説話檢查之見醫生

<2yr2mo>

一歲半時返健康院检查，一仔除了講爸爸、媽媽外，bb話講最多，所以說話能力检查failed。

兩歲（今年二月時）要再返健康院检查，一仔除了会說爸媽，亦会説”Mi”（工人姐姐個名）、曳曳、ABCDE外，还有説过一兩次的单字，跟住無再提过依d单字了（医生用”失蹤”來形容），其余都係bb話。

約了今天（星期五，九点）健康院見医生，一坐低，女医生已拎了d玩具放在桌上，但一仔望都唔望，只想掉頭走。

一仔媽同女医生講，去幼稚園面試，一仔都是這样，要warm up下，先肯留低，然后继续向医生講解一仔既情況。

講講下，一仔才开始对桌上的玩具有興趣，还对医生的玩具講了幾次”果個”。

一仔媽又向女医生反应，有d野無教一仔，但一仔睇多幾次后，自動自覺会幫手做，例如上年夏天搬potty。

但有d野專登教一仔，一仔要一排先会做，例如錫錫、bye bye。

連示意vv都無。

而指出五官，一仔只間中指下鼻鼻，都唔算識！

大约10-15分鐘的會面，医生評估结果係  ： 有说話及社交技能問題。

医生写了封轉介信去觀塘茶果嶺的尤德夫人兒童體能智力測驗中心再做全面的評估，健康院会fax封轉介信去尤德先。

回到家，自己要再致电尤德登記及约期。

电話登記后，要再等一個星期尤德回复確实日期。

但星期一已收到尤德的电話，話四月尾有期，但依個4月，一仔媽除了公司很忙外，4月尾已請了一天假打算去廸士尼玩，所以請尤德改期到5月，但尤德5月的schedule未出，所以未约到住。

第一次去，只見家長，第二次去，才要帶一仔去。