一仔六個月大打針發燒

昨天一仔爸放假，上午九點半帶一仔返健康院打針，今次要打三支，都係打在大腿上，其中第二支四合一一仔爸話支針又長又粗，護士又打得深…一仔喊到拆天，幸好走既時候已被印印孭住瞓著了。

 

一仔回到家后攤在大班椅上，成個人好似軟晒，其間爸爸、印印keep住比水及check住一仔溫度有無發燒。

到晚上8點我放工回家食飯后，8點半幫一仔換片及探pat pat溫度時，有38.3度(但耳探只得97.8度，再次證明用耳探在一仔身上係唔準!)。一仔額頭及頭后面比較熱，其他耳仔、臉、手腳都係涼涼地，但都即刻幫一仔貼上小琳退熱貼，又飲水。

一仔依餐奶只飲得100ml，飲完便扭瞓覺。

幸好，到10點再探pat pat 時，已跌番38度。

整晚一仔醒過幾次，食番奶咀又瞓番。

12點時溫度37點幾，換過一塊新退熱貼，5點時溫度依然37點幾，不再貼退熱貼了。

跟住餵人奶…到今早8點出門口返工時，一仔醒了亦都會笑笑。