健康院打一歲半針

<1yr6mo>

终於到期帶一仔去打歲半針，避免人多，约九点，連取退燒药，用了一小時多d而已。

*******************************************************
一仔爸問 : 約咁早，唔怕一仔唔夠瞓嗎?

一仔媽答 : 昨天影家庭相咁早出發，又唔見你問既?

一仔爸 hehehe...
************************************************************

先磅重，歲半可以企上电子磅磅，要除鞋，片濕要先換。

一仔企唔定，姑娘話有10.9kg，即大约24磅，比屋企磅輕2磅，上次磅重又係咁！

走既時候，一仔識同姑娘揮手bye！

等叫名再見姑娘。

姑娘問一仔飲食情况，一仔媽答早歺60ml奶开麥皮，再補60ml奶，晚上食飯后又補60-120ml奶。

十一点食軟飯，四点半食粥，八点食大人飯 >>> pass

餸呢？ 豬肉、菜及其他大人餸 >>> pass

份量呢？ 1.5個BB飯碗 >>> pass

食生果呢？8am 一個生果 >>> pass

食零食呢？ 唔食。

姑娘話一仔食野ok，重量亦keep到ok 。

姑娘問有無改用杯飲奶，一仔媽答一仔嘗試用水杯飲水中，但未成功。

姑娘話要继续努力，因怕BB用奶樽飲奶瞓觉，一仔媽答唔会，因一仔5-10分鐘会飲晒。

姑娘將一個小公仔放在桌上，用匙根餵公仔，要一仔跟住做，一仔媽一見到即擔心，屋企都無比一仔咁玩過喎，但一仔真係做到，一仔媽先醒起一仔有時都餵一仔爸媽食玩具啦 >>> pass

姑娘將三個平滑的木積木搭高，示範了幾次，一仔都無跟住搭，但一仔媽答屋企一仔有搭高積木架 >>> fail

姑娘問一仔識指出五官嗎? 一仔媽答唔識 >>> fail

姑娘建議比一個公仔一仔玩，同一仔一起玩多d問五官。

屋企只得恐龍公仔而己。

姑娘問一仔識講什麼? 一仔媽答 mama， papa， 嫲嘛，依到，曳曳，a，b， w.... >>> fail

姑娘問一仔平時要物件時会点？一仔媽答一仔会手指指。

姑娘話一仔要再講多d，一仔媽都想，但一仔唔講，又有什么辦法？

姑娘問誰人湊一仔？一仔媽答工人。

姑娘問一仔平時同誰人玩？一仔媽答工人、爸媽、嫲嫲、小表姐。

姑娘問一仔識走了嗎？一仔媽答 Yes >>> pass

姑娘問一仔媽有其他疑問吗？

一仔媽問明年是否有水痘針打？姑娘答一仔应該無得補打。

一仔媽話一仔兩隻手臂凹位有汗疹，有葯可介紹吗？

姑娘話通常父母有某類敏感，如鼻敏感，bb就有可能有敏感（姑娘好似誤会了，一仔唔係有濕疹，只係汗疹呀）。

一仔媽已幫一仔搽了”宝貝濕疹膏”一星期，依幾天改搽生蒜頭。

姑娘話可以試下多d保濕，如去屈記買Aqueous cream。

最后，姑娘比了依兩本小册子，講3-6歲BB既進展。

姑娘話小册子中亦有提到4歲帶BB去健康院检查視力！

最后，姑娘話要兩歲约期，再跟進一仔的進展。

並囑咐我地睇番之前派既小册子講BB 2歲的進展。

走既時候，一仔又揮手bye！

跟住再见另一姑娘打針，今次打白喉、破傷風、百日咳、麻疹的四合一混合針，打在手臂上，支針又長又幼！

有了上次打針經验，打針前比定奶咀一仔含在咀里，一仔爸取出奶咀時居然跌了落地下，好彩我地出街係帶定兩隻奶咀。

一仔今次只er了兩声，完全無喊，走既時候又肯揮手bye！

姑娘話打依支針要留意頭三天会發燒，針口腫用凍布敷（一仔媽記得媽媽同事教用熱布，布凍了，再換熱的啊！）。

回家后，叫新印印久不久摸下一仔额頭有無燒，每4小時量耳仔，38度發燒就用退熱貼，又餵退燒药。

又教定她耳探器無電要怎樣換電。

希望一仔唔會發燒啦!