家庭大合照（上）

<1yr6mo>

之前一仔在Trendyland 影相，一仔爸話都想同一仔嫲嫲、姑媽、小表姐影家庭大合照，剛好团購有，但就要等一仔爸8月份放大假先去，終於等到影相果日！

约了下午兩点影，一仔爸依個緊張大師，話要九点出發去接嫲嫲她們，完全無諗一仔唔夠瞓到時扭計点算？

我学聰明了，唔出声！

不過，依朝早破例由得一仔唔駛六點半起床食早餐，等到他七點多自然醒。

我地先去荃湾飲茶，一仔只食了幾啖白飯，補了240ml奶！

晚上一仔爸先講一仔应該係想食鳳爪排骨飯的有味飯，剩白飯淡味，所以唔食！又唔早d講！

未夠12点飲完茶，帶嫲嫲她們去L Hotel睇風景！

原先唔記得边一層睇風景，但就記得应該係轉升降机去客房果層，見到“41-77”，就試41摟，真係41樓呀！

可以望到青衣，連昂船州大橋都见到！

因为冷氣细，逗留了一陣就速速返去隔鄰商埸嘆冷氣。

下午一点都未到，一仔姑媽話手机有d坏坏地，想買部新的，就和一仔爸去衞訉買，買完剛好趕及去影樓影相！

影了差不多75分鐘，二百多張相，有一仔及小表姐分別的個人相、姑媽和小表姐一組、嫲嫲和一仔、小表姐一组、嫲嫲和姑媽、小表姐、一仔爸一组、小表姐和一仔一组，一仔爸媽加一仔一組，当然还有大合照！

一开始，影相姐姐都怕一仔扭眼瞓，先影大合照，可能影相姐姐靓女，把声又嬌爹，一仔好乖肯望鏡頭！

之后一仔自己在好好彈的床上走来走去影，影相姐姐又氹一仔，一仔影得好开心，總影到尿片甩了一半(從未試過呢)！

但一和我地合照，被捉住坐定定時，又开始扭計，直至同小表姐在波波池影，先又乖番！

最后，再影大合照，又扭計啦！

原价$288包5個家庭成员(之前團購時已過數)，多一人加$100，星期六、日加$100，要晒所有檔案加$680(全部比現金)，包埋執相，送兩塊A4 size 泡泡板，4R、5R相各一張、兩隻CD（原本一隻架），可以郵寄或自取，三至四星期有货！

http://www.groupon.hk/deals/hongkong/Photo-Shoot-Package/716866463#

影既時候，影相姐姐都間中比我地睇下d相，影完相后，一仔爸負責即時在电腦上睇晒d相，我地都頗滿意，好期待快d收到隻CD呀！

全日一仔只在車上斷斷續續瞓了一個鐘。

回到家，8點飲奶后，捉一仔去瞓覺，佢居然唔眼瞓，都要扭到10點先瞓!