2013年11月26日 星期二

跌落床

<1yr9mo>

一仔咁大個,第一次跌落床咋!

自一仔开始識轉身,白天一仔瞓舊屋的大人床,雖已用攬枕、枕頭放在床边,防止他碌落床,但仍擔心!

好彩一仔三姨轉告了她US教友的方法,因她教友的仔仔幾個月大時試过跌落床,教完后,無跌落床了。

一仔媽抱住幾個月大的一仔在床邊,當他識聽的同佢講唔好爬近床邊,danger danger  危险、危险,会跌落床,痛痛!

最重要係又作狀令一仔跌落床...repeart了兩、三次咁教佢。

自始一仔一靠近床邊,我地話no no danger  danger 危险、危险 、跌跌呀,一仔会退后一步。

现在,一仔已識爬落大人床添。

但,估唔到昨晚失守了。

夜晚一仔和爸媽一齊瞓。

有時瞓瞓下,一仔会趴上一仔媽心口,成隻樹熊咁继续瞓。

矇矓中,一仔媽感覺身上郁一郁,下一刻,見到一仔坐在地上,頭细细声”彭“撞上衣柜。

一仔媽估計當時一仔可能fing一fing隻腳,点知已經係床边,直頭变成”爬了”落床。

由於sleeping當中,一仔當然唔为意,跟住pat pat坐地,頭撞上衣柜,好彩細细力咋!

一仔媽連忙抱起一仔,一仔喊了幾声,又叫工人姐姐個名,好彩4、5秒后瞓番la。

抱一仔上床果刻,一仔爸剛巧轉身瞓醒咁,同佢講阿仔啱啱跌左落床呀!

可能一仔無大喊,一仔爸聽完继续瞓!

報告完畢,一仔媽都继续去瞓la!




2013年11月23日 星期六

3rd N班面試@粱省德幼稚園

<1yr9mo>

報了4間N班,其中2間(救世軍明德及维景灣)太多人,有排都輪唔到面試。

另外兩間,一間(慶恩)已知no offer,另一間(厚恩)無消息,即在on waiting list,但以一仔當天全程扭喊的表現,應該都係無行。

11月中了,一仔媽再上網找有無其他幼稚園仍可以報N班....

原來一仔媽一直都唔識善用網上的資源,之前揾錯方向,好彩依家都未遲。

1st step :

1. 首先去依個各區的幼稚園網址打印了西貢區的所有幼稚園資料。

2. 再只選取有N班 + K班又有學劵的幼稚園。

3. 在網上click入去幼稚園的網址,查看學校既電話,逐間打去問是否仍可申請N班? 最后成功找到4間。

依間粱省德更係即時在電話中約麻星期六面試既時間,因老師怕趕不及收到申請表及郵寄回覆面試時間。

2nd step :

之前一仔媽只識在yahoo搜尋相關幼稚園評價的資料,由於yahoo blog 就快關閉,已很少相關的資料,原來直接入教育王國/ 親子王國 的討論區搜尋會有更多。

*******************************************

面試實況:

約了2:45,係最后一批面試。

2:30去到,再填表。

工人姐姐同一仔在大堂遊戲設施區玩,有滑梯sir、小屋、大獨木橋、大隧道,一玩,就玩了大約45分鍾,一仔玩得好開心,但玩到滿頭大汗。

之后一仔媽同一仔入了一間課室,里面有三張桌,桌上有玩具任小朋友玩。

課室旁再有三個小遊戲區。

第一個廚房區,除有煮食爐頭,更有洗衣機,另有一張桌上放了不同餐具及切切生果  ~ 其間,一仔試过幾次將d歺具想放入口中,当然比一仔媽制止,唉,但唔知有無比老師见到呢?。

第二個車車區,起碼有六七架大車及比架手指size既車仔 ~ 一仔又試过不停將車仔fing落地下,今次,真係無眼睇。

第三個砌積木區,不過積木放晒係大箱里 ~ 只有一仔一個想從箱里拎出來。

依個課室又逗留了起碼30分鐘。

跟住去第二個課室,一班家長(有20個吧?)連小朋友圍住張桌一起見校長及一位老師。

一仔媽一坐低,一仔已扭...一仔的死穴,係外面唔可以坐定定。

最后抱了佢出去比工人姐姐,在課室里的一仔媽全程都聽到一仔在出面大喊!

