FUN ZONE @馬鞍山雅濤居

<2yr1mo>

一仔媽原打算去體肓館既兒童遊戲室，但一仔爸話想去其他的，好彩早排睇到小豆子媽介紹的Fun Zone，由TKO駕車去，20分鐘車程。

Fun Zone 所在的雅濤居停車場不設時租，最近有個露天停車埸，下雨天，一仔爸唔想泊露天的，兜了一個圈，最后泊在新港城的停車場！

先揾了間茶歺廳食lunch，好彩有卡位，卡位塊落地玻璃望到馬路，吸引到一仔，我地先可以好安樂又好快食完去玩。

Fun Zone 里有三個区：大遊戲区、小遊戲区及party区

大遊戲区有兩層高

有d吊柱fing下fing下，雖然軟身，但小朋友都要小心，怕被撞到。

射波波，一仔唔夠高玩。

有個小型波波池

一仔喜欢執波波

依條長滑梯，估唔到一仔喜双玩，玩了三次。

依條旋轉滑梯，入口有d黑，一仔見到轉頭走，但比一仔媽捉住玩了一次，好彩佢都唔驚。

有石牆爬，當然唔啱一仔玩。

另有一個小型遊戲区，適合較细的小朋友玩。

有間屋仔，但有幾個小朋友係里面玩緊，唔比其他小朋友入去玩。

一仔當然最喜欢玩車車。

假日一大一小任玩全日$120。

我地12点幾到，愈玩愈多人，最后我地兩点幾走了。

要走既時候，一仔好彩只喊了幾聲。

入形狀

<2yr1mo>

有一排無同一仔玩入形狀，因佢未識，未識去揾形狀洞，有d形狀多角，佢未識轉番個角度去入。

之前連個形狀箱蓋都唔識開，会示意要我地幫佢开。

三月頭左右，知道一仔已識开形狀箱蓋。

今晚，唔係見到一仔自己玩，都唔知佢已識入形狀，工人姐姐總話一仔已識入一排了添！

剪頭髮 + 再影學生相

<2yr1mo>

剪頭髮

一仔大個仔了，不再係BB，不再幫他剷短頭髮了，因他都好怕個剷髮器。

工人姐姐話一仔背面髮脚長，沖涼時容易整濕，但依個weekend一仔爸要返早班，夾唔到一仔一点鐘沖涼既時間在家剪頭髮，那唯有由一仔媽出馬，第一次操刀，结果。。。

前面ok，姨媽話似韓劇星星的男主角，不过係BB肥版。

側面ok。

背面髮腳就參差d。

剪髮時一仔有少少喊，又有少少扭計，好彩都能順利完成。

但洗頭沖涼時，因怕整到浴盤都係髮碎，改用花灑直接淋水，一仔喊到好淒涼，又話驚驚。

上個月一仔都好怕用風筒吹頭髮，今個月，比一仔睇媽媽吹頭髮幾次后，再幫一仔吹時，個風筒距離遠d，一仔都肯用風筒了，吹一兩分鐘，同時用隻手不停撥下佢d頭髮，好快就吹乾了。



再影学生相

有d幼稚園報明年9月讀K1的，4月要开始報名。

依張係上次報N班時在屋企自己影的，奈何陰陽臉。

依張係去英皇試学日，当天早上在快图美影的。

比上次影証件相，時間要耐好多，因一仔唔合作，影了都有幾分鐘，好彩無乜客人。

一仔成日张開個口仔，要人手幫佢合番麻個口。

影相哥哥話要一仔笑下，一仔肯坐定定，影到一张相，我地已经偷笑了！

但若早知一仔媽能剪到星星主角的髮型出來，就唔咁快去影学生相住。

快图美影相，60元有八张，滙豐卡有折扣，加十元，有一隻CD入住張相的檔案。

回家用software 整成一張4R有8張相仔。

再用肚B媽介绍的快图美上網晒相服務，$1.3一張，最低消费12元。

爬上旋轉滑梯

<2yr1mo>

早上，若一仔媽係屋企，一仔唔会瞓觉，索性同一仔去公園玩，见一個歲半小妹妹技巧好纯熟爬上旋轉滑梯，無理由百厭的一仔爬唔到？

即刻教一仔爬，hehe，一仔真係好快学会了。

回到家，趕及十一点煮麵给一仔食，食完，一仔媽出去買外賣，回到家時十二点多，估唔到一仔已拖了工人姐姐入房去陪佢瞓觉，一仔媽叫工人姐姐去食野先，由得一仔自己瞓，十分鐘后再入房睇一仔，他真的自己瞓着了，第一次可以自己瞓呢！

