依個星期要跟正常schedule 返學，即9am - 12pm，多數工人姐姐接送返學放學。
Hannah B 媽講得啱，小朋友病，大人都會病，一仔病完后，到一仔媽病了，所以對依個星期一仔返學的情況記得有d零碎。
星期一晚，還記得爸爸話覺得一仔返學后，好似開心左，因一仔回家后都講野多左。
星期二，一仔爸送返學，老師話一仔有喊少少，在課室里周圍走又擒課室里的矮柜。
星期三開始，一仔有時話驚，尤其是在媽媽返工前話驚，要攬住媽媽，之后8am食最喜歡的蘋果的時間，連續兩天一仔都唔肯食。
一仔晏覺及夜晚，又瞓得唔好，有時瞓覺發夢又話bye，又多了講驚驚，所以依兩天(星期四、五)朝早飲奶都加了保嬰丹，希望幫一仔定下驚。
爸爸話會否跟七月十四有關？但睇番月曆，剛好農曆八月了！
bb妹媽提議試下七星茶？
回家睇，有七星茶呀，但剛過了期十天，爸爸話照試下啦，又見第一次飲，不知會否敏感，所以晚上60ml奶只加了细半包飲。
第二天是星期六，早上改食水晶梨，一仔肯食，上午瞓覺，工人姐姐話ok。
星期六唔駛返學，早上一仔見媽媽同爸爸一起出門口時，一仔連忙入房
依個星期最大的轉變就係一仔返學，由最初唔肯孭書包，到今天見爸媽出門口就肯孭書包，可能在一仔心中，已知孭書包就代表可以出街，但媽媽我見到，心有些酸呢，因明白一仔有多渴望可跟爸媽一起出門口，但媽媽平日要返工，只有星期六或日才可以同佢去街玩!
星期六日晚，媽媽拎一仔返學的書本出來 (因有功課要做了，但係比家長做，填父母對小朋友有什麼祝願、喜歡什麼等)，一仔都會睇下，尤其那頁有幾個同學仔搭住膊頭去洗手間，而且居然聽到一仔講"痾殊"呢!
一仔，希望返了學后，你會多了睇書啦!
依個星期，媽媽都好留意一仔返學放學既時間，然後透過手提電話接駁到web cam睇一仔係屋企返學放學既情況，每次睇，個心都有些感動。
返學時，睇到一仔換完衫后，都會乖乖坐定定比工人姐姐同佢穿襪穿鞋返學，其中星期二，媽媽預先叫工人姐姐整估一仔，專登唔好拎書包，到臨出門口前才問一仔書包呢?
點知一仔入房係拎去街的背袋!
到星期尾，一仔終於肯拎書包，孭住個書包出門口返學了!
放學呢，當工人姐姐幫一仔除了鞋襪后，一仔會乖乖跟工人姐姐去廁所洗手，然后自已坐係 low chair上等食午飯，食完飯，大概抖一個鍾，才去沖涼瞓晏覺。
有兩天爸爸在家等一仔放學，一仔一見到爸爸在屋企，都會好開心痴住爸爸。
但有一次爸爸要返工，無係屋企等一仔放學，由web cam中見到一仔入了屋后，就周圍望，um...佢應該係睇下爸爸會否在屋企呢!?
一仔爸媽你們好,
回覆刪除SeeWide特搜網是一個全新互動生活分享平台，集齊各地遊山玩水好去處及講玩、講食、講扮靚、講生活，讓大家分享不同的生活體驗。
你的網誌十分切合我們網站主題，內容及相片也很有質素，請問可否讓我們轉載網誌內的相片及內容？(會注明出處及不作改動)
我們的目的，是盡力網羅優質的相片及內容，建立一個包含豐富生活資訊的玩樂休閒分享平台，讓一眾志同道合的網友可更輕易獲得寶貴的參考資料。現階段，SeeWide 已擁有超過十萬篇生活攻略，瀏覽量亦超過數十萬。
希望你能成為我們平台的一份子，助我們更有效地集結各樣不同的好玩好食生活資訊！
另外，我們亦設有「稿費」制度，透過發表文章所累積的本地瀏覽量，即可兌換稿費！
而我們亦可以你的名義，將稿費捐到香港宣明會，或你指定的慈善機構
詳情可參閱：http://www.seewide.com/space.php?do=help&essay_id=22#001
如有任何查詢, 歡迎電郵至: info@seewide.com
一仔好叻呀，識得話拎書包仔 ^^
回覆刪除巨龍媽，我無写一仔識講呀，如果一仔識講，我会破戒食辛辣麵>haha 一啖咁多:P
刪除一仔慢慢有進步啦,加油呀!
回覆刪除返學後, 會學到更多!
Yoko, 多謝!
刪除我地相信一仔遲些都會喜歡返學的，因比屋企多野玩!
深信一仔慢慢會有進步，媽媽和一仔都要加油喔 ~
回覆刪除知道，多謝小高!
刪除一仔正在努力適應中，表現唔錯呀！
回覆刪除多謝c琪!
刪除係呀，一仔既表現比我想像中已很好了!
一仔適應得好快呀，我唸初期話驚驚只係過渡期，我間學校派啲資料都話學生返學初期可能會冇胃口，瞓得差同發惡夢呢！
回覆刪除一仔似乎好期待返到屋企見到一仔爸媽，睇見到有啲心酸，不過一仔一定好快適應到架
依兩天我返工，一仔又自己去拎出街背袋，轉身同工人姐姐講bye,然后想跟我一起出門口-_-||
刪除哈哈，一仔好可愛呀，佢係咪襯亂唸住博大霧唔返學 XD
刪除一仔適應緊呢，返學正正培養小朋友平曰學習，weekend可以去玩既常規，明白一仔媽既心酸，不過一仔進步中，由拎出街背包變為拎書包真係好有進步！睇住佢地返學，我地做mama既就多一份感慨！
回覆刪除係呀，真係有好多感慨。。。
刪除