2016年7月24日 星期日

踩家庭式單車@大尾篤

<4yr5mo>

一仔已問了幾次去"西貢玩沙",但一仔爸話天氣咁熱反而唔想去,可能上次晒得太傷吧? 

點知第二朝朝早一仔卻話唔去"玩沙",所以一仔爸最後決定去沙田踩家庭式單車!

臨急抱佛腳,才找那裡可租家庭式單車踩? 沙田(修改於2017年5月,原來沙田亦有得租) ? 大圍? 大埔?原來通通都沒有,要去到大尾篤!

先坐巴士去沙田火車站,轉火車去大埔墟站,搭專線小巴20C直達大尾篤總站,剩小巴一程都差不多40分鐘,所以去到大尾篤時都到12點食晏時間了。


同一個位置有兩條小巴缐,要注意近馬路那條才是排隊排20C

我地在大尾篤總站前一個站落車,剛好旁邊已是一排租車店舗及食肆。


食完,就去租車,我地在無夾價之下,租依間

租了依款,一小時60元,一日135元

                         有不同款的車租









小朋友踩的車亦有

走車既時候才發現依間,雖然"全日$40",但不知是指租什麼車?

而依間可以去其他地方還車


先去堤壩,是日好熱,好少人踩單車,回程時見到燒烤埸上完全無人添

值得一讚廁所裡的設施






            上依條斜路,規定要落地推車



有些吃力在推



堤壩的沿路風景

望到遠處的觀音像



天氣太熱,要開動迷你風扇

踩到堤壩的盡頭,忘了計時,大約30分鐘內吧?



不准進入

見到咁近的救護車,當然要留影

原來堤壩旁就係"船灣淡水湖"








去完堤壩,坐低食一碗豆腐花


唔想咁快還車,坐小巴入大尾篤時,見到一座好高的觀音像,於是開始了尋像之旅。



好彩選了此款要雙人踩的家庭式單車,如果選只一個人踩,又真頗吃力


不過,條單車徑不夠闊

一仔爸望不到左面車頭角,撞了幾次



好奇怪,因角度問題,沿路只一時時會見到觀音像



依個路口轉入去,没有單車徑了,只能行馬路,要小心留意其他車輛經過


有些相的次序亂了,依張好似係回程時去番路口影的吧?


由大馬篤踩到依到,飲晒d水,又攰,見到依條斜路,真係想掉頭走。。。原本人行只需10分鐘,但我地要推架車,推下停下,用了起碼20-30分鐘!



最後,一仔媽看車,一仔兩父子去睇觀音像,但去到門口,不是開放給所有人(後來睇到南瓜仔媽介紹,原來可以預约去參觀),所以無得入去,在門外亦望唔到觀音像。


回程時好彩有一間士多,可以買飲品及小食


感想 : 踩單車依樣活動,下次都係等秋涼的天氣去較好!


2016年7月22日 星期五

七月份的小組堂@到校計劃

<4yr5mo>

一仔已經上了"到校計劃"的訓練差不多半年了,因評估一仔較"輪盡",除了言語治療,一仔亦要上職業、物理、幼兒導師個人及小組訓練。

小組訓練大概一個月上兩堂,主要訓練小朋友的社交技巧,平時因一仔爸媽都要返工,多數由工人姐姐陪一仔去上堂。

今天難得一仔媽可以陪一仔去上堂,睇到一仔怎樣與同學間的互動,更睇到簡單的玩具怎樣令小朋友很投入去玩,從中學習到不同的社交技巧。

首先導師示範要企出去,面對家長及小朋友作自我介紹,要介紹自己叫什麼名字、是男孩子定女孩子、今年幾多歲,介紹完便可以玩吹泡泡一次。

雖然有得吹泡泡,但一仔怕羞,唔肯出去自我介紹。


共有五個遊戲,今堂共有三個小朋友,包括一仔。



第一個遊戲,跨欄:
1) 房的頭及尾各放了一張桌,一張桌上放了一塊拼版,另一張桌上放了不同顏色的拼塊。

導師先問了小朋友知否每塊拼塊的顏色,確實他們認識所有的拼塊的顏色。


實際上堂不是此款拼版,此款只是作參考


2) 在兩張桌中間放了兩支矮跨欄,跨欄之間有一段小距離。


此款跨欄只是作參考,實際上堂那款設計好好多,兩端可以再加木片而調整高度




3)導師示範在桌上隨意取一塊拼塊,讀出是什麼顏色,然後要"雙腳"一起跳過第一支跨欄,行前幾步,"雙腳"一起跳過第二支跨欄,然後將拼塊準確放好在拼版裹。


遊戲開始,導師會問邊個小朋友想玩,待小朋友舉手,從中挑選了的小朋友就可以出去玩 > 要小朋友學習跟規則、輪住玩及有耐性等叫到自已個名才去玩

一仔係能跳過跨欄,但每次卻不是"雙腳"一起跳,而是一隻腳先跨過欄,第二隻腳雖迅速跨過欄,但始終不是"雙腳"一起跳

回家要和一仔再玩下依個遊戲,要看看一仔係唔明白指示,還是唔識"雙腳"一起跳呢? 因四歲的小朋友是可以用"雙腳"一起跳的



第二個遊戲,入籃:

