淘寶~ 退貨麻煩

替老公在淘寶商店買了一隻藍牙耳機手環，收貨時已覺有問題，因正常會有一張透明膠紙貼在手環顯示屏上，但没有此貼紙，又有幾個手指印。

老公在set 藍牙耳機時，起初它有顯示'同步'的字眼，但實際卻顯示不到'來電人名'、步速等。

當藍牙距離手機一米遠時，亦會斷線，店家話會代問廠家有什麼方法解決，卻没有下文！

最後唯有説是壞的，要求退貨，店家很爽快提供退貨詳情，但原來要退貨'返上去'，很麻煩！

1）奇怪店家話不接受用順x退貨，但當初是用順x送來HK呀。

於是上網找有無其他快遞公司可送貨'返上去'？结果係'無'！

另一間次熱的快遞'4xx'，原來門市都是只接受'取件'服務，没有'寄件'服務。

於是同店家講，店家又話可以接受順x了，真是莫名其妙，累我找了一大輪先！

2. 去到順x門市，職員話店家提供的只是'店子名'及'住宅地址'，一定要提供'公司全名'及'商厦的地址'。

若用個人名義收件，只有'收件人人名'及'住宅地址'，到清關時，海關需要收件人再提供身份証副本。

原已要報商品售價最少250元，若用個人名義收件，再要附上購買的收據，因海關可能要我邀交商品税，是商品價的3乘。

問了又問，店家才肯提供公司全名，但"仍説"店子收貨地址是可以收貨的，要待我再'講明'若送貨時發現地址不是商廈地址會有什麼麻煩後，店家才認不能提供商厦地址，及最後店家嫌麻煩，主動提出不用我退貨了，他直接退款給我，但只能退回貨價的一半。

既然退貨咁麻煩，當然寧願接受退款啦，退一半都好過完全没得退！

第2次踩單車

<4yr4mo>

上年試過帶一仔來踩單車，但一仔很抗拒，估唔到前排和一仔行AEON，一仔居然叫買單車，但一仔識踩嗎？

终於攝到今天去'試車'，租單車店鋪的老闆幾識做街坊生意，小童單車租一小時$30，租一天$100，可以先租一小時，若過了4小時才會自動變為租全日！

而我們呢，都不知一仔是否真的肯踩，可以先租一小時，當然好啦。

最後，因落雨去避雨，我們過了一小時才還車，店鋪職員居然主動話只過了少少，都係收一小時的租金而已，今時今日咁好既服服，當然值得讚啦！

最初一仔雙腳好似狗仔學游水咁上下踩，而上下踩居然亦令到單車向前郁，一仔媽和小表姐都感到好驚訝。

最後經一仔爸指導後，一仔才學識雙脚踩住脚踏，要不斷向前'踩一個圈'。

期間，一仔炒了幾次車，好彩無受傷，一仔亦無話怕跌而唔玩，懦子可教。

沿單車徑踩，途中見到一個遊樂埸，於是便休息下又買些飲品飲，一仔和小表姐乘機在遊樂埸玩下。

玩玩下，突然落雨，好彩有個有簷蓬的大涼亭可避雨，大约落了十分鐘，趁雨一停，我們連忙去還車。

四歲第二次驗眼@理工大學 ~ 遠視+散光+外斜視

<4yr4mo>

因足4歲，預約了3月第一次去健康院驗眼，視光師話一仔左眼有少許内斜視，其他無問題，可以等升小一前仍有斜視問題才返去健康院跟進。

但因一仔媽自已有深遠視 + 弱視，而一仔平時又會玩手提電話、ipad、電腦，於是聽其他同學媽咪提議，替一仔約期去理工大學的眼科視光學疹所(此疹所提供的服務及收費，詳情可參考此連結，尤其其中的"眼睛健康資訊廊"資料好詳細，值得一看)再驗。

原本新症要排九個月，好彩有高人同學媽咪指點，排到今日去見實習視光師（只需$200），實習視光師check完，註册視光師會再重點check一次（若直接约註册視光師驗，要$600），要帶出世纸副本登記。

一仔起初見到女實習視光師，很怕醜，一仔媽話一仔要時間warm up，入到房，實習視光師用一個人手穿珠仔的蘋果氹一仔，一仔好快就warm up完....

