家居安全用品 - 攝罅用品 + 安全扣

攝罅用品
新屋的大人床同BB房的子母床，都係拍麻牆边的，但因为有牆脚線关係，各有條半寸闊的罅，都比一仔跌过我地部手机落去，要摷成幾十分鐘先摷番部手机出来。

子母床罅於是用了盒裝的纸巾盒及保婴丹的吉鐵合，攝住床罅剛剛好。

大人床於是亦用纸盒，点知因为它是油壓床，掀开床褥連床板后，條罅变大了，d纸盒跌晒落床罅里，又摷了好耐先摷番晒出来。

剛巧經过玩具店，见到有發泡胶造的水槍，22元一支，於是提議一仔爸去深水埗買三、四支，应該会平d。

去到深水埗玩具街，好彩見到馬路上的露天檔有長長但粗幼不一的彩色純發泡胶，三、四十元支而已。

返到新屋，長度不夠，又粗了d(直徑2.5吋)，一仔成隻腳仔可以踩落去，但算吧，總之攝到床罅已ok。

不過要留意每次再打閞油壓床時，條發泡膠要先拎走。

床頭柜亦有罅，廢物利用，公司printer 換墨時会有依舊厚厚的透明胶，剪一半，又剛好攝到床頭罅。

梳化亦有相同問题，一仔好喜歡將d玩具塞落梳化角個窿里。

用兩個透明膠，分別塞住上下兩個窿。

梳化背亦有好大個窿，一仔成日碌d波入去，暫時只諗到用家電的纸皮箱剪爛成三角形，塞入個窿里。

但感覺上用纸皮唔好，遲d會霉又容易招惹小强，要再諗諗先。


安全扣
自從一仔在舊屋識開柜桶后，首先新屋電視組合柜用了依款安全扣。



一仔爸安裝時，一仔係旁邊昅到實，所以佢好快已識除，好彩每次見佢要除時，我地話no no，佢都會停手。

上兩個月已經成日閞鞋柜，有時攞鞋玩，有時見我地去街或去完街，想幫我地攞鞋換，但d鞋污糟，當然唔比佢掂。

所以，上兩個星期已買安全扣，一仔爸現在先有時間安裝（正一大忙人，成日忙打機）。

一仔起初開唔到鞋柜時，已發現個安全扣，指住個安全扣瓜瓜叫！

又買了塊數字板比一仔玩。

塊板放係組合柜里的最上個格，一仔想玩既時候，會走去打開個柜門，個柜門角會撞到一仔個頭，所以要裝安全扣。

每款安全扣只買了一個，因唔知啱唔啱用，好彩最后都啱用。