9個月大的一仔 ~ 危险動作

之前已經講过张大班椅（餐椅）唔安全,因条安全帶只有三点式（左右腰+中間）,一仔試过禽出来,好彩比条帶click住了下半身,才没有跌出椅外!

今天,一仔媽餵一仔食完粥,轉身去洗手間洗淨口水肩及纱巾,再到客廳時,駭然見到一仔已反轉身、企起到、扶住椅背!

起初,一仔媽還以为自己大幪没有扣上安全帶,但不是,有扣安全帶.

剛巧手机响,一仔妈没有即時告誡一仔,之后才告誡,希望他聽得明白.

之前一仔媽已电郵問Combi香港代理此款餐椅的椅套有五点式（左右膊頭、左右腰、中間）的嗎?代理回复没有!

但一仔媽有次行街見到Combi有一款餐椅有五点式,莫非Combi 的椅套不是共用?

不過，現在行開行麻，可以放一仔落網床了 ~ 姨媽新買的呢!

起初一仔唔喜歡，會喊，但現在都會自已在網床上玩一陣!

不過，一仔還未在網床上瞓過。

9個月大的一仔 ~ 湊B姨姨 + 請新印傭

很忙、超忙!

在未請到新印印之前，要找人白天湊一仔，原本有一個親戚可以，試湊了一天，奈何她剛受了傷 ， 引致坐骨神經痛，不能湊20磅重的一仔!

幸好有姨媽幫忙，在網上找了一個住荃灣的湊B姨姨。

送一仔去荃灣湊B姨姨的前一晚，一仔爸媽都非常擔心，十分不捨將一仔交給一個素未見面的人湊，但沒辦法啊!

好彩第一天一仔在湊B姨姨家都ok，上午一仔媽陪一仔在姨姨家，待一仔食完午粥，一仔媽就走了，半天后才回去，見到一仔好乖的被姨姨抱住，沒有扭計。

湊B姨姨亦話一仔ok，只是要人孭住瞓，若放低他就er er叫。

第二天，一仔媽放低一仔便返工，姨姨話有一次都成功令一仔在BB床瞓。

但回到家，連續兩晚半夜一仔都喊醒幾次，要一仔媽呵番，好快又瞓番。

P.S. 自從舊印印走了后，一仔在家似乎特別癡一仔媽，姨媽或一仔爸抱都會喊!

至於請新印印一事，唉，想找個現成的好難，原有兩次有機會，但最後空歡喜一場。

如果請海外的，又要等三個月，但其間要找人湊一仔啊，荃灣湊B姨姨只可以湊一陣子，所以原打算12月頭搬去TKO，現暫時改明年一月頭!

各位媽媽 :

如果有好的TKO湊B姨姨 或 印印 (最好是現成的)，請介紹給一仔媽。

一仔媽請印印的要求如下 :

要有湊9個月BB经验,誠实/勤力/乾淨/有责任感/主動做家務/識廣東話/脾氣好/唔会驳咀/有礼貌/知分寸/懂得分配時間湊BB及做家務 ~ ~ 這些要求過份嗎?

煩煩!忙忙!

印印以做家務为藉口,网顧一仔的安全,又駁咀,所以今天炒了.

现在忙揾短暂幫手湊B及新印印 ~ 煩!

特別感謝上司的体諒~公司唔夠人但唔会請人,已超忙,再加上我臨時請假~憶萬分sorry但又無言感激!

搬屋 ~ 回收舊傢俬（上）

搬新屋除了要煩裝修、買傢俬/電器外,還要處理舊傢俬. 最初在網上找"環保回收舊傢俬",只找到一間,還要付運费! 再找"回收舊傢俬",今次好好多,有多幾間選擇,深水涉、荃湾、大埔、葵涌,但打电話去問,唔係回收已完结,就係暫時不需求! 还有一間在屯門,午飯時間打电話去,但無人聽. 最后,打去聖雅各福群会 ~ 在香港区,居然可以,但要等兩星期配对 ~ 看有無人需要,有人需要才算成功,回收是免费的. 联络人:蘇姑娘电話: 2835 4375 电郵: come3r@sjs.org.hk 要电郵联络人姓名、电話、回收傢俬的相片/呎寸/地区/（如有特別要求）日期時間. 如果相片檔案size太大,要拆开分幾次电郵. 有什么傢俬、电器要回收? 如下: 單人床連床褥 長73寸, 闊37.5寸,高96寸（連床頭衣柜高）电视组合柜 闊47.5寸, 深15寸, 高83寸电熱水爐 闊13.2寸, 深9.6寸, 高21.8寸（仍未拆, 係唔識拆） 最坏打算,如果找不到回收,唯有問附近的垃圾站.

