煲粥(4) + 香蕉船 + Start Toilet Training

六個月大又9天 一仔今天係連續第15天食粥，已食過菜芯(原來BB唔怕草青味)、菜芯+大魚腩。

 菜芯粥

今天星期六短週，專登同印印去街市買$10柳梅(要一早先有得買，晏了就賣晒)及一條細紅籮蔔(大size用來煲湯的)。

約1.5湯匙米預早兩小時用熱水(300ml左右)放入暖壺浸，效果未開花，加熱水大火煲滾后，放入已攪碎的材料，再滾后轉慢火煲15分鐘 ~ 因有豬肉要煲耐少少又會出味D(同事及媽媽同學教)，之后印印再用濾網隔渣 ~ 效果似好杰的糊仔，份量有100ml(更正 ~ 份量應有240ml以上)。

    

原本11:45am開始食，食完后1:40pm(我已出了街)再補60ml奶，印印話唔補奶粉，一仔唔瞓覺。

印印話我話大粒粥一仔唔食，所以她用濾網隔，起初我覺ok，但見一仔食了咁大碗后又再補奶粉 ~ 那我覺得太多了。

我同印印講話怕太大碗，她可以試半碗不要隔渣的，等BB飽肚D不會食咁大碗，印印話D豬肉大粒，BB唔食，所以依然要隔渣!

仔呀仔，你食多一星期，等媽媽星期日再煲粥，D米要細細粒，你又合作食而不需補奶粉，我才好叫印印跟我的煑法!

(2012-8-20 星期一，一仔可以食晒一碗隔了渣的粥糊160ml，不用再補奶粉)。

香"蕉"船 + Start Toilet training
自從一仔食粥后，兩、三天才一次水狀有渣便便，今天突然出香蕉便便，還很大碗，有D措手不及，印印話BB可以開始用便桶了。
(2012-8-20 又有番水狀有渣便便，還一日三次!)

點知可能係第一次用唔慣，一仔大喊...

過了一陣后，當玩的，比一仔著住片片再試坐便桶，他識捉住便桶兩邊既扶手，無喊，ok喎…但下次真便便時唔知會否依然咁乖坐定定唔喊呢？