自製門欄 + 防撞條

<2yr1mo>


依個月，一仔竄入廚房的次數更加多了，有時佢入了廚房，係我地后面，我地都唔知，真擔心有一天佢手多多，扯跌了d煲，比熱湯燙到就慘了。

一早好想買門欄，但觀察过廚房的門框，因有百摺門，裝不了一般的門欄，唯有自製門欄。

一般的門欄

起初構想係用膠板，點知幾個月過去了，都唔知邊到有膠板賣?

最后經过坑口地鐵站果边的五金雜貨站，見到依塊木板。

一面係白色，唔会有木屑，不怕界手，防水，老闆話唔係塊塊白板都防水架。

另一面係普通木板，有木屑，会界手，所以依面向廚房。

老闆介绍買多一罐細叻架，搽在普通木板那面，好似話会防霉。

買既時候，好彩打了個電話比一仔爸，佢提醒我買支掃時，一定要夠细放得入罐叻架內。

買既時候，個店員真的比了支大掃我呢！

一仔爸夜晚搽完后，等風乾，第二天先安裝。

塊木板原打算買24H x 30.5W 吋，但老闆話有塊現成木板有20H，最后買了20H x 30.5W吋，$75，係老闆從一塊大木板即時界出來的。

一仔爸係木板頂加一條防撞胶，唔係用來防撞，而係用來遮住d木屑。

過了幾天，一仔已識搬張凳仔去木板到，企上凳仔，再想用腳跨過去。

上年年尾話想買水槍的膠條攝住d牆邊，因一仔喜歡塞d東西入去，點知夏天已過，深水埗無得買了，玩具反斗城的又貴，最后今個月終於係AEON的10蚊點買到依款，11-12元一pack有兩條。

依到用了兩條

一仔攝了一架扁身的黃色玩具車係牆邊，攞唔番了。

灰色的防撞膠早排在淘寶買。