撞親頭

<1yr7mo>

一仔爸媽最擔心的事终於發生了，一仔擒出網床，跌落地下，撞到頭！

放工回家途中，透過web cam 明明见到一仔在網床里自己玩，因工人姐姐要去廚房煑餸。

點知一回到家踏進門口，已見到工人姐姐抱住一仔坐在客廳playmat 上！

當時一仔媽第一样野諗到就係曳曳豬無瞓妟覺，現在扭眼瞓，所以挨住工人姐姐扭瞓觉，令到她煑唔到餸！

但工人姐姐話一仔剛剛從網床跌出來，大喊，食了奶咀先無再喊！

聽完工人姐姐咁講，又見到一仔”咁安靜”挨住工人姐姐，很反常！

一仔媽即時心一沉，連忙問撞到那里？

話撞到左前額！但未見红？亦無瘀？

但摸個頭，唉，依個大頭仔，摸完一仔媽都唔識分係未腫？

一路問一路摸時，已從工人姐姐手中接過一仔！

一抱住一仔，一仔媽即刻開始”鵝”一仔，一仔媽都係用平時的音量講野，但估唔到一仔居然推開一仔媽，要工人姐姐抱番！！！

........一仔媽要講了幾次，好la，好la，媽媽唔話你，过來比媽媽抱番，一仔先肯比一仔媽抱！！！

抱了一、兩分鐘，一仔媽打电話比一仔爸報告实况，一仔先開始”活躍”番！

一仔爸半夜放工回來，再查看一仔，見到右眼尾頭紅腫了少許！

同一仔爸商量，为防止一仔再跌，唯有教他正確方法擒出網床外！