玩電話 + 倒積木

<1yr11mo>

一仔依排玩手機的時間多了好多，尤其一仔媽係屋企時，因只有一仔媽同工人姐姐先会比自己部手機给一仔玩，一仔爸唔会比咋！

所以，一仔媽放工一入門口，放低了手袋，一仔就会摷手袋，拎部手機去玩，由七点半，玩到九点多去瞓覺先會停！

早上食早歺，食到一半，一仔就会手指指背后大人房，即表示要部手機，玩到一仔媽要返工拎番部手機時，一仔会發脾氣！

星期日，一仔玩到部手機差不多無电，一仔媽唯有拎出新玩具比一仔玩。

原本無諗过咁早拎依款積木比一仔玩，因相信他唔識擰。

估唔到一仔好喜欢一仔媽將d積木放入柱里，佢就負责拎番出來，咁就一玩玩了成個鐘。

玩既其中，还发現一仔会有兩個方法拎番積木出來。

方法一，見積木少，一仔会逐塊拎出來。

方法二，一见積木多，就会成塊木板倒轉，一次过倒晒積木出來，快靚正！

所以，依幾日早上返工，一仔媽会set好個陣先拎番部手機，就係將積木放晒入柱里，等一仔去倒番出來，”暂時”都好順利，一仔好乖比一仔媽拎走电話后都無發脾氣！