七個月大的一仔

早上起床，會聽到一仔er er er 同印印講野; 有時同 papa 玩，一仔會玩到大叫。

************************************
開始有怕跌的意識!
抱住他時有時隻手仔會捉住你件衫領，怕跌？

坐係度時，亦會捉住扶手，又怕跌? ************************************
 —仔識轉身，識爬，但就未識坐直，一仔媽有D擔心，但都要順其自然!
************************************喜歡睇雅倍奶奶廣告，果個"邊個大D....非常好、Excellent";

另一雅倍保兒加營素廣告， "媽咪，遲D我會高過你";

電視劇 "愛回家"的歌;

及義勇進行軍的廣告;

如果一仔玩緊，都會即刻定晒係到睇或聽;

************************************

喜歡玩及咬搖控制，當一仔要咬時，就會stop 佢;

************************************依一個月換片時，成日斟茶比一仔媽; 仍然用緊 Pampers 特級棉幼的中碼

***********************************掃風 : 以前由下向上掃，現在只輕輕拍背，每次一仔都好快又大聲 ur ur。

*******************************

放他落BB床時，他識得拉床角狗屋條繩播音樂 ~ 係印印有一天在廚房煮煮下粥時聽到音樂聲發現的。

********************************

比一仔開始坐學行車

*******************************

蛋蛋和JJ : 雖明顯比BB時細了，但有時又大番，papa話蛋蛋係會隨溫度變大變細的。

*******************************

開奶的手法 :

一仔媽一開始就跟陪月姨姨的開奶手法 ~ 將樽奶放在左右兩手中間，靠兩手掌前后搖動將奶搖均，但一仔媽發現每次一仔的奶差不多飲完時，仍有一細舊奶粉在奶樽內，印印及一仔爸開的奶依個情況就較少發生。

但依個月一仔媽亦發現印印開奶的手法不同了，改為好似那些酒保咁 ~ 用一隻手只將奶樽向同一個方向搖，當然沒有酒保搖得那麼快，不然奶會有好多氣。

依個新方法係好好多 ~ 少了一舊舊奶粉在奶樽內。

**********************************

瞓覺 pattern/ 時間 :

PaPa返夜班，mama就可同一仔瞓，一仔一晚會醒幾次，比番個攬枕他攬住 及奶咀啜番，拍下他pat pat ，他可以繼續瞓番，瞓瞓下會將奶咀吐番出來;

曾在那裡睇過，六個月大的BB每天要瞓10多個鍾，但一仔呢…唉!

每天放工回家一仔媽都會問印印一仔瞓了幾多個鍾? 印印會話一仔早上孭住都唔瞓，要下午一、兩點瞓到三、四點左右。

但星期日一仔媽自己湊番一仔時，間斷加埋早上都可瞓到1-1.5小時 ~ 所以一仔媽好想做全職媽媽，那一仔可以瞓多些。

好彩現在一仔還未有黑眼圈(一仔的表姐BB時已有黑眼圈了，一仔爸話可能係表姐既媽咪大肚時夜瞓!)

以前一仔8:30 – 8:45pm要飲奶后瞓覺，果時一仔媽要限時限刻要泵人奶，所以往往9-9:15pm要將一仔交給印印接手，到一仔媽泵完奶、沖完涼10-10:30pm先可接番一仔繼續孭他瞓，到11:15pm 時放番他落BB床，等印印11:30pm 睇完J2台剛好可看住他，因他會瞓瞓下又醒。

現在一仔媽收緊人奶，一仔又提早了8:15-8:30pm飲奶，飲完奶后，一仔媽現在可以孭一仔孭到他瞓了，9:15pm才去沖涼，之後10:00pm又接番一仔，11pm時再幫他換片。

一仔瞓到第二天七點起床。

************************************

癡人 vs 陌生人

一仔開始會怕"陌生"，無見姨丈、姨媽一星期，再見時都未抱，只在旁邊同一仔講野，一仔都會喊，要一起一陣見耐了 ~ mama一邊抱住一仔，一邊和姨媽講野，一仔才不會喊后，才可交姨媽抱;
 一仔媽起初好擔心返了工后，照顧一仔時間少了，一仔只會"痴"印印，所以每天放工回到家，一仔媽都會抱一抱一仔，然后食飯。

一仔爸返工返shift，回家后都會同一仔玩，特別星期六、日，兩父子最愛睇 K-pop，一仔一邊睇一邊un un腳，睇到手舞足蹈!

所以，一仔都會癡 papa mama，見到我倆都會笑笑，papa mama 才放心!

************************************

飲水50ml 左右一天，自己揸住飲，尤其是食完粥要飲水。

原本Combi學習杯一號咀一仔用了都唔飲，可能不識啜？

要用番奶樽加扶手才肯飲。
但六個月中大時，mama轉用了Combi學習杯咀2號(原來2號要買2件散件才可用)，—仔就可每次飲30-50ml。
起初都會濁一、兩聲，但健康院DVD話正常。

************************************
 換了安撫奶咀:

由於埋身餵人奶，所以奶樽、安撫奶咀起初都用Nuk的，點知Nuk的安撫奶咀係貼臉設計，可能一仔食奶咀又耐，每次食完咀邊都會紅晒，要搽lotion退紅;

mama見到安撫奶咀6個月要換，所以轉買Advent孖裝的;頭兩天一仔好似唔慣食新奶咀，但之后都oK，食完咀邊都不會紅了，食的時間、及次數好似都少了添!

************************************
粥 : 一日兩餐，每餐食一整碗; 10-11點多煲好的粥，即刻分一半放入新買的保溫壺內保溫，4、5點時再給一仔食時溫度剛剛好

********************************

飲奶實況 : 一日兩餐

一仔飲奶乖了，不再像早陣子飲8:30pm餐奶時，飲了大半就唔飲，或要轉頭再飲先飲得晒。

一早7am起床即要飲奶，遲了餵都喊，所以會先飲奶，過5-15分鍾才換片。

五個月大時飲150ml，一踏入第六個月大，就由150ml 改為 180ml 再改為 210ml，依個改變都係一星期內的事。

以前150ml 正常 10-15分鐘內飲晒，現在210ml要15 – 25分鍾。

最近一星期一仔媽幫一仔由1號(0 – 6m) 轉為 2號 (6 – 24mo)奶咀飲奶，ok喎，唔怕會濁親。

一仔BB時，一仔媽已留意到他飲奶時左邊D腳趾會曲起，特別係腳趾公，好似好enjoy咁飲奶，到現在7個月大，依個小動作依然沒改變，現在還會交叉對腳飲奶，成個大爺咁!

一仔最初好奇時都會乖乖雙手揸住樽奶自己飲，現在他很懶了 ~ 我想要再過陣子吧。