壞車 - 電油泵

一仔爸去年一月，架JAZZ壞了，過完農曆新年先整好，再賣比朋友。

今年一月，星期一，架ISIS又壞了，係停車場達著了架車，但又突然死火，莫非每逢一月都不利一仔爸?

架車總要泊在屋企停車場二樓，很難搵到拖車入室內(head room 1.6m)拖走拎去整!

問了幾間維修車行，其中一間話可能壞電腦板，拎部電腦上門來測試，成功與否，都要收$2500!

好彩一仔爸開工期間，同事耀sir過去一仔爸工作單位打牙絞，傾開講估可能係電油泵壞了。

一仔爸連忙搵麻兩個住得近的同事放工回家幫手拆車，試擰下個電油泵，真係無聲!

打去九龍灣賣汽車零件鋪問，無貨。

打去荃灣問，有貨，但要全套買 : 電油格 + 電油泵，$8xx。

一仔爸連忙同一個同事揸車去荃灣買，另一個同事留低看住拆散晒既車。

買了回來換了后，起初一試，響了一下聲后便無聲，一仔爸估個泵里仍有空氣，所以他繼續踏油，迫走d空氣，最後終於成功了!

點解要記低依件事? 因一仔爸黑仔，佢揸既車成日壞，佢總要係好好保養汽車之人，會定期幫架車換依樣果樣。

反而佢d同事朋友唔多打理架車，架車無嘜壞。

而佢架JAZZ上年賣了比個朋友后，架JAZZ都無壞過呢!