一瞓，瞓到四点多才醒，之后剪髮及沖涼。

打水痘針@荃灣 + 入學體檢報告

<2yr1mo>

原本一歲要自陶腰包比$打的水痘针，一仔媽見2013年出世的BB返健康院有得打，又見一仔兩歲要返健康院檢查講說話進度，於是一仔媽諗住再博下問護士有無得補打，話晒支針都5百多元一支，師奶數，慳得就慳！

護士當然話無得補打，唯有死心要出去揾私人醫生打。

坑口站的私家醫生疹所，問過晒，全部無！

TKO站有一間有，$550一支，但已留起给預訂了的客人，下一批針要暑假才有。

曾聽過有d小朋友打了後會輕微出水痘，不能接近大肚婆，所以，一仔媽要趕住生第二個B前，帶一仔去打針。

一仔爸公司的醫療保險屬於UMP，有本書仔list晒各區醫生。

打了幾個區，都係無貨。

最後，好彩揾到荃灣海濱花園有，但$650一支。

上午一仔無瞓覺，中午要帶佢去影學生相（用來報名K1），再去英皇試學，診所開4-9pm，如果去打針，就會很频撲。

但一仔爸又說得對，今天星期五去打針，如果一仔發燒，星期六日我都係屋企可以照顧一仔。

於是，去完試學，一仔回家沖完涼，瞓了一個鐘後，我地就出發去荃灣。

到達時，未到五點，跟住醫生亦到，等了兩個病人，就輪到我地。

在等叫名時，一仔都好乖坐係媽媽大腿上睇電視。

直到見到醫生，打針果一刻，一仔先喊，但都係喊了幾秒，醫生還送了一架車仔比一仔。

一仔好喜歡架車仔，回到家，都仍車不離手。

講開今早試學日，學校派了一張”入學前體格檢查報告”，要醫生檢查及簽名。

剛好打針要見醫生，問護士可否請醫生填一填及收費多少，護士話免費呢，真係好！

補充：
1. 護士話打完依支針只有90%有效，醫医生提議三個月後再打第二支加強針，但衞生署已供報小一時會幫小朋友打多一支。

2. 打完針後，醫生話小朋友發燒及出水痘機會會好少，但都有開定支退燒藥比一仔備用。

試学日第一天

<2yr1mo>

英皇共有4天試學日，三、四、五、六月各一天，每天各一小時，下午一点至兩点，逢星期五。

d時間咁，焗住要向公司請全日假。

我地未到一点，已到学校，係学校对出的公園玩下先。

另有一对夫婦同仔仔係度玩緊sir滑梯，仔仔係细B，十一月出世。

对夫婦話前幾天才收到学校电話通知，話细B太细，要到今年十一月足兩歳才返学，所以可以不用去試学日，書簿雜費、校服費亦改六月先交。

但对夫婦話已向公司請了假，所以都帶仔仔來試学日。

而且，試学日既時間亦改了為一点半至兩点半。

除了电話外，学校話亦寄了信通知家長，对夫婦話無收过信！

我地呢，电話同信都無收过！

差不多到一點，陸續有d家長亦已到了，佢地都話無收过。

好彩我地早到，因太多家長同小朋友參加，一点半時見仍有家長在排隊登記呢！

試学日亦係学校舉行生日会日，所以第一part，老師請讀緊的学生一起上台唱歌，唱了兩首歌，見到d同学仔都好开心，跟住老師又唱又做動作。

第二part，老師同我地班新生及家長唱歌，最后又邀小朋友上台入波仔。

個礼堂好多人，只得前排既家長可以咁投入，后排的家長，继续比小朋玩下車仔、sir滑梯、波波。

