上年年尾剛去完海洋公園，玩到12点睇海豚表演既中途，一仔已瞓着了，所以，無諗过咁快又去廸士尼的。
点知一仔姨丈姨媽去百老滙買电器，有一張廸士尼成人入場券送，有效期到五月中。
三歳以下小朋友入場又免費。
一仔公公的Asia miles 今年有d積分又到期，一萬分可換一張成人入埸券（換券時要出示公公Asia miles 的會員証正本）。
咁即係免费入場啦，一仔媽当然唔会錯过。
一仔爸唔想星期六日去，怕太多人，排隊都排歺死，所以選星期一去，好彩亦無落雨，但我地完全忘了八点幾出發，會撞正上班族搭車返工時間的塞車。
到達廸士尼時，剛过了开放時間十点，好彩亦不算多人排隊。
係Guest Relation 換了入埸券后，好快就入到閘了。
沿路行入廸士尼，其实都好多人，可能前幾天都落雨，今天好彩開始無落雨。
因只打算玩半日，为了節省時間，第一站本想去坐火車繞場一周，点知工作人員話無開放，因要建造「鐵甲奇俠飛行之旅」，要明年先重開！！！
好失望呀！因幾年前黎既時候，因太多人排隊，又係無坐过呀！
跟住入了"美国小镇大街"幾間店子行，一仔原本拎了一桶玩具比一仔媽，示意一仔媽去比$，轉頭当然比一仔媽放番低，好彩一仔發現后，都無扭計要继续買，因他又比其他玩具吸引住。
入到去"幻想世界"，见到"小熊维尼歷險之旅"無乜人排隊，就拿拿淋走去排。
活潑的一仔，当然唔肯企定定，要周圍走。
都排了15分鐘才上到車，整個旅程大约分半鐘。
可能第一次玩，隧道里又暗，一仔叫了三四次呢！
跟住見到"小飛象旋轉世界"，一仔係第一次见小飛象呢！
见到一仔手指指，就知道佢好有興趣玩！
見到個牌話”由此起要排60分鐘”，好彩最后只係排了30分鐘。
一仔媽從旁要一仔留意人地点坐上小飛象、扣安全帶、及玩完要離开，所以，当玩完時，一仔都肯乖乖跟我地走。
坐完小飛象，差不多十二点，趕去"米奇金裝音樂劇院"，見未开始排隊，於是去对面露天茶座开奶比一仔，一仔只飲了少少，已見d人开始排隊，一眨眼，已排了五六十個人呢。
好彩一入場時，d人選晒中間兩排去坐，我地才可坐到側边的第一行。
未开場前，d射燈射到地上一個個圓点，一仔跟住d圓点周圍走。
到正式开埸，一仔才肯坐定定，被台上的表演完全吸引住。
有不同的廸士尼卡通人物表演
有時，有d卡通人物在我地面前經过
睇完才去食lunch，再去之前大爺媽介紹"反斗奇兵大本營"的大英文字母牆
亦去了大爺媽介結的"轉轉彈弓狗"，可惜見太多人排隊，最終我地無去玩
影多一張相
未夠兩點，一仔已經瞓左，平時好少帶bb車出街，好彩今天一仔仍肯坐
上到車，一仔仍瞓緊，一直瞓到番屋企
我地由十点玩到兩点，平均一個鐘玩一個game。
希望下次再來玩時，可以坐到火車啦！
