淘寶”國際轉運” - 轉到一頭煙

依排多用了Yahoo團購及淘宝買野！

從未用過淘寶的集運，加上之前聽blog 友肚B媽話淘寶a/c被人盗用，更加不敢用。

之后見淘寶新出了國際轉運，又見多野買，便試下，點知一試就出事，轉到一波六七折，暈晒！

前后向A、B、C、D、E共五間店子買野!

**********************************************************************

起初係A、B、C店子，原想用國際轉運，點知在支付寶付了錢后，先發覺整個流程無出現過"國際轉運"既字眼，想辦退款再試多一次睇下流程哪里出錯?

但同事話試過退款，幾個月后再用時，淘寶要她比些當初登記既詳細資料先可以用，她有D唔記得，最後要用回鄉証no.先攪掂，嚇到我唔敢辦退款。

但問了Blog友阿肶媽，話辦退款好容易，所以最后都試了，前后辦了三次退款，同店子講好先，退款又真容易呀!

**********************************************************************

但再試一次個流程時，都係唔見"國際轉運"既字眼，以為唔得，由得A店用順豐按平時那樣發貨，運費香港到付HK$38。

***********************************************************************

B、C店子，因同事可能有興趣買，退了款后，同店子講等麻同事先再過一、兩天落單。

因同事有兩對BB鞋買時要一起買當一套，唔可以放入"採購車"，要直接去"立刻訂購"，之后就見到"國際轉運"既字眼la!

跟住請B、C店子快遞用順豐，運費又香港到付，點知就出事了.....

***********************************************************************

等同事落單的其間，又向D、E店子買野，點知兩間都無按我指示一開始用順豐，錯有錯著用了他們自己快遞兼付麻中國那程運費，果時我都好奇怪點解他們會問收貨地址係寫順豐在深圳的倉址及電話。

點知兩件貨去了深圳后，唔係去了順豐深圳倉，一件去了深圳機場，一件去了深圳某處。

第二天致電去香港順豐問，她話電腦未咁快update到，好彩第三天入了庫，但隔天仍未出庫，又致電香港順豐問，話48小時內會安排，最後見到差不多48小時前先出庫，出庫后係8號波下午就收到了。

兩件貨合共2kg，由深圳到香港的國際轉運運費24元人仔，合併后就要在支付寶付運费，即是24x1.26=HK$30，付了才會安排出庫。

但，如果按普通由深圳到香港，運費要36元人仔，即HK$45。

所以，真係慳左HK$15 (=$45 - $30)。

***********************************************************************
講番B、C店子，一開始已用了順豐，但原來中國那程運費一定要預付，絕不能等香港到付。

所以兩件貨去了深圳便利店，話未收到運費，不能再往下一站。

致電香港順豐，問可否夾倉庫中兩件國際轉運貨一起來香港，但不能。

話一定要店子請店子那边的顺豐由深圳地址改寄香港地址，及運費香港到付，亦要包多一程中国運费22元人仔，另深圳去香港一程30元人仔，合共52元人仔x1.26=HK$66。

比平时由店子单件直接去香港到付的HK$38，足足貴了HK$22（=$66-$22）。

其中B店肯爽快幫我轉，但C店請我自己轉，但我同C店講，香港順豐站話最好係店子幫忙改寄香港地址，如果由我自己轉，因我地係第三方，香港順豐要先联络C店顺豐，C店順豐要再找C店確認地址，過程麻烦又费時，C店一聽才明白，先肯即刻去轉！

最后，BCDE的件要差不多十天先收到。

總括： 在国際轉運中選了轉運商（如順豐）后，店子用什么快遞將件貨送去轉運商在深圳倉都可以，但依程運费一定要店子預付，絕不能到付，不然，就会有以上咁複雜既事發生！


淘寶的國際轉運流程
http://www.taobao.com/go/act/global/hk/transport1.php?spm=a213y.6633709.370461905.2.lCZDUt