六個半月大的一仔第二次Toilet training

今早7點幫一仔換片片時，突然見到有少少臭臭開始慢慢湧出來，一仔媽在一、兩秒猶豫之后，即刻抱一仔用便便桶。

起初一仔都有輕微程度的喊，可能一不習慣坐便便桶，可能二係臭臭有少少硬，一仔痾既時候有D痛。
一仔媽一邊教一仔用兩隻手扶實便桶兩邊的扶手，一邊呵一仔唔好喊，一邊將便桶由BB房推去客廳，不停郁便桶 ~ 就像坐BB車時，一仔都喜歡BB車不停郁，喜歡那搖晃的感覺，又真work，一仔無再喊，乖乖坐係便桶上，又或臭臭已出了來，不怕痾痛。

一仔媽一開始亦用紙巾遮住JJ，輕輕用手按下JJ，但3分鍾后一仔都無尿尿，一仔媽快手快腳抱番一仔上床繼續換片，原本準備好的濕紙巾都無用到 ~ 用便桶的話會用濕紙巾清潔，較方便。

清潔便桶 : 由於預先鋪了兩、三層廁紙在便桶內，所以清潔時很方便，將臭臭連紙巾倒進廁所內，然后用水沖幾次便便桶，用紙巾將便桶內外抹乾，在便桶內再鋪定兩、三層廁紙留下次用。

后話 : 得閒時，要試多幾次抱—仔去坐便便桶，好讓他習慣坐便便桶的感覺。