原本要驗一小時，起初一仔都合作，後來只間中合作(可能一仔覺得悶....)，所以最後差不多用了1小時30-45分鐘。

首先，實習視光師問一仔為什麼來驗眼、回答問卷上的身體健康問題、有無捽眼習慣、經常用電子產品等問題。

問完，先驗望遠，一間房的距離，房另一邊有一部電腦，會顯示一行行不同呎寸的英文字，由最大呎寸至最少呎寸，每次只顯示其中一行。

一仔坐在房另一邊的凳上，原本要一仔講出實習視光師所指住的英文字，但一仔多數講了旁邊的英文字，所以一仔媽素性提議要一仔講出全行的英文字。

同時要用一塊板遮住左眼驗右眼，讀晒後，遮右眼驗左眼。

驗完，戴上一副特别眼鏡，可插入一塊黑片於鏡框裹，遮住左眼驗右眼，讀晒後，黑片再遮右眼框驗左眼。

再驗望近，一張卡上有一行行英文字，由大呎寸至小呎寸，逐行要一仔讀出，但一仔媽已忘了有無遮眼驗！？應該是有遮的吧?

多數最尾1-2行，一仔話睇唔到，實習視光師很有耐性的會叫一仔再試下講出是什麼英文字。

跟住去了4部不同的儀器，都是"下爬"要放在托盤上、額頭要貼住前面、望住儀器裹鏡頭的圖案果款。

第一部儀器影眼球相。

另外三部，實習視光師話鏡頭裹的圖案係Ironman，才較容易吸引到一仔坐定定，但仍需一仔媽用手幫忙按住一仔的頭頂，免得他頭擰擰周圍望。

其中一部儀器會間中噴氣(一仔媽前幾天自己剛好亦去了已和理工大學脫離聯系的 PolyVision，亦用過相同噴氣的儀器驗眼，所以知道"噴氣"是怎麼一回事)，一仔媽才可同一仔講是鏡頭中的Ironman 打乞池(因一仔有時鼻敏感會打兩三個乞池!)，一仔才唔驚。

之後，滴眼药水(隨後幾小時會令雙眼望野模糊，如看書不清楚，但不會影響行行走走)，待曈孔放大，再驗眼，亦有用特别電筒驗眼。

但一仔很怕滴眼药水，最後要實習視光師 + 註册視光師 + 一仔媽三個人一起出手，才成功滴到眼药水。

驗完後，由註册視光師講解今次驗眼的結果，驗到一仔有少許遠視+散光+外斜視18-20度（不是如健康院所驗到的内斜視）。

以一仔的歲數，有少許遠視是正常(詳情見下圖)。

18-20度的斜視，暫時可以試下做運動缎練眼部肌肉（若到30度是連做運動都幫不到，才需要做手術去矯正）。

之前曾影到一張一仔有斜視的相，給註册視光師看。

註册視光師說相中一仔的視線不是直望向前，而是望向右邊手上的香蕉，左眼顯得有內斜視是正常的，因註册視光師即時示範她看向右邊時，一仔媽見到註册視光師的左眼亦是內斜視。

散光 : 一仔媽居然忘了註册視光師怎樣講了?

另外，無驗到有否色盲? 一仔媽有朋友遲些帶小朋友去驗眼，已拜託她到時再問是4歲不用驗此測試定什麼?

捽眼 : 一仔間中都會，一仔媽又忘了問是否正常? 再拜託朋友下次去驗眼時亦問麻。

半年後要再返去檢查以上問題有否改善，疹所到時會提早一個月聯絡我們約期，覆疹見實習視光師收費依然是$200。

走時已是6點，仍有太陽，實習視光師話因一仔滴了眼药水，擔心陽光會另一仔雙眼不舒服，所以免費提供了一副"輕便"的太陽眼鏡給一仔戴上。

對於"新物件"要放在身上，一仔很抗拒，好彩出門時亦已替一仔帶了一副太陽眼鏡。

實習視光師亦提一仔媽要減少一仔用電子產品的時間，避免一仔由遠視變成近視。

除了太陽眼鏡，還提供了一小本"檢查記錄冊"，記錄今次驗眼的數據外，還簡短講解以下的資料:

以下資料由一仔媽的Polyvision 驗眼記錄卡提供

運動: 要一隻手揸住一件物件（如公仔），距離一隻手咁長，雙眼要keep住望住公仔，然後慢慢將公仔移至眼前打開的橫放手掌（大约6、7吋）遠，每日做十次。

另外，留意到疹所裹的電視話當天亦可打去問有無取消位可供攝位。

其實於星期二，一仔媽已收到手機msg提我們今天要檢查，所以，可以試下早二天前的下午打去問有無取消位可供攝位。

 

紅筧菜湯

以前一仔媽的祖母煮的筧菜湯，一仔媽好喜歡食及飲，好彩工人姐姐亦能煮到相同的味道。

1)洗好的筧菜(8元1斤)

2)中火熱穫加油，落蒜頭爆香後

3)加筧菜，兜幾兜

4)加1茶匙幼鹽、半茶匙糖、1茶匙雞粉，兜幾兜

5)加大約3碗水（正常飯碗size）

 6)待菜煮"淋"

 7)可上碟，(由開始煮到上碟，只需5分鐘)

言語治療 + Bubble Bear@到校計劃

<4yr3mo>

現在'到校計劃'有包括言語治療，最近一次上堂，Part 1 用工具書，工具書即書里的圖片可拉、可轉、可打開等，可吸引小朋友的注意力。

今次工具書里是一個有水池的公園，有不同人在公園里活動。ST Miss 問一仔這個、那個是邊個？一仔都答到是哥哥、姐姐等，甚至公園里有個水池，一仔都答到有個'哥哥游水'。

但要一仔答"邊到"很弱，經常只會答'依到'，如哥哥係水池游水，一仔只會答[哥哥係'依到'游水]。

所以，我地要加强幫一仔訓練答如[媽媽係'巴士到']，而不是答[媽媽係'依到']。

一仔對答'點解'的'原因'亦很弱，如哥哥食緊雪糕，唔可以玩sir滑梯，ST Miss問一仔點解哥哥唔玩sir滑梯?一仔只識講'因為'，之後卻答了其他野，可能他唔識答個原因？

Part 2 玩LEGO，首先一仔自己砌好架貨車先，然後要一仔跟住講['擺'牛奶'係貨車'到']，一仔會經常無講'牛奶'及'到'，要加强訓練。

又要講[推貨車'比'姑娘]，一仔會經常無講'比'，要加强訓練。

Part 3 睇圖片，要一仔講圖片中什麼人做什麼事，如講['姐姐推bb車']，之前一仔會無講主語'姐姐'，現在進步了，多數會講主語。


Part 4，吹泡泡，可幫助訓練口肌，ST Miss 用 Bubble Bear同一仔在課室里玩，一仔唔係好吹到泡泡，因一仔口型不對 - 要圓唇才可吹到泡泡及唔識運氣吹，ST Miss於是教一仔的口型是要先講'烏烏'，令到咀型較圓。

或者亦可用大姆指及食指幫一仔將個咀型整到圓型咁吹泡泡。

一仔唔識運氣，因一仔只會'呠、呠'咁'噴'一口氣，不是輕輕持續'吹'氣，ST Miss教我地先持續在一仔手背上吹氣，令一仔知道及感覺怎樣吹氣，及要持續吹，不是呠一下噴氣就可吹到泡泡。

ST Miss話一仔發音都清晰，好彩沒有遺傳了一仔媽發音有問題。

Bubble Bear支棒的圈夠大，適合一仔玩，ST Miss話當一仔識吹時，可改用其他款較细的吹泡圈。

多謝肚B媽提供以下的資料，才知Bubble Bear來頭不少呢!

