一仔三個月大時，在一仔姑媽提醒下，一仔媽才連忙幫一仔揾幼兒/幼稚園報名，因果時未確定幾時搬新屋，所以舊屋及新屋兩邊都要搵，果時一仔未戒夜奶、又要返工，又要泵奶，一仔媽超級唔夠時間用。
現在先有時間睇番，原來新屋只報了兩間幼兒園讀N班，兩間都好似係全日班。
果時聽人講全日班好過半日班，因半日班會將全日班的教學谷麻半天教，小朋友辛苦d。
但現在又聽人講全日班有半日是給小朋友瞓覺，所以都唔知邊個好d?
一仔係大仔，如果等K1先讀，好似又太遲，又會成舊蕃薯咁，所以想他讀麻N班先，始終學校教的有系統d!?又可以同其他小朋友玩，但會擔心病多d，及無學卷，要每月比全部三千幾學費啊! 香港政府快d連N班都資助麻啦!
人地話TKO的校網唔好，好多有能力的父母寧願將子女送去九龍塘讀。
一仔媽就無諗過了，原因好多 : 遠又要浪費時間搭車、貴，又要做好多準備功夫.....都係近近地讀TKO吧。
睇完依個成廿三分鍾既video，一仔媽好似又諗通了d，個人都鬆d...
不過，都會在TKO報多幾間幼稚園，但要等到18個月或兩歲先報名讀K1。
個video係一仔在美國的三姨email給一仔媽的，她可能都怕一仔媽會變成怪獸家長吧!
放心啦，一仔媽真係唔願花咁多時間及金錢幫一仔報讀又貴又遠的名校!
有用的網址:
http://www.teddykids.com/portal/school/
親子教育網
http://www.myschool.hk/district.php
18區幼稚園一覽
http://203.169.204.5/kindergarten/details.html?ID=607
教育局
我阿B係大仔, 黎緊年中都要開始搵N1,我應該會俾佢讀半日試下, 如果屋企有人湊, 可以唔駛番全日, K1先再唸, 唸起要填form, interview 都好鬼頭痛><
回覆刪除[一仔媽回覆03/12/2013 17:29:35]年中先搵N1? 好似有d已經一早開始報名了，唔好再等，快d搵睇下幾時報名!
如果認住生多一個就要bb讀全日!
最頭痛係面試，所以報多幾間，等bb 可以演習下，希望心儀果兩間係最後才面試!
謝謝分享
回覆刪除[一仔媽回覆03/16/2013 08:23:08]he