N班開學 Week 4 + 扁桃缐發炎/發燒

<2yr6mo>

Wk 4 第一天

爸爸接送一仔返學放學。

返學時，班主任話一仔其實入到課室后，通常喊到10點半食完茶點后，先開開心心周圍走、周圍玩。

班主任話一仔係學校都有話驚驚，班主任問一仔係未夜瞓、唔夠瞓返學才咁呢? 

當然唔係啦，每晚我地九點半就上床，一仔最快10分鍾瞓，最遲十點半都瞓了呢!

那點解一仔成日會話驚呢?

班主任話一仔成日會講"依個、依個"，問一仔爸點解? 

一仔爸答一仔只是話"依到"，依個答案當然錯啦，一仔係未識表達，所以樣樣東西都話""依個、依個"!

放學時，班主任話一仔今天玩拋圈好叻，影了好多張相，唔知幾時有得睇呢？

一仔，但你無玩過拋圈，點解老師會讚你叻既？莫非你在屋企周圍”扔”玩具時訓練出來的？
.
.
.


Wk4 第二天
食完早餐，一仔已拎住個書包想同媽媽一起出門口，但一仔呀，媽媽要獨自去返工，你稍后才出門口返學呀!

今早爸爸送返學，入到學校后，一仔自己行去課室，入到課室即刻拎玩具玩，班主任叫一仔同爸爸講bye bye，一仔有揮手bye bye，但都無望爸爸呢！

早兩個月開始，媽媽忍住手唔再買玩具比一仔，連三輛車都唔買(屋企亦無地方放)，就係想一仔覺得學校比屋企多玩具玩，多一樣令一仔返學的誘因，似乎依招work了。

但放學，屋企兩部用了都未夠兩年的”美的”風扇壞了，一仔爸要去買新風扇（今次貴d都要買KDK），所以由工人姐姐接一仔放學。

食完午飯，一仔幫手傳零件给一仔爸安裝，一仔又幫手掃地下。


Wk4 第三天
今晚一仔好咳又發微燒38度左加，食了退燒药只係退少少。


Wk4 第四天 - 第七天
有發燒，當然唔可以返學。

今早睇完医生，医生話扁桃缐發炎，會燒一日左右，會食住退燒藥都唔會退，亦可能会發高燒，又會传傳染比同學仔，所以依個星期都唔駛再返學了。

今次係睇屋企附近商場既胡医生，医生聽肺，一仔肯合作，但用支棒要一仔開口睇喉嚨時，一仔唔肯。

胡医生改摸頸兩邊有無腫而去判定有無喉嚨发炎，更去肯定個病情！

餵一仔食藥，起碼要兩個人夾住佢，所以一仔媽都要向公司請假。

好彩一仔只識bur口水，仍未学識嘔。

有時為了避開餵一仔飲藥水，曾試過早晚各溝入120ml奶里，一仔每次飲了幾啖唔飲，但好彩最后都飲。

但今次又有鼻水药、退燒药、抗生素，要分開3支针筒餵了。

晚上退了燒，但仍有咳及鼻涕。

由第一晚發燒，一仔自己拎麻枕頭去了窗邊瞓，之后每晚都係咁，沒有一仔再瞓在旁邊，一仔媽有d唔慣呢!

一仔可能想學爸爸瞓窗邊卦，之前一仔都會拉麻媽媽陪佢瞓窗邊，但依姆天都無拉。

好彩瞓到半夜，一仔通常會主動瞓番中間，即媽媽旁邊。

去到星期日，一仔可能已習慣了比我地夾住餵食藥，開始無咁抗拒食藥了。

而到了 Wk5 第一天，一仔好番八八九九，可以返學了。