BB飲食 ~ 抄錄自其他網址

http://blog.yahoo.com/VanYiuChai/articles/160965/category/%C3%A9%C2%BD%C3%A9%C2%BDB%C3%A6%C3%A9%C2%B7%C3%A6%C2%A5%C3%A8%C2%A8
齊齊B成長日記 (0-12m)

http://blog.yahoo.com/_46L6Y76WIDPBSZAQH7TELEKV64/articles/120790
肥湯 Blog

9個月多D大的一仔 ~ 食蛋黃

印印提一仔媽一仔可以食蛋了,一仔媽才醒起,係喎,一仔不知不觉9個月大了,係時候試食旦黄.

趁星期日放假要親自湊一仔,一仔媽用一個小不銹綱煲,凍水落蛋(3/4水或浸過隻蛋),加少许盬（聽聞可防止旦裂开或什么的）,中火煲至滾水,轉细火,前后共十分鍾,再用凍滾水浸一浸（冷卻蛋殼）,细力將蛋向檯面敲幾敲（上年有一次無意中睇电视劇学到的 ~ 好似係Laughing哥食公仔麵果集）,殼碎了就好容易剝.

因为係第一次食,未知会否敏感,只加了半茶匙的蛋黃落煑好的粥,一起给一仔食.

9個月大的一仔~ 睇到笑

一仔姨媽又買玩具给一仔~ 不倒翁.

依個不倒翁真不簡单啊,雖然只售15元,一仔又唔識玩,只会咬,但一仔見一仔媽好似打boxing咁將它打到東歪西倒,一仔居然笑出声呢!

依個cool boy,好少自己笑,要人引他先笑,亦不是次次成功!

這陣子比他靠近無葉風扇玩,他都会好开心,但会笑出声,就少之又少!

第二朝早,又見一仔一边飮奶一边睇Pororo, The little penguin ,睇到笑出声,印印經过见到都很驚奇!

仔呀仔,一仔爸妈希望你快快樂樂,健健康康長大!

9個月大的一仔 ~ 自己除手鈪 + 左撇子

幫一仔換片時,都会比D玩具他玩,分散他的注意力,等他不会郁得太厲害防碍一仔媽換片 ~ 依個方法十次得六七次work!

今早一仔爸都幫忙,见一仔將個圓形牙膠fing来fing去,他索性將牙胶套入一仔手,当一仔妈一抬起頭時,套住的牙胶己不见,原来一仔巳经好快手將牙胶除下了,試了幾次,都係如此.

但發现牙胶套上右手,左手很快把它取出; 但套上左手,右手未必可以將牙胶取出,若試了一兩次失败,一仔会轉玩其他野添!

依個实验,加强了一仔爸妈相信一仔会係惯用左手先.（有時见一仔取玩具,都係用左手先,係一仔爸第一個發现此差别.）

9個月大的一仔 ~ new hair cut

原本一仔爸媽一致通過由得一仔的頭髮长到似鮑魚刷、海膽頭也無所謂,因怕如剪短了冬天到時一仔会凍,但最近這幾天見到一仔久不久拍打自己右頭頂,一仔爸試过攝隻手麻去,他話一仔都打得頗大力!

印印話应該係一仔大汗,湿住D頭髮觉得痕（点解無拍打左頭頂呢?）.

於是一仔媽捉住一仔隻手教他勾痕,但好似唔成功.

所以决定幫他剪頭髮.

操刀人 : 一仔爸
地点 : 一仔姑媽家

一开始剪唔夠十秒,一仔已經开始喊,總愈喊愈勁,喊到比打針還慘,好似整損佢咁,但一仔爸媽用手試过個削髮剷,一D都唔刮手.

所以,一仔应該係唔like個剷所發出的声!

最后,一仔爸用了15分鍾,大家又夾手夾脚又抱又呵又停下又剷下,快快咁幫一仔剪了依個新髮型 ~ 都ok啦!

之后同一仔洗頭、冲凉,一仔开始瞓晏觉,其間都喊醒了兩次,好彩一仔媽拍拍patpat,一仔好快又瞓番.

