一仔開始坐學行車

上星期還有幾天便七個月大的一仔，papa mama 試比他坐學行車，坐到一仔呢 ~ papa要抱一仔離開學行車時，一仔喊。

姨媽話那我們可以輕鬆D，唔駛成日抱一仔了。

但mama 星期日放假在家發現學行車都不是靈丹妙藥，一仔要人抱、扭眼瞓時，就算坐緊學行車都會扭計，一邊扁咀、一邊嗚嗚叫好似狗仔咁(但一仔個口係合埋，嗚嗚聲係由喉嚨發出嫁)!

而且，坐住學行車，一仔會周圍摸，又周圍撞，大家要十分留意，一仔現在最喜歡扯飯檯的檯布!

網上有資料話BB咁快坐學行車不太好 ~ 但一仔姨媽話記得一仔大姨都係好細細個時便坐，還要好勁咁，由客廳高速剷到去廚房，最後要欄住廚房!

一仔媽亦覺得一仔企得好了，係成隻腳板點地下，不會只用腳趾。