一歲大的一仔 ~ 破坏王

識行的一仔，越来越百厭，最近榮升了做破坏王添！

一仔姨媽送了一個得意既箱仔，等搬了新屋后可以放一仔d玩具，間新屋無咁乱。

估唔到未夠一個月，己被一仔踩爛了，而一仔媽未有時間去行街再買过！

 

*********************************************************

二月尾買的玩具手提电話、一对沙槌（謝謝田鼠媽提供正確的名稱），被一仔扔爛了。

********************************************************
之前朋友、婆婆送的或一仔媽我買的書仔，全部甩皮甩骨，慘不忍睹！

仔呀，書中自有黄金屋，你咁样虐待d書，將来点賺幾桶金呀？

***********************************************************

有一塊神奇畫板，一仔都識揸住d笔係上面劃幾劃，畫板有一個掣，由左拉向右，畫板就会乾淨晒。

点知不出幾天，一仔媽放工回家見到粒掣已跌了出来，無得擦乾淨，即成塊板都無用啦！

*************************************************************

又有一個玩具鼓及一個玩具琴，各有敲棒，一仔媽放工回家后又见到对敲棒巳断了！

***************************************************************

还有d吹氣的胶波、不倒翁、胶槌，爛完又買，己買了幾次。

****************************************************************

最新鲜係姑媽给的三個balloon,一仔爸話一吹完后，全被一仔兩隻手夾爆了，一仔爸話爆果刻，一仔一d都唔驚！

****************************************************************

仔呀仔，你要学識愛惜玩具及書本啊！