仔呀仔,你咁细膽,应該係似一仔媽!!

后記:
除了第一次返健康院打針係一仔媽,之后都係一仔爸,他話見到D針又粗又長打落一仔到,他大男人都心痛.
今次剪頭髮,見一仔喊到咁惨 ~ 塊脸仔红晒又猛標眼淚,一仔媽都好心痛!

9個月大的一仔~ 一日肚瀉3次

昨晚放工回家一入廁所就見到企缸上掛了一仔的兩條褲、一件衫,通常手洗先係咁,所以一仔妈知有突發事件 ~ 印印話一仔痾水痾了3次,但早上一仔媽幫一仔換片雖有臭臭,但都正常啊!

印印話应該係一仔爸前一晚餵一仔食啫喱,還要係芒果味! 之后還餵多了兩三啖雪糕,依個一仔爸,哼! 一仔爸話無下次了! 今天一仔早上有臭臭,好彩已正常番!

9個月大的一仔 ~ 真係出牙仔

這幾天一仔肯比一仔媽幫他清潔口腔,一仔媽的手指感觉到下門牙了,亦睇到少少白 ~ 望穿秋水,牙仔终於出来了,雖然話只要一歳前出牙都正常,但都擔心啊!

而一仔爸話他見到第二隻門牙,但未穿出来~真的嗎?

一仔好喜歡咬硬野,见一仔都咬得ok,一仔媽無特別將牙胶雪凍.

一仔嫲嫲都好开心,因有個親戚的B仔比一仔早半個月出世（早產）,但早兩個月前已出牙仔!

嫲嫲話下次一仔去探她時可能識行了 ~ 一仔,爸媽會同你一起加油!!!

差不多9個月大的一仔 ~ 食牙仔餅

踏入第8個月先开始比一仔食牙仔餅,一来因之前千色店一直都無货~Bean Stalk, 二来買了后見其中一款加鈣,心諗一仔食了会否快D出牙仔呢?

Hehe, 食晒整盒后,巧的又出牙仔!

可惜有鈣及無鈣的只各買了一盒,好快食晒!

再去千色店買,又無貨了. 唯有暫時買了Heinz的牙仔餅,点知一仔咬了半小時都唔溶,以印印的講法,一仔生氣兼大喊,正一餵食大龍仔!

似乎一仔知道邊D野係食得，及邊D係唔食得既牙膠!

后来一仔媽做了一個小实驗,用凍水浸牙仔餅浸了半小時,牙仔餅会發漲及軟身了大半,所以一仔咬了半小時都唔溶,可能係口水不夠多?

希望千色店快D番Bean Stalk货啦!

差不多9個月大的一仔 ~ 一路瞓覺一路飲奶

自從一仔七個月大戒了人奶后,飲奶食粥時間由每4小時改为5小時,夜晚餐奶由八点半改为十点左右,但唔知係未出牙仔关係,這幾晚飲奶時間有D乱.

以前要八点半飲奶,因一仔飲了奶会瞓觉.
现在八点多,一仔会玩到九点瞓,瞓到十点起身飲奶,飲完玩一陣十一点又瞓,瞓到天光.

這兩三天,一仔由九点開始瞓,好似想一觉瞓天光唔起身飲奶咁,如前晚瞓到半夜一点,醒了喊~即肚餓,但飲了120ml唔再飲.

昨晚十一点醒了,一路瞓一路飲,好似以前飲人奶的样子,不但飲得晒,總要飲到最后果啖"咕"一声后,一仔即刻跌入夢鄉,真係諗番都好笑!

P.S. 媽媽同事話如果BB掛住瞓唔起身飮奶,飲少一餐半餐是可以的.

差不多9個月大的一仔 ~ 自己挨住飲奶

上個星期开始,晚上果餐奶比一仔挨住床舖自己飮奶,但多數要一仔媽揸住奶樽.

其实,应該一仔开始識自己坐時,就比他自己坐住飲奶!

每次飲到大半就要停一停,之后要一仔飲埋余下的奶就有D難度!

一仔媽不再餵人奶兩個月后的報告

不再餵/泵人奶后,多了D時間,但依然唔夠瞓,因要忙搬屋/買傢俬/裝修,返工更忙.

之前人手泵奶泵到兩隻手手碗都痛,有時郁到某個角度,總好似骨/筋会移位,要輕輕移番正添.

