交留位費@幼稚園

<1yr10mo>

如一仔姨媽、三姨、小豆子媽的感覺，英皇真的收了一仔啦!

暫時in 了四間，心水果間reject，兩間 waiting（其实应該都算reject），得依間有offer。

雖然明年年初仍有一間会in，但要搭車，如果有offer，很难說服一仔爸。

所以，一仔媽當然會比英皇留位費，但其實個心仍七上八下。

因為英皇的聲譽好壞參半。

壞的: 
1) 未等教署批核，偷步開了PN班，有些家長發現后，覺得間學校咁欺瞞家長法，誠信有問題，辦退學及退款。

2) 有個BK家長提早接讀N班仔仔放學，見到佢被同學打，要喊出聲先有老師發現及阻止。

3) 應該因收生人數不足，所以經常多插班生 >> 希望龍年效應下，明年9月会有改善。

4) 成日轉老師。

5) 有BK家長話識人以前係老師，學校教學質素有問題，所以其他分校都執晒。

6) 校監親自話無自設廚房，所以茶點、午膳外購，由有牌的供應商提供 >> 上網揾过，得幾間幼稚園会講自設廚房，而一般茶点多數係餅乾類，好少係通粉，有些擔心到時大食既一仔会唔夠食。

7) 聖誕party唔比錢，party當天唔駛返學。

8) 學校2012年8月由附近屋苑搬去現在新地址，有些家長話新學校很舊 >> 但一仔媽當天同一仔去面試時，又唔覺舊啊，一仔爸去交留位費時，雖只在接待處逗留，都覺ok。

9) 有家長話它全日班學費、雜費比其他幼稚園貴，现確实如下:

學費 : 半日班 $2200  x 12期 >> 和一些非牟利學校差不多，但佢地可能只需比10-11期，全日班 $3400 >> 確實貴過其他學校

書簿雜费（已包茶点及生日会费）合共 $2600/半日班/一個學期(共比兩個學期)，全日班$2960 >> 覺得和一些非牟利學校差不多

其中茶點佔 $720，半日班都要比 >> 比多數学校贵，可能外判，所以咁貴!?

以上費用，明年三月中第一天試學日要比晒。

書包、校服另計。

10) 校網資料不夠詳細，似乎課外活動、參觀不多 >> 如果當playgroup咁番，算吧，都可以接受。

11) 校網沒有升小學資料 >> 都唔知派位好唔好? 

12）校網更加没有每日作息時間表、校曆、open day、茶点/午膳食什么？


好的:
1) 近屋企，唔駛搭車 >> 一仔爸最like依點。

2) 有net teacher教英文，每天一起唱歌，另有一節20分鐘的英文堂，合共有40分鐘学英文。

K2先有普通話教。

3) 難得一仔面試時表現ok= 他喜歡依間學校!?

4) 會收非華裔學生 >> 相信龍年效應下，明年9月大部份係中國人!

5) 比一仔爸報到上午班 >> 对於一仔報学校，后期先知一仔爸原來有兩個要求，一唔駛搭車，二要讀上午班。

其實一仔媽覺得下午班較適合一仔，因他早上一定要小睡，間中下午反而唔瞓。

但身邊個個人都覺讀上午班對小朋友好些，於是交比天意決定。

事先打了電話去問，知道上午班學位只余下幾個，交留位費時先到先得。

於是一仔爸返完通頂班，早歺食完唔瞓，原本十点开始報名，未夠鐘，一仔爸已到学校，还和校長吹下水。

總结： 
一仔媽应只会比一仔在依間学校讀N班一年，明年唯有努力做個怪獸家長，報多幾間学校，等一仔in多幾間，攞多d实戦經验，希望到in心儀果間時，会有好的表現！

更多关於学校既資料： 
明年三月至六月，每月有一天一小時試学日，可以有兩個家长陪去，但時間係1-2pm，d時間卡係中間，即返工既家長要請一天假。

9月（但有家長話8月）开学第一天返一小時，家长可以陪返学。