一仔今晚差D發生家居意外

晚飯后，印印在廚房收拾，我在客廳開緊奶粉，一仔在BB房的BB床 ~ 我們認為最安全的地方，點知突然聽到一仔大喊，頭兩聲喊聲我以為依個大喊拾扭肚餓喊，但跟住的兩聲大喊很不同，我即刻放低開緊的奶粉，快步跑入房，見到一仔打斜瞓在床上，左腳掌亦打斜差了入床欄之間卡住了，我快快幫他抽番腳掌出來，好彩只係紅了，並沒有扭到。

幫一仔抽番隻腳掌出來並抱抱后，一仔即刻收聲無喊，但個樣子有些似嚇親，呆呆地無表情，我順便教他 ~ 話他蠢蠢，下次唔好啦，會痛痛，danger,危險 ~ 希望一仔聽得明。

過了一陣，幸好一仔識笑番。

BB床有布圍欄圍住，當初一仔約三個月大由搖籃BB床轉去依張大BB床時，已發現一仔識得用手掀高頭頂的布圍欄，遮住自己個頭，所以我們已經用三個攬枕，頭頂、左、右擋住布圍欄被一仔掀起，但現在一仔識轉身，我地行開一陣，回頭床上的物件已大移位，包括他自己!

所以，要避免此意外再發生，或者要將布圍欄攝D落床褥與床欄之間，希望一仔不會再那么容易將布圍欄掀起。

後記:
1) 抱起一仔后，我即刻叫印印，好讓她知道一仔點樣整到及避免下次再發生。
2) 床欄之間有5.5cm闊，唔知是否符合安全標準呢?