煲粥(7）- 魚粥

一仔媽最初用健康院DVD教的方法,魚先分开蒸好,拆骨后才放入粥內。

点知煲了兩三輪后,剛巧果次係魚＋波菜,印印同一仔媽講一仔不喜欢食魚。

那一仔媽問印印蒸了多久?是否蒸太耐,魚变韌了所以一仔唔食?

印印答唔知蒸了幾耐 ~ 一仔媽無言!

印印在新加坡及台灣湊过BB,其中一個僱主係医生添。

印印話她前兩個僱主只会用豬肉及魚肉放入粥內一起煲,只是为了出味而已,而她／他们相信D维他命全部在粥里,所以豬肉及魚肉最后可以取走不用给BB食!

下次出糧時我会再訓話印印,同她講多次新加坡／台湾／香港各有湊B的方法,她可以講一仔媽知她的經驗,但最终要依一仔媽的方法去做!

雖然話前兩個僱主要取走魚肉不需给BB食,但印印又識点样幫魚去骨喎,手法很熟练添。

一仔媽有懷疑会否係波菜令到一仔不喜欢食魚呢?

而印印又話一仔食哂成碗粥,印印講普通話,一仔媽講廣東話,再追問下去都係得個吉,由它成为一個謎吧!

總之,一仔媽見依個煲魚粥方法不可行,一仔媽又回公司問D媽媽同事,其中同事D教一仔媽方法如下:
魚腩洗淨印乾水（会無咁魚鯹味）,待用.

起初浸好的米連水用中火煲滾后,即放入魚肉

约7-10分鐘,待魚肉煲熟后,取出小心拆去魚骨,可用叉子幫手.

注意 : 魚肉未熟,係拆唔到魚骨出来.但魚肉太熟,魚肉会变〝爛〞,魚骨会融入粥中,那就危险了.

待粥差不多煲好,加入魚肉再煲一陣便可.

我用依個方法煲（還加了柳梅）,無問題,一日兩餐粥,一仔食晒!

一仔媽將依個方法講给印印知照做,然后連续兩天印印煲柳梅魚肉菜芯粥（不敢再夾波菜煲了）,然後問印印一仔食魚嗎?

印印答一仔食!