4th N班面試@TKO英皇幼稚園

<1yr9mo>

首先，此TKO英皇不同彼英皇，係蚊比同牛比，不要誤會。

约了12点面試。

原本打算十一点半出門口，但遲了出門口，去到學校門口取了名牌貼在背后，便可直接入課室。

課室里有校長、黎老師和兩位女外籍老師。

等齊人，三位老師播放head、shoulder的歌及点蟲蟲的歌，又唱又做動作。

有了之前面試的经验，今次一仔媽無”抱实”一仔，只輕輕捉住佢双手一起做動作。

全程一仔望住兩位外籍老師。

莫非一仔以为她們係TV Disney channel 中HI FIVE 的主持？

每唱完一首歌，一仔都跟住拍手掌！

唱完歌，幾张桌上有手抓板，每塊板上只得4塊拼。

一仔想取旁边小朋友的，一仔妈阻止，連外籍老師都有出手阻止！

又唔係一仔玩開的手抓板，一仔当然玩了一陣就無興趣。

佢反而想走去牆边柜中一排排的玩具籃取玩具，当然唔可以啦！

剛巧一仔媽見到壁布上一張张又眼又耳又口又鼻的勞作，便同一仔玩，而其他小朋友仍乖乖係桌边玩。

其間，黎老師和校長都有过來倾幾句，一仔媽当然hard sell 一仔識拼晒英文字母、數字、形狀（漏講了交通工具添）的手抓板啦，但亦老实講一仔仍只講bb話。

校長叫一仔講媽媽，一仔媽話一仔屋企多數叫papa多，如果和爸爸一起罰一仔，他就会叫工人姐姐個名！

跟住老師们派了一小袋礼物给家长。

整個面試过程大约15分鐘，可能亦係当天最后一组面試? 因跟住見d老師走了?定去食lunch?

離开時見到家長同小朋友係礼堂上同聖誕树影相，一仔妈当然亦乘機影幾張。

一仔掛住望天花一閃一閃的燈飾。

今天的戦衣係一仔姨妈送的（一仔媽果件亦係姨媽送），大件了d，因一仔媽話要買穿到三歲的。

好多一架架車仔，亦有兩條sir滑梯，一個籃球架，如果再多兩、三個中型遊戲設施更好，但可能無位放。

in完，係学校門口同其他小朋友玩sir滑梯

玩到開心拍手

又有得穿隧道

************************************************************
面試后感想：

起初無報依間學校，因BK上的評語好坏参半。

話依間学校之前偷步开N班，令到d家长对它的印象好差，要求退学退$。

唔明点解学校唔可以等教署批了個牌先开N班呢？

依間学校係少數註明收外籍学生，上網睇过它去年K1-K3收生人數不多，莫非要偷步收N班幫補收入？

N班的学费： 半日班$2xxx , 全日班$3xxx， 係in咁多間中最贵的！

又有BK家长投訴見到自己细b比大b蝦，而無老師在課室里> 希望经过此次經验，学校会改善安排？

又有BK家長話校舍有d舊，但学校今年8月先搬來依個新地址呀！

深遠视但無戴眼鏡的一仔媽又唔觉，如果有offer，到时改叫一仔爸去交学费再留意下先。

BK家長話有net teacher 每天教半小時英文，唔知有無教麻拼音呢？

今天更有in的家长話K2有普通話教。

但一仔妈更想知道K1-K3的課程教什么？可否含接到小学課程而小朋友讀小一時容易跟到！

小一派位又如何呢？

学校会否教小朋友自理、有规矩？

有無興趣班？如畫畫、跳舞？如果有跆拳道班更好！

对其他已in的幼稚園，一仔媽無依d疑問，但对依間，真係無嘜信心，所以想知多d。

下星期会有结果，不論有無offer，一仔妈对一仔今天的表現已很安慰。