復活節假無同一仔去玩，一來因一仔爸要返工，二來要留係屋企幫一仔開始戒片行動。
每次出街，一仔都好開心，好彩隔個星期日一仔爸放假，天公又造美，無落雨，我地近近地去了新开的TKO单車館的兒童遊戲室。
沿住屋企附近的單車徑行，一仔有幾次都叫抱，但我地唔肯抱，最后一仔肯乖乖自己行，行了15分鐘才到。
入口對出係尚德村
遊戲室有差不多300平方米，因等候位及洗手間都在室內。
9點開始，我地9點半先到，好彩未滿額(40人)，都可以入埸。
最正係條滑梯，夠闊，應該係話未見過咁闊的滑梯至真!
起初有穿襪嫁，但一仔見爬唔到上滑梯，自己素性除襪
依架車係硬身嫁!
一仔 : 架車係假嫁，開唔到車門!
有4塊不同的遊戲板
可以望到街景
又有依款玩
一仔，你扎行個馬做咩呀?
第一埸有75分鐘，落場要走時，一仔當然唔肯，扭計又喊。
清潔要15分鍾，我地在館內周圍行，除了兩間乒兵球室有開放外，單車埸及餐廳都未開呢。
10點半再開場，好彩我地有排隊，依場好滿呀，有些遲來的家長同小朋友入唔到場呢，要在室外排隊再等下一場了。
玩完依場再走時，一仔又扭計喊，但沒辦法，要趕回家煲飯比一仔食呀!
呢個新開既幾正喎!!!
回覆刪除係呀，放假去玩啦!
刪除呱度好正又大,入場費幾多呀?
回覆刪除近唔近地鐵站呀? 不過我都唔係住個頭呀!
它屬於康文署，係免費嫁!
刪除淺灰色的"TKO单車館的兒童遊戲室"有條link係里面，你click入去睇，其他區都有，睇下有無一間係你屋企附近?
依間近坑口地鐵站B出口，行10分鍾就到。
呢個場好似好正咁啵...
回覆刪除係呀，唔駛錢，又有限制入場人數，唔怕太多人！
刪除呢個場好正呀！好似出面仲有片大草地喎！聽講話四月三十日開放呢，可以去埋野餐同踼波！
回覆刪除出面大草地連個湖仔嗎？果日都未开放！
刪除原來还有30/4开放日？可惜要返工呀！
嘩！個場好正，唔止小朋友見到開心，連大人見到都雀躍，尤其夏天到，o係室內玩點都好過o係室外玩。^^
回覆刪除遊戲室里的冷氣一般，見隔離乒兵球室d人揾野攝住隻門，等冷氣可以走d去室里涼d。
刪除嘩原來康文署架，見到咁靚咁多野玩我以為係要畀錢架！
回覆刪除原本我覺得你介紹果個何文田的場係最好玩，現在因依個場有咁闊的滑梯，更好玩呢!
刪除好正呀, 比起好多收費的playroom仲闊喎!
回覆刪除係呀，好好玩!但設施無要收費的場咁多!
刪除