一仔媽收奶 + 手腕痛

一仔媽由—開始已經少奶，差不多要返工前開始用手泵到30ml，到高峰120ml只試過幾次，都可維持到給一仔每天用奶樽餵一次人奶，有時兩次添，再加一次埋身餵人奶。
 
到七月底時，人奶跌了很多，特別左邊跌到只得20ml，變了只可隔日用奶樽餵人奶一次. 早上5點多埋身餵一仔時，唔夠人奶,一仔都ee叫，好彩每次mama輕輕拍他背脊，他又接受。

一仔媽回想，好似有一次不經意食了雲耳蒸雞的雲耳，所以人奶突然跌了那麼多？還是一仔媽又不夠瞓？飲湯水不夠？

25/8(六)決定開始收奶，網上找了些資料，但都有些不明白，最后又再請教JL ~ 她是一仔姨媽公司的同事，有兩個小孩,都是餵人奶，我和她雖未見過面，但有了whatsapp這個偉大的發明，我隨時可問JL，圖文並茂，她真的幫了我這個緊張新手媽媽好多，萬分感激!

今次JL教我慢慢收奶，痛就泵少少，唔好泵到盡，一日泵四次變一日三次再變一日兩次，然後一日一次跟住忍多幾日就好了！
 
所以，25/8(六)，早上六點印印抱一仔敲房門要飲奶奶時，一仔媽不再埋身埋人奶，改開奶粉60ml，飲完后一仔e幾聲后都接受 ~ 但—仔媽卻突然覺得好失落，無得再埋身餵一仔人奶，再見他啜人奶的可愛样子(那和飲奶樽的樣子很不同的)，唔知一仔會否奇怪mama為什么不再餵他人奶呢？

到9月第二個星期,只有幾滴人奶了,一仔媽不需再戒口了,乳鸽／小白菜都可以照食了。

手腕痛 起初一仔媽以为係抱一仔多及餵奶,才会兩隻手手腕痛,我問JL,她都有,她話係因为人手泵人奶之故,起初一仔媽觉得不对,因一仔媽每天只泵兩三次人奶,每次不过30分鍾,但之后一仔媽留意自己泵奶的手勢,認为JL講的是对的!

一仔媽已經停泵奶兩星期了,仍然有手腕痛,可能一仔媽懶了,不再像之前天天捽〞嶺南萬应止痛膏〞. 有時郁某D角度,手腕好似扭到咁痛或有D移位添,要用另一隻扭番正個位,所以,一仔媽要Kkeep番每天捽藥膏,希望遲D手腕痛会改善.