2013年9月30日 星期一

柏氏抹片檢驗 (Papsmear)


柏氏抹片檢驗

詳情如上網址。

更多有關資料 : 

保柏 ~ 柏氏抹片檢驗

子宮頸檢查 pap smear cervical smear (有相片)

Lady Talk

頭條日報 (測試價錢)

各位媽媽,記得要做檢查啊!


雜果沙律

一仔媽既嫲嫲煑餸煲湯都好好味,估唔到連咁西化的雜果沙律都識,亦係唯一一樣一仔媽從嫲嫲處學番來的!

記得嫲嫲中風后的第一年,第一次整比她食,她都識話好好食!

連姐夫都話好食,每次整,都會整多少少比家姐拎回家慢慢食。

今年亦係第一次整比一仔嫲嫲、姑媽、小表姐食。

上年一仔爸食都話好食,今年卻話酸,但個個食,只有他一人話酸!

材料 : 大罐的粟米粒、雜果粒、菠籮粒/塊,蘋果/梨/啤梨合共兩三個、1-2樽沙律醬、練奶

做法 :

1. 波蘿粒/塊會再砌細粒些,隔去水。
2. 分別加入又隔去水的粟米粒、雜果粒,撈渾。
3. 分別加入已去皮及切成粒狀的蘋果、梨、啤梨,撈渾。
4. 加入適量的沙律醬,撈渾。
    怎樣為適量?我家喜歡食沙律醬,所以會加到每款材料都有層薄薄沙律如相。
5. 加3-5湯匙練奶。
6. 放入雪柜普通格一晚。

温馨提示 :

1. 要沙律好食,一定要隔走d水,做法過程中雖有隔水,第二早從雪柜取出時都仍會有水,要再隔水。
2. 盡量選d少出水的生果



依款支裝沙律醬好方便,用到最後,可以用剪刀剪開膠樽,再取余下的沙律醬



今年有一仔姑媽提醒,第一次加入了練奶,又幾好味喎!



依個大碗夠大,剛好可以用來撈渾d材料



最後成品





2013年9月29日 星期日

私人電腦+私人柜桶+擰螺絲

<1yr7mo>

一仔姨丈、姨媽送給一仔的新玩意 ~ 玩具城買的的私人電腦,正啱晒依位喜歡電子產品的大BB!



不過,小電腦的畫面很暗!

姨媽話我地睇慣了依一代的新手機彩mon,所以唔慣小電腦的黑白mon!

***************************************************

放工經過商場,見到流動檔賣家居用品,依款幾層膠柜桶都係賣22元架,一仔一定好喜歡玩 ~ 尤其返工出門口前放它入網床,一仔見有新玩意玩,都唔會瓜瓜嘈!



*******************************************************************

見過爸媽幫變形車變形了幾次,一仔對擰螺絲都十分有興趣。



2013年9月28日 星期六

善用”不求人”

<1yr7mo>

一仔媽: 一仔呀,你知道”雞毛掃”有什麼用嗎?
一仔 : um.....我知道,當我曳曳時,爸媽就會用到它!
一仔媽 : 咁你又知道”不求人”有什麼用嗎?
一仔 : 知道,知道!Mama,我現在就試範比你睇它有什麼用...





2013年9月25日 星期三

等奇蹟

有個好朋友,兩口子起初打算享受二人世界,十多年后的今天,希望家里多一個小朋友!

最近一年已去廣華医院睇女中医,如果bingo,都已是"超"高齡產婦,但現在仍未有聲氣!

之前係打避孕針,係未打得耐,所以無得生呢?

如果我有中六合彩頭獎的機會,寧願用它交換令我好朋友快d bingo又生個健康可愛BB!

唔知各位網友有無好方法介绍呢?

2013年9月24日 星期二

雞毛掃令箭 + 擒落床

<1yr7mo>


一仔媽細個時同姐姐爭野玩、曳既時候,爺爺就会拎支籐條出來,然後數1、2、3,通常未數到3,紛爭已解決!*:P tongue

舊鄰居有兩個孫仔、兩個外孫女,學一仔媽爺爺的123方法,都work!

