part 2時，好多人排隊，起碼30人，所以無玩。

Part 3 只係展示埸，唔駛排隊。

旁邊有得賣TOMICA 車仔，玩具反斗城member有九折定九五折，要出示會員卡

青衣消防局開放日+嘉年華會（上半場）

<3yr10>

一仔媽這陣子超忙，公司多訂單趕新年前出貨，阿妹同她一歲多的女兒從美國回香港兩個月，和我們一起住。

原來屋企有兩個小朋友，真係好忙好忙，好配服哪些FTM可以一個湊兩個小朋友！

忙還忙，得星期日放假可以陪一仔，知一仔喜歡消防員，趁消防局有開放日，當然要帶一仔去遊一遊，點知一仔居然話要去警察局，印象中好似無警察局開放日吧？

開放日十點半開始，十點十五分去到，已見處處都要排隊，我們連忙去有得免費換上消防員制服兼影相的隊排隊。

見到個個幫手的消防員或工作人員都面帶笑容，很熟練拎不同size的制服畀小朋友穿，又用發泡膠製成不同消防員用的工具，畀小朋友當道具影相，又有消防員客串和小朋友一起影相，真是好貼心又窩心！

在埸另一邊的舞臺上，有個女歌手唱些好好聽的兒歌，邀請小朋友一起上臺，可惜一仔唔肯上臺。

Sand House @觀塘

<3yr9mo>

十分多謝負責人邀請我們一班blog 友去Sand House玩兩小時，相信個個小朋友玩得都好開心。

這個Sand  House 在觀塘，搭地鐵去最方便，而我們選擇了搭小巴，十五分鐘車程就到。

一入門口，有張二人位的梳化，旁邊鞋柜，很舒服寫意feel

亦有一排locker

上網睇，Sand House 有不同遊戲的設施，因我們一班blog 友仔都是3歲左右，場主準備了以下的設施給我們玩。


沙場
一仔去過沙灘，所以對玩沙一d 都不陌生，沙埸上有好多砌沙玩具、用具，而且是玩完不用自己洗，最正！

難得一仔爸落埸陪一仔玩沙

一仔研究緊d沙從漏斗漏出來

半月形攀架，原來一仔都識爬

有小型滑梯，但看來已不太適合一仔坐上去sir了

這張相坐在地上，感覺姿勢有些攪笑

一仔可能亦有同感，他寧願讓畀車仔sir

有時拎去其他地方玩車

充氣鱷魚滑梯
其他blog 友仔對此滑梯好似興趣不大，得一仔一個人玩，所以他也只玩了幾次而已

籃球場彈床
其他blog 友仔在玩沙，一仔卻喜歡在彈床上走來走去、玩波、入籃，又彈下彈下，一仔爸媽又可以陪佢一起玩，他玩到好開心。

場主很細心的在橫樑下貼了一層膠墊，防止撞頭

但大人玩時，要注意場邊的網欄很矮，而個彈床是彈下彈下，若失去平衡，容易跌了出去


Party 房
有兩間

第一間

我們喜歡第二間，因光猛，又有一張大搖椅，椅上還放了一個大公仔

一仔平時不肯坐尿片千秋，估不到他喜歡坐這張椅及和大公仔一起影相(一仔媽用手固定搖椅不會搖)

充氣射箭場

一仔喜歡將波放在噴氣孔上，有時專登推歪噴氣柱，令波跌下來

充氣黃人

巨型充氣泡泡球

見到blog 爸爸玩麻一份，又幾攪笑

初來到沙埸時，一仔想玩，但不敢玩，尾聲時見到其他人玩，他才肯企入去

大合照

一仔原本坐紅色的，後來卻坐了綠色搖搖木馬

其他場地設施

除了有拖鞋提供外，亦有腳套提供

電視機，播番d 遊戲點玩

頭盔 - 一仔之前唔肯戴帽架，可能見到學校交通安全隊要戴，一仔自始愛上戴帽

後話
1) 估不到玩完後，我們只是去沖涼房洗腳就得，場主提供了毛巾給我們抹腳。

衣服拍幾拍，亦無沙了。

去沙場，要注意衣物盡量不要有袋，不然回家清洗會有些麻煩。

2) 今次見到一仔和其他blog 友仔的互動多了，雖然只是一起"聚麻玩",不是直接的交流，一仔媽見到都開心又感動。

3) 結束前的三十分鐘，一仔媽出聲同一仔倒數，到夠鐘走時，一仔都乖乖的跟我們走，沒有扭計，期待下次再與blog 友仔的聚會。

4) 鳴謝其他blog 媽媽，因以上有些相是由她們提供的。