實際上堂不是此籃球架,此款只是作參考

房的一邊放了一個籃球架,在距離籃球架一段距離外,成一直線放下三張有色腳墊,三個小朋友要各自企在腳墊上,雙手舉高過頭,輪住將球"放"入籃里。

當小朋友入籃後,不論籃是否成功,小朋友要執番個球,交給下一個小朋友,然後走去隊尾再排隊。

除了第一round個個小朋友失手後,之後幾round個個大多數都無失手,成功入藍,原來今堂不是第一次玩入籃,所以他們已經訓練有素,可以姿勢正確雙手舉高過頭將球"放"入籃里

這個遊戲是訓練小朋友專注的感覺,因他們要對準入籃。



第三個遊戲,鬥快取生果:
房中間放了一張桌,桌上放了不同生果。

導師先問了小朋友知否每款生果的名字,確實他們認識所有的生果

每次桌上放3款生果桌的每邊各有一個小朋友站定,距離桌有一步遠,由其中一個媽媽或導師講出喜歡食邊一款生果,小朋友要鬥快跑去桌及取果款生果。

贏了的小朋友可以繼續玩,輸了的要返座位坐低,讓下一個小朋友玩。

赢了的小朋友亦要走去下一個準備玩的小朋友前面,邀請小朋友出來一起玩。

這個遊戲是訓練小朋友聽的感覺、可以接受不同人發出的指示及要互動。

導師好攪鬼,其中一次講的生果是桌上沒有的,兩個小朋友望住張桌,都不知點算好?



第四個遊戲,捉棋:
導師拎出棋盤,要小朋友幫手放好棋盤,讓小朋友各自選了一隻動物棋子代表自已。

導師再用點指乒乓的方法,點出邊個玩先?

遊戲開始,小朋友輪住擲骰,跟住骰上的點數逐步行。


第五個遊戲,食茶點:
導師要小朋友用布輪住幫手抺桌,然后一起唱歌,小朋友可選食什麼餅乾、自己用水壺倒水落杯里。

依一part係一仔最弱的,因一仔唔食零食,所以最後是一仔媽食了塊餅乾。





一仔媽的感想 :

一仔雖然已返了差不多兩年學 : N班及K1,相信在學校都有上小組的活動,但實際一仔點樣和同學互動,一仔媽完全不知道,直至現在來上到校計劃的小组堂,見到一仔好投入又開心和同學有咁close的互動,亦留意到一仔比最初時更懂得守上堂的規矩,一仔媽又開心又感動!



2016年7月19日 星期二

港台"第五台" ~ 節目關於"言語治療"及"自閉症"

無意中在網上找到 港台"第五台" 有個節目"有你同行 升級家長計劃",在"各集內容"中,有些節目是關於"言語治療"及"自閉症"的。



睇了兩集,開頭半小時可以 skip 不用聽。




2016年7月17日 星期日

兒童遊戲室@香港濕地公園

<4yr5mo>

喜歡玩不同車仔的一仔,在youtube 或電視上睇過西鐵及輕鐵,但仍未搭過,廿四考的一仔爸就話要帶一仔去"搭下"。




今次是第3次去香港濕地公園,但今次才留意到原來有個兒童遊戲室"沼澤歷奇"。


此是星期六、日的開放時間表,每場可玩15分鐘 (平日可玩25分鐘,時間可參考公園的網址),每場只容納40位兒童。


大人、小朋友要穿襪

起初只見一仔在橋上走來走去,於是一仔媽鼓勵一仔去玩sir滑梯





遊戲室外就是鱷魚

貝貝之家,可能天氣太熱,只見貝貝張問了口,但郁都唔郁


玩完,出發去紅樹林浮橋睇彈塗魚、招潮蟹.......




沿路經過湖邊一條小路,見到樹上掛了好幾個好大的蜘蛛網,蜘蛛有手掌咁大,可惜一仔媽忘了要影相。

公園裹還有很多訪客設施,如濕地影院、中央影院.....一仔爸話以前有去過2樓,所以今次佢話唔去,但一仔媽完全無印象,應是一仔爸記錯了。