自從一仔識行識走後,當然手多多又百厭好多,我地用相同123的方法,又work!*=D&gt; applause

最初,一仔會走入BB房,拉出下格子母床少少,爬上上格床,再擒上窗台上玩!

當一仔媽拎住支雞毛掃出現,數1、2、2個半...叫落番下來,一仔就會爬番落床上,但就唔識再擒落地下,要一仔媽抱走。

之前,一仔當然領教过雞毛掃的威力,先明白係數到3之前,要聽話番!



一仔喜欢入廁所/廚房玩,又擒上sofa頂...我地又數1、2、2個半,有時唔駛雞毛掃,一仔都会走番出來/落番下來!

這個星期,一仔爸教識了一仔先反轉身,再擒落大人床!

記得一仔幾個月大开始識爬時,剛巧在NY的三姨打电話回來分享她教友湊B的經驗,話BB仔有一次跌落床,於是教友媽媽教BB要有床邊危險的意識!

一仔媽亦抱住一試既心態試下,抱住一仔企係床邊,作狀会跌佢落床,手指指住地下,話危险危险、danger、 danger,no no, 痛痛!重覆了依個動作兩、三次!

到现在,有時一仔行近床邊,只要一仔媽話危险danger no no, 一仔会停一停,然後退後一、兩步!

平時,更不会行去床邊!

現在,一仔更學識了先反轉身,然后很快手的擒落床了,正一馬騮仔!

不過,一仔又好攪笑,明顯他知道支雞毛掃用處,但有時見我地周圍放,一仔見到,会拎支雞毛掃放番原位!*:P tongue

2013年9月23日 星期一

淘寶一元國際轉運


已經係九月頭的事,不過现在先有時間寫!

見肚B媽話依個一元國際轉運都容易抽中,我都去試下,真係抽到,不過抽唔到顺豐,抽到圓通。*:P tongue

上網找过,圓通都ok,運費比顺豐平d添,平d當然係有他的原因。

实際用到時,上午若call順豐,下午可以收件。

上午call圓通,在某些大陸地區,圓通要第二天先收件!

自己order了三間店子,一仔爸一間,同事一間,合共五間,共重7.35kg,因抽到一元運费for頭3kg,最后由圓通在東莞虎門倉到香港的運费,我地只需比HK$36!*=D&gt; applause

我當然買既都係一仔用品。*:P tongue


一仔有時都會玩張摺飯枱,淘寶揾到一set七件防夾手夾。



一仔第一天都識拎走d夾,但話过佢no no后,他暫時都肯合作無再拎了。*B-) cool




另外,買安全夾時,相明明係one pack兩件,点知買既時候,如落单1pc,只比一隻,要落单2pc先比one pack,如果一仔媽有留意到訂单上的總价錢,就唔會又擺烏龍。*#:-S whew!


依兩本講科學和太空的書,會等一仔大d唔会咬野時,先比佢睇。









睇到blog 友阿肶媽買了类似的神奇畫布,先知有咁神奇的發明。*8-&gt; day dreaming

因用水筆,畫完5分鐘后,筆痕會自己消失!*=D&gt; applause

那真係唔怕一仔拎住d筆周圍畫。

但一仔喜欢玩支筆,又咬筆頭,好彩只係请水,都唔怕!





之前見一仔喜欢床頭既鋼琴音樂盒,但個蓋有玻璃,唔敢比一仔玩,估唔到有全木的音樂盒買!



