記得7月10日那晚落机回家，他們第一次見一仔，抱他及和他玩，一仔都喊，但第二天一早再玩時一仔就無喊。
有了前車經驗，今次(31/8)由大陸返HK后，舅父仔他們沒有一見到一仔就抱，而係乖乖坐在一仔旁邊一陣，等一仔習慣了才抱一仔，work呀，—仔無喊。
隨后兩三天繼婆婆、舅父仔、細姨不停抱一仔、同一仔玩，最厲害的係14歲ABC(American born Chinese)舅父仔不只抱一仔，還孭一仔，孭到一仔瞓著，又餵一仔食粥，又幫一仔換片(開細時)，名乎其實的小湊仔公，抵一仔兩、三個月大時最先叫你"咕、咕"，我地中山石崎沙溪話"咕、咕"即舅父咁解 ~ 舅父仔，辛苦晒你了!
一仔這幾天亦叫得最多，成日對住10歲大的細姨叫，細姨就會擺隻手指係咀前，"暑、暑" 要一仔收聲，一仔又收聲喎。
有一次，舅父仔他們和一仔排排坐在客廳里，一仔居然可以乖乖的坐坐下瞓著了添，從未發生過呢，舅父仔你真係得!
3/9晚舅父仔他們回美國了，臨走前舅父仔挑選了一疊一仔的相片，要一仔媽寄給他，我問舅父仔真的會睇番D相嗎？舅父仔話會，依個ABC真難得。
繼婆婆話如果舅父仔、細姨測驗、考試有90分以上，明年當獎勵回HK啦。
我問舅父仔可否做到，他話得，那我們就等好消息啦!
后記 :
5/9 一仔爸返完夜班白天在家瞓覺，但一仔成日喊，害一仔爸瞓唔到，美國的大姨 whatapps 話可能一仔知舅父仔返了美國，無人同他玩，所以一仔扭計。
係架，佢地有好多人圍住陪佢玩就最開心！
回覆刪除[一仔媽回覆09/06/2012 18:47:39]可借我同papa要返工，只得印印照顧及和他玩。