煲粥 (5) - 南瓜肉碎粥

Day 217 ~ 七個半月大的一仔,mama终於煲南瓜粥比佢食,好彩食了兩天都ok,一仔不会对南瓜敏感,mama才安心.

買材料大鄉里的一仔媽 ,一直以为南瓜形狀就只有萬聖節出現的圓形南瓜!
幸好剛巧今次一仔爸陪一仔媽去街市,才知道有長形的南瓜!

買了＄1.7,但一仔每天只会食1/3,最多只可連續食兩天（睇網上其他mama話,食太多条脷会黃,因維他命A太多亦不好,红籮蔔亦只可食兩天）.

第二天份量先放入雪柜普通格,当天份量洗净,用刨刨成碎.

豬肉 ~ 買柳梅＄8一天的份量（＄15係兩天的份量）.

第二天的份量先放入雪柜普通格.当天的份量洗淨后,用搅拌机搅到很碎,加凍滾水搅成糊狀 ~ 依張相的水不夠，下次要再加多D水（千萬不能用熱滾水,会变成一粒粒,7個月大的無牙一仔依然呑唔到 ~ 多謝媽媽同事湘姐提點）.

煮法
米用熱水預先浸定兩小時,或睡前开始浸.

浸好的米,加少少熱滚水,一起中火煲滾后,慢慢加入糊狀的柳梅,快快用湯匙將柳梅搅开,不要讓柳梅又变成一粒粒,滾后轉慢火,10-15分鍾后加入南瓜碎,再煲多10分鍾.

其間加兩三次少少熱滚水,一来怕粥太杰,,二来怕不夠兩碗的份量.

粥一煲好后,即分一半放入暖壺里,5小時后可直接给一仔食第二餐.

依個碗的份量，一仔一餐食一碗，一日食兩餐 12pm / 5pm

不計浸米時間，煲粥時間用了約30分鍾。

P.S. 萬一柳梅一粒粒,也不怕,一边餵BB食粥時,一边用匙背將粒粒壓向碗內边,将粒粒再壓碎壓开.