鹹酸菜胡椒豬肚湯

很喜歡飲"胡椒豬肚湯" 及 "燒酒豬手湯"。

猶記得20xx年時，一仔媽的祖母突然記起原來年輕時曾煲過依兩款湯，依一年冬天，祖母教識了第一個工人姐姐煲，飲了幾次后，一仔媽覺得鼻敏感減少之余，連傷風感冒都少了，可能一仔媽平時係手凍腳凍之人，飲依兩款湯可以保暖。

於是，第二年的冬天，又叫工人姐姐煲，第三年，已做了四年的工人姐姐因太掛住印尼既屋企人，要辭工了，但臨走前，一仔媽請她將煲湯的方法教給第二個工人姐姐(此時80多歲的祖母已中了風，亦患了腦退化，無可能再入廚房了)。

好彩第二個工人姐姐都學到，之后祖母雲遊天國，在第二個工人姐姐返印尼前，亦請她示範一次點樣洗豬肚及煲，幾年過去，一仔媽去年12月冬天終於的起心肝教新工人姐姐煲。

唔識煮餸的一仔媽當然無可能幾年前睇過工人姐姐煲過一次后，現在就識煲，所以一定要上網揾資料先。

最難一個step係擔心怕洗豬肚洗得唔乾淨，會有一陣"鴨"味外，更加怕會飲到肚痛。

好彩上youtube搵了兩個洗豬肚的video給新工人姐姐睇。

祖母教的係用白醋 + 鹽。

但第一個youtube 話原來用生粉就可以將豬肚上的"散"好容易捽走晒!

實際新工人姐姐洗時，都係跟youtube用生粉，亦因屋企無白醋。

共洗三次，每次洗到尾聲時，都會再加少少鹽，內外再捽渾個豬肚，再沖水。

第二個youtube係人地菲律賓工人姐姐示範點樣洗豬肚。

尤其要留意菲律賓工人姐姐洗豬肚既手勢，真係似足當年第二個工人姐姐咁既洗法，共洗三次，每次洗到尾聲時，要"揸"番晒D水出來，唔好比D污糟水殘留在豬肚里。

一定要剪走晒豬肚里里外外所有白色既脂肪。

到飛水時，豬肚面飛水完后，要將里面反出來，又再飛水一次。

之前係參考 yahoo blog 里別人煲的方法，但 yahoo blog 關閉后，好彩仍搵到其他blog分享點煲。

芳姐保健湯餸» 胃寒調理—鹹酸菜胡椒粒豬肚湯

咸酸菜胡椒豬肚湯@ 老娘的草根飯堂

胡椒猪肚汤 - 心食谱

美食家淘居然与您分享正宗【胡椒豬肚汤】

咸菜胡椒豬肚湯(邱師奶厨房) 

*******************************************************************
先分享一仔媽煲依款湯的經驗，共試了四次。

第一次煲，中午去街市買豬肚，間間豬肉鋪都賣晒。

同事提議去超市買急凍的豬肚，亦會乾淨好多，唔駛洗得咁辛苦。

但網上有人話急凍豬肚煲出來無咁好味!

所以，第一次係完全無煲過。

第二次煲，工人姐姐平時係隔天去街市買餸的，請豬肉鋪老板隔天預留一個豬肚，有張紙仔比番工人姐姐作為預留收據。

依其他blog的煲法，放了三片長的撕碎腐竹，白胡椒放在豬肚里，煲出來成煲湯白色，又忘了加鹽，只有腐竹味，完全沒有胡椒味。

第三次煲，改只放了一片長的撕碎腐竹，白胡椒無再放在豬肚里，加了一棵鹹酸菜，又加了鹽，結果有胡椒味，但鹹了少許。

第四次煲，跟第三次差不多，但不再加鹽，結果有胡椒味，味道又剛好，一仔媽的同事話比酒樓的還好飲!

但她們都說不太辣，今次只用了半包白胡椒，大概有1湯匙份量，那麼下次改試下加晒整包白胡椒先。

*********************************************
以下的煲法，係混合了祖母及網上找到的。

材料:

豬肚一個 (大約35元) - 用生粉 + 鹽清洗
豬骨斬件一斤 (大約40元)
白胡椒粒一小包 (大約2湯匙，4元)
鹹酸菜一棵 (獨立包裝一小包，4元)
生薏米细半碗
去殼的白果20粒
腐竹(長身)一片
龍眼肉6粒
蜜棗2粒
無花果2粒

做法:

1. 鹹酸菜用水浸30分鐘后切短。
2. 生薏米/ 去殼的白果/ 腐竹/ 龍眼肉/ 蜜棗/ 無花果，各用水浸一浸。
3. 白果要用刀拍一拍
4. 豬骨及洗淨的豬肚各飛水。
5. 10-12碗水，滾水后放晒所有材料，用中火煲半小時，改細火煲2小時。
6. 煲好后，可取出豬肚切件点豉油或其他醬汁食。

白胡椒粒

                                  

                                   最初用依款

 

試過改用依款，味道>>無同事食得出改了!?

生薏米

去殼的白果

腐竹

龍眼肉

蜜棗

美國無花果30元只有咁多粒