果時差不多天天都搽柴九哥賣廣告果隻"嶺南萬应止痛膏"（好多包裝好似佢,要認住"嶺南"依個商嘜）,現在無再痛了,好彩好得番!

差不多9個月大的一仔 ~ 一日四次意外

依個月的一仔,会伸手周圍摸,有時完全不知危险!

昨天星期日一仔媽自己湊一仔,真係心驚膽跳.

早上一仔媽在BB房入緊d攬枕袋,突然聽到一仔大叫幾聲,連忙走出房看,见到原本坐在大班椅上的一仔,半個人吊在椅外,好彩條安全带click住了他下半身,所以頭未点/撞到地下.

一仔媽連忙將一仔抱起,一仔個样子都有D嚇親,有D喊,一仔媽即刻話他,知道危險未?唔好有下次!希望他聽得明白.

一仔媽無講比一仔爸知,因我地這幾天已知一仔有此危险動作,一直在想緊辦法解決... 但一仔媽今早同印印講,一仔坐在大班椅上见到一仔媽指手劃脚咁講,好似聽得明又回想起昨天危险情景咁,即刻大喊,要印印抱他呵他才收声,印印都同他講,他曳曳才会發生.

一仔好喜欢摸BB床旁边把無葉風扇,有時甚至推倒把風扇,昨天他就連自己也失去重心跌倒,好彩無撞到床欄,但嚇一嚇,又喊.

又有一次,他扶唔实個床欄,跌倒,好彩頭仔没有撞到另一边床欄,嚇一嚇,又喊.

一仔亦喜欢摸風扇旁箱上舖了的一層纸,喜歡摸到沙沙聲,有一次一仔摸到塊脸都"貼"了上去(他背對住一仔媽),但三、四秒后,一仔媽見無声,扶起他,才發现原来他一隻脚差了入布圍欄及床欄之間,所以他是失去重心趴在床欄上,幸好对手又扶住床欄,才不上不下,可能嚇到未識即時叫出声,幸好己被一仔媽剛巧扶起.

仔呀仔,睇少你一兩秒都不可以了!

希望搬了新屋后，買張新地墊鋪在客廳上給他又行又玩，又在BB房換張網床，到時不會再咁危險!

差不多9個月大的一仔 ~ 出牙仔?

昨晚回家,印印同一仔媽講一仔出牙仔了,有DD白色.

一仔爸眼厲,他話他都睇到,不过係灰灰白白.

一仔媽呢,一D都睇唔到,於是趁一仔开口時影了十多張相,放大再睇,依然见唔到喎?

而且,印印話一仔這兩三天扭計好多,口水又多了.

昨晚原本210ml 奶,飲剩70ml,今早又如是,於是印印將奶倒落個碗里,用匙一啖一啖餵,一仔好快飲晒了.

這幾天早晚幫一仔清潔口腔,他都不太合作張大個口.

今晚,一仔媽要再睇落足眼力睇下一仔係未出牙仔先?

差不多九個月大的一仔~ 脸又红了

可能天氣轉涼(99話天氣轉，BB的皮膚亦會紅),一仔塊脸又红了,起初一仔媽唔为意,依然幫他搽lotion當滋潤,但之后仍然紅,一仔媽才記起上次都係搽Johnson Baby oil 才好番,即改查baby oil, 塊脸無咁红了.

脸红,可能亦因为出牙仔多口水?

兒童醫療保險

自從一仔媽上個月在其他媽媽Blog 見到兒童儲蓄計劃及醫療保障資料后，就有些心動。

兒童儲蓄計劃果間建設銀行張提款卡可以放埋BB相，好吸引，等明年新年有優惠時先再辦。

至於兒童醫療保障，每月不足HK$200，都化算，但一仔媽咁忙．忙返工、忙放工湊仔，現在更要忙搬屋，那有時間搵資料? 於是一仔媽想到堂舅父仔，一位80后的青年，拚膊搵緊第一桶金，在某大公司工作，工作性質關於替人理財(包括強積金 ~ 遲D半自遊行，都可以又搵堂舅父仔幫忙轉)，每天睇兩份報紙，揾他幫忙留意兒童醫療保險資料最好不過，而一問之下，原來堂舅父仔亦會幫人買醫療保險，而且唔問唔知，原來好似買車保險，醫療保險亦可買墊底費，而他推薦其中一間最實惠的保柏 ~ 一仔媽考慮又考慮后，打算替一仔買墊底費 + 危疾。

  

 

一仔媽亦請了堂舅父仔幫忙，將有關資料整理，改完又改，最後終可給其他媽媽參考如下:
 

Q1) 坊間的保險公司有提供獨立的「墊底費」保險服務，其實是甚麼服務? 甚麼人可以使用?