一仔玩得好开心，玩到出晒汗髮脚濕晒，最后除剩件恤衫及底衫。

咁虛冚的場面，亦难得一仔爸有耐性，無依依哦哦話人多，又熱又乱。

但学校的行政好乱，原來当天亦安排了試校服，登記時老師無講，好彩台上遊戲完结時老師有講，不然，我地还以为擺放校服個corner係比讀緊的学生訂校服呢。

一、三、五穿運動服（120元）及白鞋。
二、四穿校服（150元）及黑鞋。
書包（100元）。

好彩之前剛睇了小豆子媽個blog介绍，学校有咁既穿法，家长可以每款只買一套。

可惜唔可以一星期五天都穿白鞋，要買多一双黑鞋了。

原本話今天要交2600元雜费，但有BK家长打电話問过教育署，要5月先可收学費，可能有家長亦打电話去学校問，現在学校出了通告，五月头才需交書薄雜费及校服費，另学费7月交。

而开学日子定佐8月12啦！！

2013-2014 N班面試總结

最初因仍生手，新屋依边，2012年5月時只幫一仔報了兩間全日幼兒園，救世軍明德及維景灣。

但當2013年9月時先識上BK揾資料時，才知依兩間好多人排隊，我咁遲報名，N班一定入唔到。

連忙周圍打电話問d幼稚園截止報名未，最后揾多5間，現结果如下： 

ACCEPT 
英皇 ： 我对依間始終印象麻麻，一來因为BK家長話佢偷步开N班，二來教育局原來有指引五月先可收学费，佢又偷步要3月交，三來佢個網址資料好簡单，更没有升小一派位資料參考。

不过，佢唔駛搭車，又有外藉老師。

WAITING 
厚恩 ： 一月時打去問，連K1都full麻，申請表都唔駛交啦。
梁省德
基博 ： 老師、校長好有愛心
维景湾 ： 老師超有愛心

REJECT
救世軍慶恩： 最心儀依問，因佢K2有功夫興趣班，仍諗緊扣唔扣門？因又想一仔讀一年英皇学下英文先。

未有通知面試
救世軍明德： 依間咁多人排隊，可能要今年年尾或明年先收到面試信吧？

2014年K1報名策略，就快4月，要開始報名，唔想做怪獸家長，無奈龍年效应有太多BB，舊屋那边一間面試信都無收到呢！又知若有d面試撞期，係無得改期，所以，今年会盡量報多幾間，順便可以拎多d面試經验，又參观学校。

因为計劃生多一個，所以会首選全日班→上午班→下午班。

希望年尾再面試時，会順利D！

星期二檔案 2014-02-25 新生婴兒二代新陳代謝血液检查

)



依個新生婴兒二代新陳代謝血液检查，只需HK$100，連內地都普及，那HK政府醫院幾時先有呢？

現在又唔知有無私家醫生有提供依個檢查呢?

以下相關的資料:

香港大學李嘉誠醫學院病理學系列之十七

香港討論區

親子王国

親子王国-2

親子王国-3

rthk.com

香港功能醫學檢測中心

星期二檔案 2013-12-21 幼稚園面試

依集講幼稚園面試，開始睇時，感觉好大壓力。

睇到最后，自問無能力及時間去做怪獸家長，都係盡力及隨缘吧！

一仔，今年媽媽依然会同你一起努力面对面試！

健康院書仔及DVD 網上睇

健康院書仔及DVD 網上睇

好正，所以再另寫一個post要分享下!

