試學日第二天

<2yr2mo>

早上帶一仔去健康院見医生检查説話能力后，下午又去英皇返試學日，雖知道今次係1:30 - 2:30pm，未夠一点，我地(一仔爸亦有去，因係最后一天的放大假)就到了，比一仔係学校对出的sir滑梯玩一陣先。

夠鐘可以入学校，先在門口有老師量耳仔温度。

上次写名的貼纸好难撕下，今次学校有改善，好容易撕。

今次試学的形式亦同上次的不同了，上次係全部人在大禮堂上，又擠又熱，今次改小组形式在每間班房進行。

入到班房，未齊人未开始，一仔当然唔肯坐定定，又要走出去大禮堂玩波波。

齊人了，很难先捉到一仔入番班房，一仔又周圍揾玩具玩，多數家長及小朋友都係坐定定，只有另一個小女孩（比一仔更细個）好似一仔咁要揾玩具玩。

第一part，由兩個中国人老師帶領唱歌做動作，一仔就成日走去老師后面玩具架拎玩具。

第二part，由一個net teacher Ms. Suki 帶领唱歌做動作，依個時候，一仔先肯乖一陣，望住Ms.  Suki 做，我地都覺得一仔比較喜歡外藉老師。

其間 一仔有幾次走去其仔同學仔面前講bb話，當然唔知佢講什麼啦!

未夠兩點半，試學日就完了。

跟住我地帶了一仔去屋企附近的遊樂場玩，當一仔玩時，一仔媽就偷走返工，一仔轉頭發現唔見了一仔媽后，喊到七彩，回到家亦喊緊。。。如果再有下次，都係面對面同一仔講bye bye好d。

仍有第三及第四次試學日，一仔媽唔去了，因要留番d年假改帶一仔去尤德检查，唔知一仔爸肯唔肯单拖帶一仔去返学呢？