戒咬手指水

<2yr1mo>

見一仔依然將d玩具成日放入口中咬，终於兩個星期前去药房買了支戒咬手指水，$75一支。

現在諗番，當初支新葯水好似只得七成滿，見d药水比支掃高些少，果時曾心諗，如果要一直用下去，点先可点到剩下的药水呢？

支水有支掃，好似指甲水咁，搽少少一層在玩具上，等一陣自然乾。

第一天一早，趁一仔未起床，搽了一些一仔会成日咬的玩具上，一仔第一次咬了后，個样"拿住"晒，勁流口水！

第二次咬，又流口水。

每次要待一仔咬完我先發現，因一仔知我地唔比佢咬，我地会出声話佢，所以，佢会背对我地先咬！

第二天，見一仔仍然有咬，心諗係未咁快支手指水無效呢？

第三天照搽。。。之後幾天，放工回家問工人姐姐，工人姐姐話好少見一仔咬玩具了。

如果間中見到一仔咬，就重点搽果件玩具。

BK有家長話小朋友会呕，所以我会留意食野前后唔好比一仔咬玩具。

So far，都算叫戒咬玩貝八成成功！

現在係諗緊，好唔好將手指水搽在奶咀上，幫一仔戒奶咀呢？

諗到到時佢会喊得好傷心，就落唔到手！