影証件相 + 申請回鄉証(上)

<1yr10mo>

同一仔嫲嫲講了，一仔今年可以跟大家返中山鄉下拜太公山。

但一仔爸媽卻忘了要一仔坐定定影张相都好難，那点影証件相呀？

去了三間影相鋪問。

第一間快圖美，在公司附近，lunch時去，有時好多人在幫襯。

剛巧見有個洋媽媽扶住個洋妹仔影緊相。

職員話只可咁扶住小朋友影相，如果可以的話，最好要遮埋扶住既一對手 >> 難上加難!

第二間，屋企附近商場，職員好好咁提醒話影回鄉証相好嚴格，"開了口"都唔合格，雙眼要望前面，如果係咁，提議去辦証處影即影即有。

回鄉証相片的要求

第三間快圖美，同一個屋企附近商場，原見公司果間咁既回覆，都無打算係依間影，但買野時，見到兩個男職員服務態度好好，於是一仔媽多口問下，估唔到其中一個男職員答 : "咁用多少少時間，再影多幾張試下!"，另一個男職員亦附和，即時比了好大信心給一仔媽，即刻致電回家問一仔爸帶一仔來試影好唔好?

實際影相時，比了兩張椅子給一仔媽，椅子各一高一低，一仔媽側身坐在高椅子上，腳踏上低椅子，雙手扶住一仔坐在一仔媽大腿上，一仔爸開著了手機的youtube 播放，伸長隻手將手機吊在男職員的相機上。

一仔都唔多合作，影了5分鐘，勉強影了10多張相，其中6張ok。

第一張開了口仔少許，怕唔合附規格，out了。
第二張扁了咀，好可愛，但應該唔合附規格，out了。
第三張嚴重高低膊頭，out了。
第四、五、六張要了，但原來都有少少高低膊，每張$10入埋一隻CD里，方便將來番晒。

Photo 3 依張穿崩位好大呢!

快圖美還可以免費將張相送去中旅社檢測是否合格。

另怕相會唔合格，請職員唔好刪除相機里的檔案住。

由於當時已是下午5點多，中旅社已close，第二朝早先可送，如11am無收到電話，即pass，可以回去店子取相。

如果唔pass，職員會再用另外的檔案試。

好彩第一張已pass!

去申請回鄉証時，要拎麻依張"檢測回執"去便可(不然，張相要放入CD里帶麻去申請)!

預約了星期日下午2-3點去觀塘果間的中旅社申請回鄉証，去到無嘜人，但卻辦証失敗了，因為原來要申請了 回港証 或 特區護照 + 身份証，先可申請回鄉証。

唉，申請前，一仔媽當然有打電話去中旅社問，因唔係好睇得明要帶什麼去申請?

奈何打了多次電話，每次去到等人接聽電話時，次次都等到斷線都無人接聽電話!

申請失敗，唯有改去郵輪碼頭公園，但無嘜野睇，只行了一個圈。

現在，改要申請特区護照 +  身份証先！