網路上超夯的泡泡玩具！德國 Pustefix 魔力泡泡熊系列

唔識揸筆之謎

<4yr1mo>

前年（2014年9月開始）讀N班時，學校差不多天天都有'撕纸'的功課拎回家做，一仔都係撕得麻麻。

到K1上學期轉了第二間學校讀，間中有撕纸的功課，或者上堂時亦有撕紙的練習，記得曾見到有一個月的學習報告説一仔撕紙有待改善時，一仔媽才警覺要正視問題，連忙捉一仔去撕紙。

一撕，才認真發現一仔兩隻手的手指拎紙及撕纸的位置/方法不對，令他不易撕開張纸。

於是教他左手大姆指及食指要捉住張紙近住撕開的位置，另用右手大姆指及食指去撕。又示範畀一仔睇一仔媽點撕，又捉住一仔的手指放在正確位置上，成功又順利撕到後，一仔已捉到竅門可以自己撕纸了。

撕紙的問題解決了，另一個問題一直困擾一仔媽係 : 一仔唔識揸筆！

一仔現在的學校教用'tick tick手'揸筆，即大姆指和食指揸住d筆，第3、4、5隻手指負責頂住支筆後面，及學校建議用三角型臘筆做功課，但每次做功課，都要一仔媽提，一仔不太情願才肯用tick tick手揸筆。

以下學揸筆的圖是由肚B媽提供，好清楚又簡單教點揸筆! (補充於2016.4.22)

非常感恩一仔入到'到校計劃'，三月初一仔终於可以去上第一堂OT，OT陳sir發現一仔原來平時多數只用大姆指和中指，但揸筆要用大姆指和食指，而一仔的食指因少用，唔夠力！

要訓練食指用力，陳sir建議有兩個方法：

1）要一仔開始用學習筷子食飯。

      一仔有些抗拒用筷子，但現在每晚都會一仔用筷子食十啖。

2)  用剪刀剪紙，練習手指力，提議用A4紙，因夠薄，容易剪開。

先在張紙上用間尺畫了一條條直線，讓一仔沿住條直線剪，其間要教一仔拎住張紙及拎剪刀的手勢。

四歲驗眼@健康院 ~ 斜視

<4yr>

一仔四歲了，要生日那天才可致電健康院自動語音系统約期驗眼，因一仔媽請假不方便，今次由一仔爸带一仔去健康院驗眼。

健康院有網上資料介紹這次驗眼的服務包括了什麼 - 

學前兒童視力普查

一仔爸話健康院好多人，多人到無位坐，但好彩好快輪到一仔。

先驗雙眼，再輪住驗左眼及右眼單一隻看，一仔讀到全部英文字，但唔知点解視光師話一仔左眼可能有些斜视，提議請學校老師幇忙留意，若有問題，上小學前要再通知健康院去跟進。

另在網上揾到這篇教怎樣留意小朋友有斜視，一仔有時都捽眼，但係係捽右眼多，不是左眼。


2016.3.15 跟進
問一仔爸覺唔覺一仔有斜視，一仔爸話未發現。

於是whatsapp問一仔班主任，兩位班主任回覆相同: 發現平時與一仔面對面談話 或 一仔望住物件時，有時他的左眼珠有少少向左耳朵那邊向外傾斜，但不明顯的。

一仔媽望一仔，一仔會怕醜，轉身唔畀望，所以將班主任發現的方法話畀一仔爸知，一仔爸才有相同的發現，而且見到一仔爸同一仔講野時，一仔爸叫一仔望住自己（一仔爸）個鼻講。

問一仔爸點解這麼做？他才説健康院視光師解釋可能因肌肉緊，扯了眼珠去另一邊，如果小學前仍有斜視的情況，除了要返健康院跟進，亦可以同小朋友講野時，請小朋友望住你個鼻，幫他'扯'番眼珠去中間。

哎，一仔媽即話一仔爸當初講些又不講些，真係！


2016.3.23 補充
若在雅虎找"斜視"，找到很少的資料，原來去"BK"找，資料多些

1)成年人斜視手術，給有斜視小孩的家長
2)終於放下心頭大石，斜視手術
3)幼童斜視
4)阿仔斜視，有冇眼科醫生介紹
5)【健康一家人】斜視眼長大就會好？家長勿掉以輕心
6)四歲驗眼，斜視
7)[視障] 斜視眼問題


阿仔斜視, 有冇眼科医生介紹?幼童斜視[