2016年12月26日 星期一

2016年(第四次)遊迪士尼@X'mas

<4yr10mo>

一年去一次迪士尼,已成為一仔家的週年活動,但一仔居然話唔想去,因為他話去過,再來他想去海洋公園,因他睇電視新聞成日話地鐵的南港島線就快通車,最後小數服從多數,當然照舊去迪士尼啦!




鐵甲奇俠飛行之旅
一仔爸話睇youtube睇到"飛行之旅"好正,但一仔媽上官網話暫時優先只開放給租酒店的住客,估唔到去到卻又可以入場,限制只有小朋友要高過102cm,一仔pass!







一仔爸話仲可以和鐵甲奇俠真人影相,原來要去"鐵甲奇俠裝備展",但因開放時間和其他節目的時間撞了,最後無去到影。


廸士尼魔法書房
"米奇金裝劇"落畫後,新的"魔法書房"有人話不及"米奇金裝劇"那麼好睇,但上年因太多人排隊,無去睇,今年可能好多人仍在小鎮廣場排隊等和米奇與米妮影相,11:15這場居然不是好多人在排隊,仲可以又比我地坐到最前第一排添!


見到飄雪,有個小朋友興奮的走了出去


失車驚魂
一仔架BB車一早封塵了,因拎住一個背袋,又有大褸,所以一入到樂園,即刻租了架樂園的BB車。




魔法書房前,已將架BB車泊在書房外,睇完出來,BB車的背袋及裝住大褸的環保袋卻不見了,嚇到一仔爸媽呢...... 望真d,車後的名不同了,架車不是我地的,咁我地架車呢? 車連袋一起不見了,仲驚!

周圍再望一望,原來我地泊錯車位,最初泊的車位不是真係"嬰兒車停泊處",我地架車之後應係畀職員搬去真正的"嬰兒車停泊處"。

後來我地發現原來有兩種"嬰兒車停泊處",一種有職員代看守BB車,另一種沒有職員看守,之後每次當然找有職員看守的泊BB車啦!







絕地聖殿武士特訓
多謝新公司同事介紹,才知有這個活動,同事話有幾場,但多數好爆,所以要盡快去報名,要帶麻小朋友報名! 職員會問小朋友幾多歲? 因限 4 - 12歲才可玩,再在開埸時間提早 15 - 20分鐘去報到。


報名處


特訓埸地

和黑武士對打



特訓片段

和黑武士對打


玩完,一仔話好玩!

到傍晚時份,一仔話想再玩,但已經爆晒,報唔到名再玩了。


巴斯光年星際歷險
一仔話要去玩巴斯光年,估唔到一仔仍記得,因一仔媽忘了上年有玩過呢!





小小世界
一仔跟住話要坐船,記得上年一仔好喜歡玩依個,上年仲坐了3次。

因為玩了其他設施,今次只玩到一次咋!





幻想世界火車站
記得上年坐火車是坐一個圈,在美國小鎮大街上車,亦在同一地點落車。

今次卻要在幻想世界落車了。





廸士尼飛天巡遊
當然不能錯過,每次睇,都係咁好睇!




每次睇巡遊,我地都係坐在巡遊頭睇,今次當巡遊"走晒"時,一仔居然識得走去巡遊尾,跟住職員姐姐拉住條繩跟住行。






米奇幻想曲
一仔媽記得上年睇依個時,一仔唔肯戴副3D眼鏡,今年肯了,而我地好好彩又係坐到最前排,一仔還想伸手"去碰"3D立體畫面! 




轉轉彈弓狗
上年問一仔,一仔話唔玩,今年居然主動話玩。

見排隊人龍唔長,以為好快有得玩,原來排到里面是九曲十三彎,足足排了40分鐘才排到!







小飛象旋轉世界
一仔原本都話要玩依個,但見條人龍太長了,最後都係無去玩。


玩完彈弓狗,一仔已話想搭Uber走人,我地話仲有晚間巡遊,一仔話睇左(指日間巡遊),最後當然又係小數服從多數!

見到巡遊尾,一仔又想跟住職員姐姐拉繩,但因我地要趕去搵位坐低等睇煙花,所以無比一仔去拉繩。


睇完晚間巡遊,當然要睇麻煙花,上年太遲去找靚位,只睇到煙花,完全睇唔到睡公主城堡上的投影,今次當然不能再錯過。

一仔又話睇過(指上年),又想搭Uber走人,但他不知他未睇過睡公主上的投影,最後當然又係小數服從多數!

但一仔見到人地頭頂上好似巫師果款三角形高身的藍色米奇帽,他話要一頂作為聖誕禮物!於是一家三口先走去美國小鎮大街的店舖搵,可惜揾唔到,因已賣晒!

買唔到,見尚余15分鐘就放煙花,連忙走去找靚位,好彩仍找到!