一個比小表姐,一個比一仔,唔同顏色,唔同公仔。

小表相果個既公仔得意d,但忘了影相。*:P tongue

個音集盒拎出來后唔夠5分鐘,有隻腳已經甩左,好彩一仔爸用AA超能胶就痴番好了。*=D&gt; applause


隻紅色沙蛋,一仔玩唔夠半日,就被扔爛了,跌晒入面幾十粒好似保濟丸咁细粒的铁珠仔出來,拿拿林執番晒拎去扔,當然有漏網之魚,第二天地上仍见到三、四粒!*:-? thinking

其他的玩具,會分階段比一仔玩的!

2013年9月20日 星期五

排排坐,推積木

<1yr7mo>

排排坐,推積木,一仔喜欢一致,有個積木反轉了,他都要將它反好!




2013年9月19日 星期四

家庭大合照(下)

<1yr7mo>

各位,中秋節快樂!

等了四個星期,终於收到郵寄的CD了。

共有二百多張相!

最后只選到四十多張而已(未包括小表姐單人影的,应該会多好多,因同一仔合照的,他唔合作,只選到好少靚的)!









而且要用手機apps”美图貼貼”整了后,d相才生動好多!

2013年9月17日 星期二

爭地盤

<1yr7mo>

同一仔去兒童遊戲室玩,如果有小朋友擋路,一仔会轉身走開。

如果玩具有小朋友玩緊,一仔又想玩,一仔媽会出声阻止,No No,同解釋比一仔聽人地玩緊,要等人玩完先,一仔都肯乖乖走開。

係屋企,一仔会扭計多d,但都係扭一陣,及只要用其他玩具引开他的注意力便可!

唯独有一样野,一仔一定会爭到底,爭赢为止,係什么呢?

現在,每晚瞓觉,例行動作係用potty→換片/抹臉→去廁所洗手/洗脚→搽lotion→拎奶咀→say good night→一仔幫手关房門、关房燈→埋位睇”我的最愛”youtube!

睇youtube 15分鐘左右,跟住伏上一仔媽心口上瞓觉!

有時一仔唔係即刻瞓,係床上行來行去,又搅下床頭d擺設。

有時一仔爸未瞓觉,有見及此,会扮瞓係一仔媽心口上。

原本玩緊的一仔见到,起初会推开一仔爸,但見推極都推唔走,一仔后來素性從上或從下揾地方攝入來,務求一定要瞓到一仔媽心口!

一仔媽每次见到,都笑c!




2013年9月15日 星期日

兒童遊戲室@天水圍天暉路

<1yr7mo>

早兩個月前,一仔爸原打算今天去BBQ的,但早排試過由屋企附近單車徑行去海旁,來回行了一小時,熱到一仔爸叫救命,一仔媽乘機再遊説他夏天BBQ真係好熱,应該去游水才對...结果,今天改去了天水圍依個最大的兒童遊戲室!

天水圍共有三個兒童遊戲室,位於天暉路這個有三千多呎。

由TKO揸車去天水圍,車程大約45分鐘。

體育館没有停車場,但隔鄰屋苑有,泊車都算方便!

我地大約十一点半去到,剛好係开埸時間,但此間遊樂場因入場人士太多,每場只限40名入場,一定一個大人跟一個小童,要穿襪,早一小時派籌!

所以,十一点半埸早於十点四十分時已派晒籌,我地要等十一点四十分派十二点半籌!

去了咁多間遊戲室,只有依間咁嚴格執行入場人數,又要派籌,很麻烦!

不过,卻又明白太多人入場,不但唔好玩,太多小朋友走来走去,又確实颇危险!

拎完籌,係體育館內其他地方行下先,上個月開始,见到樓梯,一仔好喜欢玩上上落落。



又去了上一層睇人打籃球、羽毛球、排球,喜欢周圍走的一仔當然唔肯坐定定,係觀衆席上走來走去,好彩觀衆人士唔多。

好不容易才捱到遊戲室十二点半開埸時間。

                          




依個場共有兩條sir滑梯,但有一個在維修當中,一仔去了兩、三次,比一仔媽話 No No 后,無再行麻去了,真聽話。



起初一仔喜欢玩sir滑梯。




后來發現依隻大船可以擒上擒落後,就轉移目標。






難得一仔爸落場睇住一仔玩,當然要影番張父子合照。



係屋企,一仔會對住塊認字版手指指,估唔到係依到亦認到英文字母,又手指指。










2013年9月13日 星期五

開關廁所門鎖

<1y7mo>

一仔見媽媽去廁所,十次有八次都會跟住入去。

廁所有什么好玩?