校長請每個家長講點找到依間幼稚園、小朋友的事。

其他家長都講好多,例如bb識講什麼、又會見到人打招呼、有朋友讀緊等等。

平時已唔識太講野的一仔媽,面對咁多家長,又掛住出面喊不停的一仔,一仔媽只講了一仔雖然仍只識講bb話,但會拼晒英文字母及數字板,前后講不到十句說話。

各家長發表完演講后,校長及老師再簡短講解N班小朋友上堂會學什麼。

跟住家長發問時間。

有家長問,校長答,先知原來上午班/ 下午班/ 全日班各收15人,即合共45人。

大多數家長選上午班及全日班,如果有家長想轉下午班,都可以即時更改!

最后回到家,4:15pm,差不多用了兩個小時去in。

 喊到眼、鼻都红晒

整套戰衣look



**********************************************
面試后感想 :

依間學校好似只開了N班不久,今年8月又剛轉了辦學機構,廣收插班生。

網上討論區話依間學校多B6,有小朋友開學不久已整親。

但今次面試時全部都唔見B6家長,大部份小朋友都坐定定又乖。

整個面試過程,上至校長、下至老師、接待處的職員,都好好態度!

不過,以一仔今天的表現,及只有咁少學位,相信都係無行!

成日話比小朋友多幾次面試機會,取多d 經驗。

但今次,反而係一仔媽吸收了寶貴的經驗...回到家,腦海中不時回憶各家長演講的情況,一仔媽問點解自己諗唔到可以講多d呢?

最后,一仔媽諗到下次再有機會,可以講下一仔會自動自覺搬potty去廁所、幫手收high chair 、自己擔張椅走去房門睇英文字母認字板、可以用匙根餵自己食、开始試用杯飲奶等!

其實回到家時,再查看信箱,收到另一間12月面試的通知,Yeah!

依間網上評價麻麻,但又有幾多可信呢?因各花入各眼,各有不同感受。

而且依間係最后一間N班近屋企的幼稚園,希望一仔媽同一仔面試的表現都有改善!







2013年11月22日 星期五

用杯飲奶

<1yr9mo>

原來漏左依個post未寫...

之前一直煩惱點先可以幫一仔戒用奶樽飲奶。

試過用學習杯的鴨咀及飲管,一仔都唔肯飲奶,要用番奶樽。

好彩無意中記起一仔喜欢就咁呷來飲,那就改用杯。



现在係少部份奶用杯,大部份仍用奶樽。

試過幾次一仔用杯飲飲下,突然fing走個杯,倒瀉d奶,所以要昅实同幫手扶住個杯。

希望兩歲前可以戒甩用奶樽飲奶!

話時話,d奶樽由出世用到依家,都末換過,只換过d奶咀size咋。

2013年11月17日 星期日

學習桌和椅

<1yr9mo>

终於等到weekend,夾到時間同一仔爸去屋企附近商場買了依set桌和椅。





店子里有三set,第一、二set都係colourful 的桌和椅,雖然一set有柜桶,另一set無(荃灣千色店都有得買,再平少少添),但价$一样$4xx。



原本一仔爸話想買那些可調節高度的桌,但一仔媽就話唔靚,而且去幼稚園的open day,小朋友都係用普通款的桌椅,好彩最后一仔爸接受一仔媽的提議。

依set企鹅款made in korea,$980,包送貨。

起初跟一仔爸講企鵝款张椅睇落又大件又笨重,點知一仔爸反而覺得它”穩重紮实”,可以承受大人坐的重量。

回到家,安裝了后,代替了原本網床的位置,又唔觉太大件了。

一仔曾反轉了張椅,由於張椅大件又有d重量,一仔要試了幾次先反番好张椅。

張桌,一仔更加会爬上去玩,又上又落,不过,不会再比他爬了,怕他唔小心跌出桌外,是实心地磚呢,到時就弊了!

可能一仔平時惯了企起sofa前玩玩具,一仔唔肯坐上椅到,都係企係桌边玩玩具,但相信遲d一仔会惯的!

