六個月大的一仔

不知不覺，今天—仔六個月大了。

喜歡吮腳趾公(左腳多過右腳) ;

抱住他時，頭仔會放在你膊頭上，成隻趴地熊咁，樣子好可愛 ;

懂得兩隻手或單手揸住奶樽飲水、飲奶;
飲奶時一定要幫他托住奶樽，因他會玩玩下將奶樽扯出又放入，又要確保奶樽口full晒奶給—仔飲 ;

但食奶咀時，經常未能對準放入咀仔;
奶咀食得耐時，咀邊會紅晒，每天都要搽lotion才退紅;

喜歡我幫他清潔口腔，手仔會捉住我隻手，跟住我隻手一起移動;

雙手手肘前面摺位由3個月大時開始發紅，同事教用莊生爽身粉搽;
(藥房無細支買，但大支價錢等於萬寧細支的，因大支太大，都係買細支;
沒有買粉撲盒，只倒少少在手掌心，用另一隻手手指搽落發紅位便可以)

依然喜歡扭爸爸耳仔、扯人頭髮、搣人都好痛 ;

終於識轉身完又轉番回去 ;


喜歡側身瞓，有時會攬住攬枕瞓;


伏起一仔媽心口上瞓，或他自己趴係床上瞓時，都懂得打側塊臉瞓，不怕會焗親;

識45度向前傾坐10秒左右，之后會轉嘛身趴起床上;


趴係度時，會"突"起pat pat，印印話突突下遲D會識坐係度;

依然喜歡行多過坐，及會彈下彈下咁跳 ;

最近一星期，喜歡伸條利出來玩;

知道別人話他時，他會即時扁咀，準備開始喊;

平時要孭住先可入睡，要左搖右擺，一隻手有節奏地拍他pat pat，一邊哼住歌仔、或一邊播英文兒歌先可入睡 (平時聽到，會手舞足蹈);

放低又易醒 ，又要再孭過;

原來一仔捽眼，或孭住他時用塊臉仔在你心口左右磨幾下，代表他眼瞓了;
(之前，我們還擔心他捽眼係因為眼捷毛倒生或過長呢!);

換片時， 喜歡捉住衫尾咬，咬到濕晒;
(自從識轉身后，換片時不停動，經常未著好衫，已經番轉身);

喜歡坐大班椅，不喜歡充氣椅 ~ 坐幾秒已經弓起個背，作狀要離開;
(依張大班椅係姨媽、姨丈知一仔媽想開始餵一仔食糊仔時送的，有多種用途 :
椅背可以調較斜度，所以可以當床仔、餐椅、普通椅;
塊餐板可以取出; 轆可以收起，變成搖搖床);
[依張大班椅都有只買椅套替換，但只有"Bird"款有得買，其他已賣晒
http://bnm.com.hk/index.php?o=item&act=view&id=14194]

    

出街坐車時，上個月還會每逢紅燈要停車時，一仔會喊，扭要架車動番，車一動就真的唔喊，今個月好D，有時停車都無喊;

喜歡坐車便瞓 ~ 似媽媽;

飲食情況:
依然一日5餐奶 :
早上5:15點埋身人奶，9am/1pm/ 5pm/ 8:45pm，其中一餐用奶樽餵人奶，其余奶粉"雅倍1號 - 心美力"，每餐150ml ;
(食完依罐1號，要轉2號了(雅倍 - 恩美力) ，買了罐細的，先給一仔食下有無問題，后才買大罐的);

上星期六開始，12點加白粥仔，但一仔只食幾啖;

再餵60ml奶溝7湯匙Healthy Times Brown Rice Cereal，再補120ml(不是150ml)奶粉;

原本9pm應是最后一餐奶，但一仔通常8:45pm換完片后便要飲奶;

飲水: 坐在大班椅上，自己揸住奶樽飲，一天約飲30-50ml。

便便: 由每天一次變為2-3天一次，一天約換5-6塊片，多數飲奶前換片;

厭奶期 :
晚上餐奶一仔有時飲了100ml便停，可能有幾個原因:
(一)一仔媽比一仔自己揸奶樽，個曳曳龍會飲飲下將奶樽扯出，好似睇一睇有多少奶剩后，又再放入咀仔…試了幾次后，好似無興趣再飲下去，一仔媽便要轉飲奶地方，由一仔媽抱住改為一仔自己坐在大班綺上繼續飲。
如果依然未飲晒，依個時候印印己洗完碗掃好地，通常印印一出馬，一仔會飲哂!
我就走去泵奶沖涼。

(二)一仔媽不再真的抱住一仔飲奶，由得一仔頭枕在媽媽大腿上(用紗巾隔住，因一仔飲完奶后，頭后面會濕晒)，一仔直接坐在床上，由於自由度大了，一仔會腳踢踢，變得不太專心飲奶;

疑問 : 唔知幾時要轉大一號的奶咀及全部奶樽 換過一批呢?

依份係六個月大的小蕃薯成長報告!
(依個月一仔爸成日叫一仔做小蕃薯，那我話小蕃薯既爸爸就係大蕃薯!)