靈隱寺@大嶼山

<2yr6mo>

一仔嫲嫲每年都会去靈隱寺拜佛，上年一仔爸認承了今年帶麻一仔去，好彩天公造美，無落雨，但一仔爸事后話寧願落下雨，因当天超熱呀，但我就話落雨去街，又拎住一袋二袋才麻煩！

九点半鐘开壇，嫲嫲話希望八点幾到，一仔爸又話大嶼山巴士好耐才有一班車，又怕撞着上班人潮撘車.....最后唔知醒，四点七扎醒左，好彩大部份野前一晚已準備好，但比人摷醒換片換衫的一仔就大喊，直到出門時才收声，幸好趕到預期5点出門去接嫲嫲及小表姐，六点到東涌，但商場餐廳未開，直到六点半才揾到已開門的大家樂。

貪方便，只帶了奶比一仔飲，當早餐。

第一次搭巴士，一仔好乖的，無扭计。

落了車，大约行5分鐘。

到了寺廟，一仔唔肯坐定定，走來走去，直到11点去食齋，一仔才乖乖坐係媽媽大脾上，由媽媽用筷子一啖一啖咁餵，足足食了兩碗白飯，唔肯食其他餸。

再搭巴士去大澳，5分鐘車程，但無位，一仔都肯乖乖獨自緊握扶手企係到，無扭计。

大澳有得搭船出海睇海豚，但一仔爸話坐船不安全，所以最后都無搭船。

小表姐買了大澳的大魚旦食，但揾唔到砵仔糕。

一仔當然痴飲洛神花茶(但同事話原來好"涼"，不太適合小朋友飲)、凍飲。

上番巴士搭去東涌時，一仔终於瞓着了。

但由東涌再坐車番屋企，一仔無瞓番！