张桌有兩個柜桶,但唔可以完全拉出來,起初一仔拉唔到出來,有d發文,之后似乎明白了...一仔媽又教他可放d拼板的數字、字母,一仔好开心咁继续玩了。

2013年11月14日 星期四

一仔任務 ~ 幫手收high chair

<1yr9mo>

终於拍到一仔幫手收番埋high chair 依一幕(有時一仔爸唔係屋企食飯,有時又唔記得要拍)。



記得上個月第一次幫手,一仔玩緊部手機,佢見到一仔媽係度摺番埋high chair,主動拎麻部手機去搬開电腦椅,一仔媽好驚喜!

但得一隻手搬,當然搬唔到,一仔媽教一仔要先放低部手機,要一齊用兩隻手推,兩、三次后,一仔無再拎麻手機去搬了。

一仔,你見媽媽爸爸、工人姐姐成日幫你tidy up d玩具,会否有一天你都会主動tidy up呢?

2013年11月13日 星期三

雙十一,淘寶優惠,新皮鞋 x 2

<1yr9mo>

雙十一回到公司,同事問有無打算去淘,有優惠啊!

完全唔知呢!

之前有打算替一仔再買新皮鞋,因前兩對已經唔啱着了,總要各只穿了一、兩次而已。

上淘寶網曾睇過,款靚果d都要過二百大元,趁雙十一買,每對唔駛90元呀!

好彩依個星期公司唔係咁忙(無嘜訂單,水靜河飛,真擔心明年無人工加),先有時間上網搵。

今次趁特價,一買就買兩對,唔同款,唔同呎寸,希望3歲都啱着!

一仔現在腳板好似15cm長。


鞋盒都幾靚,每款都有可愛的環保袋送。


依對客戶服務建議兩歲B買 內長15-16.5cm的25-26碼,但一仔媽怕好似上次咁會太細,而且鞋里有曾絨毛,所以最後買了 17cm的27碼,唔知一仔現在啱着嗎?

依對專登再買大一個碼,內長 18cm的30碼

兩對剛過了1kg,當1.5kg收費,用順豐,運費HK$47。



2013年11月12日 星期二

21個月大的成長報告

<1yr9mo>

活動能力
1) 食完晚飯,見一仔媽收番张high chair,一仔即主動幫手推走張电腦椅,比一仔媽攝番張high chair 去牆邊,又幫手推番好張電腦椅。!

2) 喜歡幫一仔媽除髮夾。

可能一仔爸用过髮夾夾一仔,一仔痛又驚,所以怕一仔
媽用髮夾都痛?
除完髮夾,總喜歡將它收埋係playmat底。

3)睇電視、youtube睇到某d位會驚,會嗚鳴叫搵一仔媽,但
下一刻又要再睇番!

4) 識拼晒英文字母板、形狀板,但有些抗拒拼交通工具板。

5) 喜歡騎牛牛 ~ 見到一仔媽趴係地上執玩具,一仔就會從后騎上媽媽背上,好開心。

6) 知道一仔媽部手機放在大人房里差電,有時會拉住一仔媽隻手入去拎電話玩。
而且,更加知道只有一仔媽係屋企,先有手機玩。
一仔爸係屋企,都係無手機玩。

7) 一仔媽放工回家總會先掛個手袋在門后,方便換鞋,唔知一仔幾時留意到部手機放在手袋背后,一仔識伸手入去找。

8) 只間中有興趣玩配對蛋,因仍唔係成日可以配對晒。

9) BB真係唔讚得,之前曾讚過一仔瞓醒覺唔會扭計,但依個月有扭計啦!
  10)可以左手或右手揸匙羹餵自己食,但未識自己”舀”。

11) 當一仔爸媽同樣話一仔百厭時,佢會走入廚房揾工人姐姐!



說話:
Mama, Baba, mum mum, Mi (终於識叫工人姐姐了)

"唔該"、”唔食”

 
Toilet Training > 最后依個星期 :
1) 三天中有兩天可以每天有一次係pottly殊殊到,未試過poo poo,亦未識示意去廁所。
2) 之前要一仔媽抱上potty坐,現在 ~ 試過一兩次未除褲,自己就坐上去了,又知坐得唔好,如坐太前了,自己主動會突高patpat坐番後d!

