海洋公園@2013聖旦假

<1yr10mo>

原本已諗住年尾或年頭去海洋公園，十月時收到雅培奶粉电話通知中了獎，有二大一小海洋公園入場券，當時完全唔記得曾參加了什么比賽活動，再問，原來某天在網上睇了一個有孫燕姿的雅培奶粉短片，答中了問題。

又話十一月中可以收到掛号寄出的入埸券，有效期去到31/12，另自己有Asia miles 積分可換多一張成人入場券，但要一個星期先收到，剛好十二月頭一仔爸星期日放假，可以和嫲嫲一家去。

但十一月中都未收到入場劵，打电話去問，因雅培觉得入埸券有效日期太短，要全批更換，最后要十一月尾才收到入埸券，但Asia Miles的入場券就趕唔到12月頭收，所以改了12月尾等小表姐学校放聖旦假一齊去，但一仔姑媽原來已報团一家去旅行。所以，最后各自去玩。

平時海洋公園9am开門，好彩上網查了，今天卻是10am。

因怕TKO及香港仔隧道塞車，我地凖時七点半開車，沿途無塞車，八点到了香港仔，外賣麥記上車食，食完到海洋公園停車場都係8:45。

網上話停車場开9am，但見已有其他私家車入場，又問了在埸保安話ok，我地当然跟住入啦，日泊$95。  

入到去，我地太早了，車埸都無乜車。

如沿缴费處直行到尾，有電梯搭，一出就係海洋公園正門。

亦有無蓋車位，2:30pm走時，差不多泊滿晒車，但入閘處仍未見有車龍排隊。

第一次同一仔來，当然要影張全家幅

海洋公園雖然話十点開門，但9:15已可以買入場券，又幾好，

因一仔媽都要拎Asia Miles封信去售票處換入場券。

多得南瓜仔媽及燒腩仔媽報料，先知道搭纜車及海洋列車，有bb車的話，可以用bb車/輪椅通道。

但原來入埸左手邊都有bb車/輪椅通道





未入得場，有個小朋友走來走去!

有幾個入閘位，未開始入場，每條排隊人龍起碼有60人

一仔爸話入閘后的右手邊有依款BB車租，但唔知幾錢

第一站 : 威威樂園

第一次同一仔兩父子坐旋車木馬，無其他人，我地一家包場玩。

去搭纜車

第二站 : 要先經過"香港老大街"

原來香港老大街尾亦有個旋轉木馬玩，靚好多，不過一仔爸話速度亦會快好多。

第三站 : 搭纜車，明明有條bb車/輪椅通道，但無開放，不過都係排了10分鐘就上到纜車。

臨上車前一刻，工作人員幫我地影了一張相，比了一張飛，落車后拎張飛去取相。

一仔d都唔驚，周圍望。

落了纜車，行幾步便有得取相。

有三款裝飾選擇，水晶球$298， 依款相架$198，鎖匙扣（唔記得幾多$），但之后見有人拎住一款左右可打开类似post card的，应該更平d。

第四站 : 有了燒腩仔媽的報料，一落了缆車，大约十一点，就馬上去海洋劇埸霸位，去到，好少人，我地選了有瓦遮頭的山頂坐，那就不怕太陽曬。

12pm開場，未夠鐘，海獅出來warm up 下

一仔提早食午餐

全場表演大約25分鐘，都係坐了五分三的觀眾，估唔到聖誕假期居然無坐滿人。

但一仔睇到半場已瞓了，睇唔到兩隻海獅係升高的平台同VIP嘉賓近距離影相

第五站 : 醫肚，盲中中去了最近的 "灣景餐廳"

好彩快去，唔駛排隊，買完食物回來，已經要排隊拎飛

經濟的飯餐都要$168/套餐，包一杯75ml H牌雪糕，食完飯先可拎住張飛返去收銀處尾取雪糕，但唔駛再排隊

亦有雙丸麵餐，$148!

一仔依然瞓覺，好彩有帶bb車，第一次去街去到瞓係bb車上

一仔媽居然撞到舊公司的同事

第六站 : 依個館頭頂有條水管隧道睇魚

第七站 : 睇企鵝

有陣異味

第八站 : 搭海洋列車落番山，今次行bb車/輪椅通道，所以可以坐頭卡車，不過，都無乜人搭

天花的電視不停播放video

第九站 : 一仔爸話要食思樂冰，因早上經過見到，好彩行了一個圈都揾到

原來依d小餐廳有飯盒買，$48/個，不過，依個時間買，已賣晒豬扒飯了。

水/飲品平均$30/支。

亦有點心買

$33一隻熱狗，味道麻麻

第十站 : 睇熊貓，原本要泊低架bb車在門后，但職員見一仔瞓在bb車上，所以可以推麻入去

佳佳無出現，好彩都見到安安

見一仔瞓了覺，我地都無心機再睇下去，最後一仔一上車先瞓醒，回到家，趕到煮飯比沖完涼既一仔食...

走既時候，見到門口保安要求要睇入場人士的手袋/背囊...但我地早上入場時保安無此要求啊!

下次再來海洋公園，相信都要幾年后，等一仔識玩識欣賞先，而且，到時可以搭地鐵就到。

P.S. 現在多了一張小童入場劵，有效期至14年3月25日，免費的，如有興趣，請留言去一仔媽電郵 lauywa@yahoo.com