A1) 「墊底費」是適合任何男女老幼而本身又有團體醫療保障的用家。假設現職公司有提供僱員的住院及手術保障 (即團體保險)，私家醫院的總收費為$100,000，而團體保險只提供$80,000保障，假如沒有墊底費保障，用家便大失預算，需自行全數支付餘下的$20,000。而英國保柏保險公司便是其中一間有提供獨立投保「墊底費」的服務，讓用家無需擔心巨額的非預期醫療開支。

 

    「墊底費」的運作很簡單，用家先支付全數$20,000，然後保柏再賠償$20,000的80%，即$16,000，換句話說，用家只需付出$$4,000便可以避過額外的$16,000醫療開支，令用家更有預算。由15天至17歲，「墊底費」均為水平式收費。

 

**以一仔為例，月費及年費分別為$45及$524，經濟又實惠，直至17歲前都不變。

 

Q2) 不同保險經紀都會建議父母幫BB買人壽保險，趁年輕時買，保費相宜，有事就賠，無事就當儲錢，其實是否適當呢? 還是其他的保險產品更急切需要呢?

 

A2) 人壽保險的主要用途是減輕用家在身故後，家屬的財務負擔，一般對象包括有子女的父母，有債務負擔(如樓債)或家庭經濟支柱的人。嬰兒由於沒有任何財務負擔，亦不是經濟支柱，所以對嬰兒而言，人壽保險並不是急切需要的。加上人壽產品作為儲蓄的工具，彈性較低，一般要10至15年才可拿回本金，如果要從中提款應急，未必是最適合的工具。

 

    相對地，父母更需要為嬰兒盡早設立醫療保障，為他們提供住院，手術及門診保障。始終嬰兒的抵抗力不及成人，加上父母愛子心切，嬰兒如有任何健康上的異樣，父母都會毫不猶豫送子女往就近門診，甚至送院檢查，如此一來，醫療開支便會意外地增加，加重父母財務負擔。保柏的兒童住院保險產品採用水平式收費，15天至17歲保費維持不變。

 

   **以一仔為例，以最經濟的大房計算，月供只需$190，年供則為$1,979。

 

Q3) 兒童需要危疾保障嗎?

 

A3) 兒童亦有患癌機會，如白血病，失聰及腦癌。一份危疾保障，所費不多，卻可在必要時為子女提供最佳治療。保柏的兒童危疾保險在15天-17歲都是劃一收費。

 

  **以一仔為例，保障額 ($200,000+送贈$100,000)的話，一仔媽月供只需$76，年供則$800。

 

 

Q4) 兒童住院及手術、墊底及危疾保險有任何新投保優惠嗎? 大時大節如聖誕及農曆新年投保會唔會特別便宜?

 

A4) 其實保險公司每一季都會推出迎新優惠給新客戶，並不會因為大時大節而故意調高優惠，投保應視乎自己的能力及需要，不要單以投保優惠決定投保時機。

 

    保柏的產品一向以經濟實惠見稱，如果父母同時投保，兒童的住院保險年費將會半價! 而兒童危疾則免首兩個月保費;    加上保柏有提供「無索償紀錄獎賞」 (只限住院，危疾及墊底沒有此優惠)，如果連續2-3年無索償紀錄，下年保費將為95折; 如果連續4-5年無索償紀錄，下年保費將為9折; 如果連續6年式以上無索償紀錄，下年保費將為85折。代表越健康，保費就越平。

 

**以一仔為例，如果爸媽同時投保住院，一仔的保費將會為:

  住院及手術: 年繳1,979*50% = $990  VS 月繳 $190*50% = $95

  危疾: 年繳 $800*10/12 = $667  VS  月繳: $76*10/12 = 64

  墊底: 年繳 $524  VS  月繳 $45

 

  即是說，一仔媽以年繳方式的話，總保費為$2,181，月繳的話則$204，超抵!

 

Q5) 付款方法又如何? 月供跟年供又有何分別?