尿片: 26磅的一仔,白天用H牌大碼,晚上用特級牌加大碼
H牌 : 大碼 22-31磅,加大碼 29-35磅
特級牌 : 大碼 9-14kg,加大碼 >12kg

便便
多數每天一次,間中隔天


出牙:
出麻第13、14隻牙 ~ 上排左右犬齒


飲食 + 睡眠
6:30am  最后半個月唔肯食麥皮及刷牙,仍吽緊牙?吽咁

              耐嗎? 改飲180 - 240ml奶 
8am   生果蓉
9:30 -11:30am    小睡,依個月開始瞓少了!
11:30am 全軟飯 (有時扭計唔食,改飲奶)
1pm 沖涼
2:30 - 4:30pm    小睡,依個月開始瞓少了!
4:30am 改了食全軟飯 (有時扭計唔食,改飲奶)
8pm 大人飯 + 蒸餸
8:30pm  補奶 60-120ml,開始用單耳普通杯餵少少奶
9:45pm Good night,依個月开始夜瞓了!



用水杯進度 :
10月尾時開始試用普通杯飲水,希望遲d可以用杯取代奶樽飲奶。
網上有媽媽話奶樽用了一排后要換,但一仔既奶樽,由出世用到依家,只係換了奶咀,因奶咀size換大了。




2013年11月9日 星期六

公園里玩

<1yr21mo>

一仔今天21個月大啦,但一仔媽未完成"21個月大的成長報告",先播今天去公園里玩的情形。

嫲嫲話上個月同一仔去公園玩,由得佢自己sir滑梯,一仔媽今天都見到la!

滑梯上面平台都好多野玩呀!

一仔話 : 上落依條滑梯,現在係小兒科啦!

一仔話 : 媽媽,我識sir麻依條旋轉滑梯,叻唔叻呢?

一仔話 : 媽媽,現在我上、落樓梯係未都有進步呢?


一仔話 : 我總識避開撞到頭,穿來穿去呀!

2013年11月6日 星期三

左右手一齊開餐

<1yr8mo>

継上個月一仔用匙餵自己食有小進步後,打算教麻他自己舀。

唔知係未他用開的長匙匙頭係軟身,令一仔舀唔到呢?

於是再係日本城買了支粗柄硬匙頭的膠匙。

估唔到一仔居然會左右手一齊用。





新匙匙頭雖硬,但稍闊,好似对一仔個小咀來講,顯得稍大。
藍色果支,匙頭係軟膠。
綠色果支,全支稍短。


想再揾支粗柄、硬頭、匙頭闊度及長度適中的膠匙。

另外,之前一仔開餐時又要睇電視,又要有玩具玩。

見一仔食得快,食飽会自動停,不會因为掛住睇掛住玩而食过龍,所以都由得他。

後來升呢到玩手機添。

但自從一仔自己餵食后,因为無手玩手機,上半部份可以無手機出場,但下半部份,有時一仔都会er er叫要玩手机。

希望遲d全程一仔自己舀食后,手機可以退居幕后!

2013年11月5日 星期二

防撞牆

<1yr8mo>

前排一仔試過從sofa轆落地下,差d撞到牆邊的牆腳缐壆。

前幾天係大人床,又”碰”一声撞到牆,已經不是第一次,嚇到第二天要返早更的一仔爸睡意都無晒。

趁星期六面試之間有空檔,去日本城買了依張遊戲地墊,150x200x1cm,$249。





剪的時候,高度專登預多2-3mm,方便攝入去后,会”頂住”,無咁容易跌番出來。

再用普通膠纸痴住顶邊同窗檯边。

现在仍欠窗檯边買條防撞膠。

其实之前有買過,係軟膠,痴係电視柜到,点知一仔咬爛晒。

所以,要再揾d無咁易比一仔咬爛的。

2013年11月4日 星期一

2nd N班面試@救世軍慶恩

<1yr8mo>

同一天(2/11),第二場面試,好彩一個係上午,另一個係下午,亦係今年最后一場面試!

