N班開學 Week 5 + 第一次見家長 + 31個月大的成長報告

<2yr7mo>

上星期四及五一仔請病假無返學，星期六、日為了慶祝中秋，連續出街玩了兩天，今個week星期一返了一天學，星期二放中秋節假又出去玩。。。一仔爸這個星期放大假，多數是他接送一仔返學放學，星期一、三、四、五，一仔打回原形，返學時大喊，不對，應該係話連一仔媽換衫準備返工時，一仔已經開始扭計，到媽媽出門口返工時，一仔喊到好悽涼，但仍會一手掹住門邊，一邊同一仔媽講bye bye。

一仔媽去到巴士站，透過手提電話睇web cam，会見到一仔係屋企仍喊緊，真係睇到一仔媽好心酸好心酸T_T  T_T  T_T

一仔，希望這個分離焦慮症，你会好快又捱过去！？


第一次見家長
今個星期五一仔爸接一仔放學時，班主任特别同一仔爸講了一仔由開學到現在的情況。

班主任話一仔起初都唔慣和同學仔搭膊頭排隊去廁所，要幾天才習慣。

一仔唔肯食茶點，唔會自己用杯飲水，要班主任餵飲。

班主任亦留意到一仔有language delay，她話一仔這個歲數的小朋友，應該會講好多叠字，但一仔好少講。

一仔雖識講26個英文字母，但唔算數（其实一仔還會講不同colors、one to ten 等）

聽指令方面，一時時識，有時可能係一仔習慣了，而跟住去做，例如和同學仔搭膊頭去廁所。

班主任又同一仔爸講唔知点解依兩天一仔唔肯放低書包，成日孭係身前。。。一仔媽我就知点解>一仔想隨時逃走，到時唔怕会留低個書包麻！

聽完班主任對一仔的評估後，一仔媽腦海中即時記起曾在facebook睇過一篇文章，講一個台湾媽媽每次家长會完结後，没有將老師的評語直接對小孩講，反而講些鼓勵的説話，令小孩对自己有自信，一年復一年，小孩最后都完成了大學。。。

今天，一仔媽终於深深明白到這篇文章的用意，亦用另一個角度去睇。。。


進步
一仔，媽媽覺得你返学了五個星期，有很大的進步。

由當初返學的大喊，到后來無乜喊，到現在又喊番，相信只是短暫的。

由不願換校服、穿返學鞋，到现在願意合作換、合作穿，連去街不再只肯穿姨媽的日本波鞋，肯穿其他鞋了。

由不願孭書包，到肯在家已孭書包。

跟口水尾講野多了，由開學到现在，講多了”嫲嫲、抱抱、爺爺、婆婆、e_媽、 姑_媽、痾殊、痾臭、twelve、eighteen、nineteen、早抖、唔該晒、水、書包等。

回家更like跟住youtube的 'Head, shoulders, knees, toes'首歌做動作。

睇了幾天，今天亦跟住這首學動物叫声的唱歌。

放學時見到一仔爸在班房門口，一仔仍坐定定，直到班主任叫，一仔才起身，行了幾步，班主任話张凳未放番好，一仔会返轉頭放番好張凳，才行去門边”拍卡”，若老師話未拍到，一仔会拍多一次張卡。

每晚，一仔媽会拎一仔書包里的課本出來查看，一仔亦会主動拎d課本掀呀掀，睇呀睇，不像以前掀兩下就走开了呢。

所以，为了獎勵一仔的進步及兩歲半生日，一仔爸媽送了礼物给一仔。

一仔，继续加油，爸媽会一直陪住你！



31個月大的成長報告
依排超忙，順便講一講一仔的成長報告，因没時間另外寫了。

飲食 + 睡眠

7:15am  麥皮 + 180ml 奶粉>>這幾天早上一仔想用奶樽飲奶，一仔媽話唔可以，要用鴨咀杯，晚上才可用奶樽，好彩一仔最后都肯用杯飲。

8:00am   生果 >> 依個月可能一仔出大牙，下排左面最后果隻，一仔不再食他一直喜歡的蘋果了，好彩仍肯食啤梨和水間梨
8:30am     換衫返學
9am - 11:45am     上午班
12:05pm   屋企食午飯
1:30pm   沖涼
1:45 - 5:00pm    小睡
5:00pm     小食 (通心粉、麵)

8pm       白飯 >>大概上個月开始，一仔唔肯食餸
8:30pm         補奶 60 - 120ml
9:30pm         Good night