回想當初初为人母，真係乜都唔識，好彩有同學、同事、朋友、陪月阿姨問，后來更識到一班blog 媽媽。

而每次返健康院打針，更有書仔連DVD比，教点照顧初生BB、餵人奶、留意他們的發展、轉食固體食物等，真係好有用，幫助好大。

只可惜書仔有quota，每人只限獲派發一份。

幸好今次有護士介紹，才知網上都可睇到，但若要睇麻彩图的，就要download 每份的pdf 檔案睇。

入右手边依個”健康資訉”

依三本講由初生至一歲，但现在要割愛比人啦。

當初印象最深刻係依份講初生BB皮膚問題的。

真估唔到bb会有咁多不同皮膚問題

還有d資料係健康院無比的，例如重量

依4本係一仔媽的至愛，因一仔媽唔識煑餸，更唔識煑BB食物，但從中学到很多！

教煮食的書仔有video，估唔到亦可網上睇到，去依到的youtube里

頂右边的播放清单，依幾個影片有教初步點煮BB固體食物。

頂左”活動”、頂中”影片”亦有啱自己平時睇的，有講餵母乳、婦女健康等。

25個月大的成長報告

<2yr1mo>

活動能力
1） 早上每次先飲60ml奶，再食麥皮，食麥皮前，一仔媽会在口水肩面再掛上一個胶口水兜，容易清潔d，有時唔記得掛，一仔会手指指sofa上的兜，提一仔媽。

2） 今個月識將張学習椅搬麻入大人房，企上椅上要拎柜桶里义緊电的手提电話。

3）对配对旦的興趣大了，但一時時拎对顏色而又配对到！

4）放完新年長假后，一仔更痴媽媽，每朝媽媽出門口返工，一仔一定大喊，爸爸話一仔係掛住媽媽部手提电話多d喎。

於是有一早做了個实验，媽媽專登唔拎电話，比一仔继续玩，由媽媽換衫开始，一仔已经开始要痴住媽媽，媽妈在門口穿鞋時，一仔已大喊，但仍主動將手機放番入媽媽手袋里，有d不相信，再拎部手机放在桌上，一仔又放番它入手袋里。。。媽媽去到电梯大堂，仍聽到屋里传來一仔的喊声！

一仔呀，兩歲了，点解”分離焦慮症”又番返來架？

年假后兩星期，情况才回復正常，一仔只間中扭計望住媽媽出門返工。

但每次一仔妈換衫返工，一仔都会做d野拖延一仔妈！

例如專登攬住一仔媽、要一仔妈幫佢拎住部手機、甚至比番件屋企衫一仔媽，示意一仔妈穿番件屋企衫。

5) 同一仔行書局，自己睇中了有英文字母的玩具，交比媽媽，一仔轉身，媽媽即放低份玩具，一仔見到媽媽手上無了玩具，又行番去拎。。。之后媽媽又放低，一仔又拎番。。。試了幾次后，最后媽媽走先，一仔才跟住走，好彩無扭計唔肯走！

6) 瞓覺前，一仔會去熄電視。

7) 間中飲完奶，又肯拎番奶樽去廚房给工人姐姐，之后自己拍手。

8）自己着拖鞋，但下一刻即除番。又幫媽媽穿拖鞋。



手提電話
1) 雖然不捨媽媽返工，但只要媽媽手袋放在桌上，一仔都会自动波將媽媽部手机放入手袋里，從此妈媽不怕唔記得带手機出門啦

2) 屋企多了一部细手機做后備比一仔玩，試过一次一仔妈放工回家后，拎走一仔部細手机，比一仔媽部大手机一仔玩，自此，每次媽媽放工回家，一仔会自動波拎部细手机入大人房放入义电的柜桶里，再去媽媽到拎部大手机。

3）喜欢成日揾人”LINE”，又或打电話比人。一仔媽唯有揾d安裝了LINE但又少用LINE的朋友比一仔call，而电話no.，就揾d政府機構过了辦工時間無人接，会飛缐去語音系统的。


瞓覺
1）唔喜欢冚被，而瞓着了后，好似小暖爐咁会發熱，有時穿多件冷衫瞓，都会熱到髮腳濕。之前買了既被袋，只好当床褥，一星期換一張。另外每次瞓觉都加一條新沖涼毛巾冚一冚個身。