面試時間 4:20 - 4: 50pm,4:30pm又係一仔食飯時間。

同早上一樣,今次3:45pm出門口,出門口前按着飯煲掣,又帶定奶、水做back up。

去到學校門口好多人,先登記,后排隊,等4:20pm開始入場,只可一個家長帶小朋友入去面試。

共要去三個場地。

第一個在一間課室,由校長講解面試有兩個環節,小組形式,有A - F 共六組,每組約6-8個小朋友,由老師觀察、評估小朋友的表現、大小肌肉能力。

一仔媽抱住一仔坐,一仔當然唔肯,所以聽校長講解聽到有頭無尾。

好似校長有話由於申請人太多,被錄取的,會抽簽編入上、下午班。

N班學費$2370,交十期。

書簿費$900,分開交上、下學期共兩期。

11月14-16日會通知面試結果,11月19日交註冊費$660。

校長又幽默話知道有d家長申請了多間學校,如果被其他學校取錄了的,請家長盡早通知,因今年的行政工作繁重好多,大家都明白啦!

第二個環節去一間課室,室內有兩張大桌,一張上面放了有圖案的畫紙及畫筆,另一張放了拼板、積木、一件會轉的玩具。

拼板無一仔拼開的數字、字母、形狀,一仔見到無興趣,又拉一仔媽隻手走出課室,因一仔留意到課室外的地墊有好多大大舊的積木,一仔媽又捉番一仔入課室。

今次改去有畫紙的桌,一仔畫了兩下就無興趣。

好彩依個時候見到另一張桌上有件會轉的玩具,又有積木,一仔先肯玩。

老師見到,叫"一一"叠高d積木,一仔無反應,一仔媽即叫"一仔"叠,但一仔又係無叠,之后慢熱的先叠,但唔知老師有無睇到呢?

其間隔離的小朋友叠到六、七層高,一仔想去攞人地的,一仔媽話no no ,好彩都肯聽媽媽話,但都比老師見到,唔知会否扣分呢?

第三個環節去課室外的大空地玩,即上次开放日果個,有sir滑梯等等。

上次開放日影的


有得玩,一仔當然好開心。

依次個埸地还有其他组的小朋友,所以好多人,都無留意老師幾時做評估?

最后走既時候,每個小朋友獲贈一個迷你搖鼓,幾得意。


原來我地之后还有最后一班面試的小朋友。

回到家,差不多5点,雖然掛了一号波,但好彩整天都無落雨。

********************************************

面試后的感想

依間學校真係好好,校網的資料好充足,又夠update。

面試中校長又親自及主動講解學费及通知日期,很替家長着想。

面試雖然多人,但又好快好有秩序咁完成,証明學校的行政管理非常好。

教育局的網址睇过,學校上年上午班有38人,下午班有6人(点解可以咁少人既?)。

按理推,即明年上、下午班各可收38人。

但那么多小朋友面試,覺得一仔被錄取的機真係一半一半咋。

面試前要填一份問券,一仔媽在回答時借題提到一仔識拼唒d數字、英文字母板,唔知会否加分呢?

但一仔媽又用了好多塗改液,唔知会否被扣分呢?

如果下次再有問券填,会先拎去影印一張,填好后先再copy 番答案去正本到。

其实,另外報了维景湾及救世軍明德,但太多人排隊,今年連in的機会都無。

回家同一仔爸講,擔心一仔明年無N班讀呢,一仔爸話隨遇而安。

实情係,一仔爸根本唔明白,如果N班唔收,由於龙年效应,相信到時in K1会更加激烈,到時要報麻要搭校車的幼稚園了。

臨回家前工人姐姐幫手影了一張相,有d走了焦。


一仔,你望什么呀?

係未同媽媽一样擔心明年無N班讀呀?
唔驶擔心啦,到時交比媽媽再打算吧!