 

A5) 月供必須以銀行自動轉帳方式繳費，而年繳則可以信用卡、支票、自動轉帳等方法繳費，沒有任何附加費用。月供一般會供得輕鬆，但總保費就會較年供為貴; 相反年供一開始花費較為巨大，但總費用較便宜，一般來說是便宜約一個月的保費。

 

Q6) 坊間兒童儲蓄產品眾多，究竟那種才是最適合建設兒童的將來呢?

 

A6) 選擇前先了解有甚麼種類供父母選用:

1)   人壽保險連儲蓄

2)   定息目標儲蓄

3)   定期派息儲蓄

4)   基金儲蓄

 

兒童儲蓄，為的是應付將來龐大的大學教育費用，由於香港從前是行英式學制，理財策劃自然只著眼於3年的大學學費，父母的負擔都會相對不大。但是，現在的香港模仿美式教育，轉為4年大學教育，加上競爭力增，國民教育又會鼓勵父母送子女出國讀書，將來不但要有學士學位，甚至要擁有碩士學位才可作為求職的入場券，所以現在父母在考慮兒童的理財策劃時，除了要注意學費上的通脹外，還要預備5年的大學學費及生活費，才可以減輕將來的財政壓力。

 

頭三項的兒童儲蓄產品，雖然每年有大約3-4%定息回報，但由於學費通脹嚴重，有6-8%的增幅，定息產品未必足夠抗通脹，所以父母在子女還是年幼的時候，大多願意承受較高風險，選用現時主流的基金儲蓄產品，透過較高的潛在回報，可以有效減輕將來學費的壓力，子女免受學債之苦。而且基金儲蓄產品可以輕鬆月供，享受平均成本法，又有足夠提款彈性，倘若將來子女需要提早拔尖或出國留學，都可以及時應急。

 

**以一仔為例，還有19年的時間才上大學，一仔爸媽有充足時間為他準備學費，風險取態都可以較進取，一般而言月儲$1,500-$2,000就是最健康的水平，過少效果會有限，太多父母負擔就會增加。假設每年有5%回報，20年後就會有$600,000-$780,000。

 

Q7) 公務員可以購買住院，墊底費及危疾保障嗎? 收費如何?

 

A7) 公務員本身有政府公立醫院的住院及門診保障，私立醫院的則沒有。如果公務員需要使用私立醫院服務，便需要付出高昂的醫療費，所以公務員可以自行在坊間多購一份醫療保險，此舉不但跟政府醫療保障相輔相成，更享有私立醫院的醫療服務。而保柏就是其中一間有提供專為公務員而設的保險公司。注意，基於公務員沒有由坊間保險公司發出的團體保險證明，所以是不能購買墊底費的。另外，即使公務員不幸患上危疾，政府不會像保險公司一樣賠償一筆過費用，所以建議在坊間購買危疾保險。

 

  **以一仔媽的公務員朋友為例，35-39歲，住院(大房)年繳$1,479 (不設月供)。危疾以$200,000保額為例，月供$116，年供$1,214。

Q8) 公務員的家屬可以購買住院，墊底費及危疾保障嗎? 收費如何?

 

A8) 至於公務員的家屬，跟上題同理，本身都享有公立醫療福利，但私立醫院服務則不包括在內，如果公務員想帶子女到私立醫院及診所看症，負擔就會很重，建議父母可以為家屬額外購買一份保險，以防不時之需; 危疾亦一樣，必需在坊間購買; 墊底則不適用。

 

   **以一仔媽的公務員朋友的BB為例，以最經濟的住院(大房)計算，月供只需$190，年供則為$1,979，直至17歲都不變。而危疾方面，保障額 ($200,000+送贈$100,000)的話，月供只需$76，年供則$800，直至17歲都不變。

P.S. 堂舅父仔話，如果其他媽媽有興趣或有疑問，歡迎自行聯絡他 ~ 一仔媽都係返工放工 搭車時whatsapp給他!

差不多9個月大的一仔 ~ 叫爸爸

這一個星期,一仔都会叫爸爸了。

哼,依個曳曳龍仔,多數都係在扭計時"媽媽、爸爸 "咁喊住叫.

正一"大喊一"!

有時一放低他在大班绮自己坐,唔喜欢就即刻標眼淚、喊到塊面即红晒,好可憐咁!

一抱起他,即收声、收眼淚,比变脸還快!