2）细個時都無玩被角，上年年中反而开始好喜欢瞓觉時捽下毛巾角。平時瞓觉都係拎一條新毛巾，最近一仔自己走去拎多1-2条毛巾先肯瞓。

3）以前瞓瞓下觉，自己会吐番個奶咀出來，自從戒奶咀失敗后，成晚都要含住個奶咀，有時專登拎走個奶咀，瞓緊既一仔都会用隻手搜尋奶咀鍊，然后食番奶咀。

4) 原本成功試了第三次戒奶咀兩晚，一仔又無扭喊，点知第三晚比一仔爸睡夢中”插咀”，又失敗了，第二早，一仔爸話唔記得係佢出声叫比番奶咀一仔食添！

5) 以前都会360度轉咁瞓，最近幾個月喜欢瞓大人枕頭后，無再360度轉。

6） 喜欢攝d手手脚脚係爸媽身下。

7）唔知点解一個月有幾次瞓觉中會痾濕麻d衫褲？

說話:

Mami, Baba, 阿Mi （工人姐姐個名）

覺覺、好驚、機機(即一仔媽部手機)、曳曳、ee（一仔媽個妹）、ABCDE"芙"H IP一齊講

尿片: 
27磅的一仔，白天用H牌大碼，晚上用特級牌加大碼
H牌 : 大碼 22-31磅，加大碼 29-35磅
特級牌 : 大碼 9-14kg，加大碼 >12kg

便便
多數每天一次，有時一天兩次。

飲食 + 睡眠
7:00am  成功由六点半改为七点。

              依然先飲60ml奶，才食5湯匙麥皮溝60ml奶， 再要補
              奶60ml。

8:15am            生果蓉/片
10:00-11:45am    小睡 (但有時唔瞓)
11:45pm         飯 (有時食唔晒，会補奶）
1：30pm        沖涼
2:00 - 7:00pm    小睡 1 - 1.5小時
4:45pm           飯 (有時食唔晒，会補奶)

8pm       大人飯 + 蒸餸（試过幾次，食晒成碗飯，唔驶補奶）
8:30pm         補奶 60ml，依個月依然唔肯用單耳普通杯飲奶
9:30pm         Good night 

食物 ： 2014年1月時發現一仔唔喜欢食豆腐

飲食習慣  :  仍喜歡住家煮的無加調味料既飯餸，連牙仔餅都
                     唔食。
                     出街只食鳳爪排骨飯，但如果飯好油，都唔食，
                    所以出街仍要帶奶。
用水杯進度 :  2013年10月尾時開始試用普通杯飲水，但飲奶仍
                        未成功。
筆野食進度 : 可以下下對準放入口里，但要我地筆麻食物落匙
                       里。

2014年目標 :
1) 戒食奶咀 - 試了三次都失敗了。
2) 戒午睡孭住瞓  - 已成功了，亦不会趴住工人姐姐心口瞓，但晚上依然要趴在一仔媽心口上先瞓到，要努力d幫佢改直接瞓在枕頭上。
3) 可以自已筆野食 - 未成功。
4) 可以自己用水杯飲水/奶 - 未成功。
5) 戒白天用尿片 - 待夏天才再試。

兒童遊戲室@何文田體育館 + 啟德郵輪碼頭

<2y>

依排好忙呀，忙上網揾資料、睇”天下父母心”、”星期二檔案”、”食為奴”、还有。。。。。但只有返工放工搭巴士時做，回到家后，要陪心肝宝貝，都係得1-2小時，跟住瞓覺，無時間再用电腦，公司依排亦很忙，無時間偷雞睇blog，再過多半個月，又要開始填表報K1了添，未睇邊一間有得報呢? 又有幾篇post 未写，先補番依篇先！

兒童遊戲室

今天去肚B媽介绍的何文田兒童室內遊戲室，雖然只有85平方米，但d 遊戲設施超正，係咁多個遊戲室中最好玩的，玩到連小表姐塊脸都红卜卜，真係感謝肚B媽的好介绍。

泊車在體育館对出公園那边的停車場，停車場入口对面係公屋嘉民樓，唔係上體育館果條斜路忠義街。

爬上樓梯

sir樓梯

又爬樓梯

第一次sir咁長既滑梯

小表姐話一仔腳板濕，要爬上滑梯唔難，又對呀!

去完遊戲室，見時間尚早，去麻啟德郵輪碼頭。

郵輪碼頭没什么特別好睇的，行了一個圈，便啓程回家叫pizza hut 外賣。