2013年11月3日 星期日

1st N班面試@厚恩幼兒學校

<1yr8mo>

面試時間 11:05am,信上註明要提早15分鐘到,辦理登記手續。

面試時間正是一仔早上睡覺時間,11:30am 更係一仔食早飯時間。

睇過有d blog友話其他學校的面試要等好耐,一仔媽諗了好久,最后決定10:45am出門口時按着個飯煲掣開始煲飯,30分鐘煲好后它會自動跳掣去保溫。

另外,帶定奶粉、水,如果in得耐,一仔又喊肚餓,起碼有個back up。

按時去到學校,門口靜英英。

有個阿姨在門口替小朋友額頭量溫度。

一共要去三間課室。

第一間課室登記,入門口里有張長桌,一坐低,一仔已經開始喊,又拉住一媽隻手要行去門口!

一仔媽唯有一邊抱住一仔,一邊拎d文件出來登記。

登記時派了一張纸仔,註明不可拍攝,不然会被取消資格。

登記完去課室后面見第二排桌既老師。

老師問了點解選依間學校、如果N班收了,會否繼續讀上去? 又問健康手冊里健康院为何写了要follow up?

其間旁邊有個"年輕的老師"見到工人姐姐坐在另一邊,告知她可以和我地一起坐。

臨走時,老師比了一包餅仔給一仔,唔食零食既一仔當然唔肯伸手去取,最后一仔媽代取,唔記得有無講多謝添?

第二間課室,去到時里面已有兩個家長同小朋友在等。

課室里一邊放了圖書架,另一邊放了一排桌及桌上放滿了同學的小手工及畫。

兩個小朋友都好乖在睇書。

一仔呢,比本書佢,佢撥走它。

一仔又唔肯坐定,要走,當然唔比佢走。

"年輕的老師"剛巧在門口,問小朋友要去邊呀?

一仔媽話答佢想走呀! 跟住一仔媽捉番一仔入課室。

一仔要想踏上室內d凳仔上幾次,最後一仔媽比佢踏,原來他要摸凳后果排柜上有什麼,滿足了他的好奇心后,他無再要踏。

一仔又去另一邊桌掂同學仔的小手工。

陸續有其他家長同小朋友及幾個老師入課室。

老師手上拎住一塊板同一支筆,應該在做評估。

這時課室里已經有差不多十多個小朋友了,個個都肯睇書,唯獨一仔唔睇,剩係想走。

第三間課室,好似playgroup咁,個個小朋友要圍住坐在playmat上聽老師講故仔,家長就坐在后排。

一仔只乖乖坐了幾秒,跟住扭喊要走。

剛好"年輕的老師"在一仔媽后面,她告知一仔媽可以抱住一仔一起坐后排,但一仔仍然扭喊,最后一仔媽唯有抱一仔走出課室,直到故仔講完散場,老師派了一本學校的特刊"思苗集"。



一離開學校,一仔就無喊了!

**************************************

面試后的感想:

回到家,剛好11點半,一仔媽打開本特刊睇,先知"年輕的老師"就係上年才上任的新校長!

有眼不識泰山,無諗過校長會出現在面試中,更無諗過校長咁年輕,總叫了校長为”老師”添!

唉!都唔知点解一仔今次会咁扭喊?

之前參加了兩堂playgroup 試堂,一仔頂多走來走去,唔肯坐定定,除非抱實佢唔比佢走,佢先會喊!

起初對學校的印象大打折扣,因bk的家長評語話轉了新校长后,学校缩皮了好多,而校網的資料唔update,連假期表都係上學期的。

但比一仔媽在面試前找到學校在今年四月開了一個facebook專頁,放了好多學校近半年的活動花絮、相片分享!

如果學校缩皮,又点会仍有咁多活動?

見到fb中各级的學生及家長都开开心心的參予各項活動!

面試完獲派的特刊,又刊登了多位畢業生家长的心声,更加覺得與bk的評價有些不乎!

特刋中又提到學校於2012年开始和奧福音樂合作。

睇过blog 友女兒阿肶上过奧福音樂的課程,真係幾好,只可惜TKO無分校,但估唔到依間学校都可上到奥福的音樂堂!

另外,K3班有"比比和朋友"課程提供,透過聽故事、分享、遊戲和角色扮演,培養小朋友解決問題和`困難的能力。

依間學校是全日班,只收三十人左右。

登記時獲派發的纸仔話11月23日前獲錄取的學生会收到通知。

没有收到通知的,会自動成为後備生!

相信依間一定無行了-_-||