一仔玩推廁所門、地柜門、從地柜取出沖涼盆、企上企缸(依個会禁止,因会整濕隻脚)。

依個星期,更學識了開關廁所門鎖。


又識按馬桶上個掣沖廁所。

不過,廁所里有一样绝对唔玩得~ 就係一仔掀開廁所板,伸隻手入馬桶里,好彩他未夠手長,掂唔到d水,但都要即刻洗手!


2013年9月12日 星期四

搬屋、搬相终於成功 + 裝修問題

億萬分感謝肚B媽同小檬媽提供的資料,經歷多多小小問題同意外後,终於成功由yahoo blog 搬晒d posts 同相來新blog里。

但裝修依個新blog又要花時間了。

第一個裝修問題: 
點解我去部份blog友(如肚B媽/ 田鼠B媽/小豆子媽)既blog時,之前好似都见到一仔張相,但這兩天卻顕示为一個灰圈中心有一橫!?

但其他blog友(如愛美/ 小高)的,又正常見到一仔張相!

係未我setting 轉了什么呢?但我又唔記得!

第二個問題 : 
版面設置里的新增小工具,選取了”網誌清单”后,已改名为”一仔媽網 友”,但一個blog友都無顯示?

第三個問题 :
别人在自己blog上留言,yahoo email收到通知。
但去人地blog上留言,完全收唔到通知?

第四個問题 :
雖然整到”網誌分類,但不能自己重新排序!

第五個問题 :
yahoo blog 既”TAGS”,新blog完全整唔到?

第六個問題 :
此問題剛剛發現,人地去依到既舊 yahoo post 留言,yahoo email 收到通知,但個 post 找唔到個留言既? 及"最新留言"亦無顯示?

第七個問題 :
以前yahoo blog用 美國時間,所以發佈時有時差,但依個新blog 用太平洋時間 - 8,發佈時都有時差既?

問題8、9、10.....待續

2013年9月9日 星期一

19個月大的成長報告

<1y7mo>

今個月很忙呀,忙點用個新blog,所以只有短短的成長報告。

活動能力:
1) 一仔爸見一仔想吮腳趾公,但吮極都吮唔到,笑左出來,軟骨功再見la *:-h wave

2)上一個月還捉住我地隻手幫佢開巴士既開闢掣,今個月識自己開了*=D&gt; applause

3)好似大人咁一隻手握拎住部手機玩*;) winking

4)肯同人揮手bye*:P tongue

5)飲完奶,主動拎奶樽去廚房比工人姐姐*=D&gt; applause

6)幫手從洗衣機拎d衫出來*=D&gt; applause

7)指出相中的嫲嫲,姑媽、小表姐、一仔自己*=D&gt; applause



之前識講 :
Mama, Papa, 嫲嫲,依到依到,啊,曳曳,bye,咩呀
瞓覺、苦苦地、飽、唔食、飲奶奶、唔入、我要入去、我無曳曳、

上個月識講 :
俾你、好yeah、a 至z、apple、車、咩黎架

今個月識講:
B、W、2、8、mum mum

及一連串BB話 + 手指指+擰頭



尿片:
夜晚用P牌特級綿柔改用了加大碼。
白天依然用H牌大碼。



Toilet Training:

仍沒有什麼進展,間中可以係pottly殊殊到,未試過poo poo,亦未識示意去廁所。

出牙:
出第9、10隻牙 ~ 下排左右側門牙,今次係一仔媽發現先。


飲食:
終於試了日本紫蕃薯、棷菜花(但便便會一粒粒)、准山