2016年12月24日 星期六

Kids Grand Prix @ Emax

<4yr10mo>

因一仔爸公司聖誕聯歡午餐在Emax,才知有這個兒童活動。






2016年12月23日 - 2017年1月2日
10am - 8pm Daily, 每節玩10分鐘
3歲 - 8歲,高度不少於90公分

今次這個活動又幾好,分3個參加辦法:
1) 在商場電子消費滿$200,可免費玩一節,但名額有限,先到先得。
2)非會員$50
3)會員$45


一去到會埸,當然即刻報名先,報到最快的時段都要30分鐘後



一仔爸話埸上只有幾架大車,"29"係其中一架







揸完車,仲可以上頒獎台影相






2016年12月18日 星期日

兒童定位手錶@淘寶

<4yr10mo>

早排電視節目有講兒童定位手錶,估不到淘寶有得買,但要揾一隻香港可以用到及質素ok的,要揾多幾間比較,最後成功買了一隻,可惜隻錶都係有些問題!




之後一仔爸的同事亦有興趣買一隻給他的兒子,於是替他搵到另一間淘寶店買,原本隻錶出了好大的'技術'問題,最後解決到,現在他果隻完全没問題了。

長話短說,關於買此手錶的要求、問題及注意如下:


香港要用到 
定位手錶多數分兩款,一款全球通用版,有些淘寶店會講明要用中國聯通或移動的電話卡。

另一款是用中國電信版的電話卡,只能在中國內才用到。


一仔買果間



一仔爸同事果,要選取"官方標配"及"聯通移動版"


而電話卡有分上台(即要簽合約)或有流動數據功能的增值卡,因定位手錶每天起碼要用30MB左右,所以上台會較化算!

仲有上面提過一仔爸同事隻錶出了好大的'技術'問題,原來要用一卡兩號(要包括一個香港及一個中國電話號碼),不然,"手錶"會用不到張卡!

結論: 張卡要中國聯通或移動(一仔媽最後用了"中國聯通”上台)、有流動數據(要2G)、一卡兩號。




溫馨提士
若一張A卡插入了手錶試用後,想改用B卡插入手錶,記得在取出A卡時要解除A卡的"困綁",不然,插入B卡後,用不到手錶的功能,會以為張B卡或手錶壞了。



英文或中文設定顯示
購買時要向職員講明設定要想用英文定中文顯示?

一仔隻手錶設定顯示是用中文,一仔爸同事的是用英文。


通話(打電話)要大聲、無回音
明明睇了其他淘寶客人的評價是"通話大聲",但一仔果隻卻是"細聲、有很大回音",向店子反應,職員卻話因有客人曾"反應"太大聲而影響私隱,所以廠家改了"沒那麼大聲"。

"大回音",職員沒有合理的回覆!








一仔爸同事果隻真的是大聲及無回音。



呼叫=監聽功能
此呼叫功能不同於通話(打電話)功能,在父母手機上按了'呼叫'後,會駁去手錶。

正常時手錶是不會響,家長可以聽到手錶彼邊周圍環境的聲音。

有時卻'不正常',呼叫變成打電話!





地圖定位
有百度或谷歌,百度會較準確。



但不知何解,查看"軌跡"時,有時會不準,會去了相距15-30分鍾步行遠的地方,估可能因入了室內的地方才出現不準的情況!?


SOS求救功能
話有“自動輪撥”功能給3個預設的親人電話,但因一仔爸媽的手機有留言信箱功能,所以試不到此"輪撥"的功能。





安全圍欄
設定了'離欄通知',但只有間中收到通知,而且只有一仔爸主機的手機收到通知,一仔媽的副機手機好多時都收不到通知。




單向收信息
可以用一仔爸媽的手機發信息到手錶,因手錶無記憶卡,信息只會在手錶上顯示一陣,亦不能再番查到。



按掣或觸屏式
定位手錶有按掣或觸屏,我地買此款手錶是按掣式的,因一仔爸覺得觸屏式容易按錯及壞的機率高些。

現在一仔返學,會將手錶鎖在書包裹,但試過兩三次會被書本壓到個而打了電話给一仔爸媽,有一次更係打SOS電話給一仔爸,而一仔媽手機同時收到此SOS通知!



操作容易
一仔爸一教一仔點怎打電話,一仔便識用了。





充電
廣告介绍電量可以用到30-96小時,但每晚見電量只餘20%左右,所以每晚都要充電。





此錶的其他功能
因我們主要要以上的功能,所以以下的功能我没有試。







價錢、贈品及運費比較

         一仔買果間,無贈品,運費30人仔



一仔爸同事買果間贈品如下,運費38人仔


即除原配表帶及電池,額外多一條表帶及一塊電池



淘寶的温馨提示
一仔隻手錶细聲又有回音,店子職員的回覆又不盡責,一仔媽當然要在淘寶留下評價给其他客人参考,但過了幾天,仍不見自己的評價出現,一仔媽一時多手將評價右上角的“默認”改為“時間”後,才顯示到所有的評價。