We嘩!充氣嘉年華 + 又食又飲

<1yr2mo>

难得一仔爸放假，一仔媽好想帶一仔出街，但要plan好d，起碼讓一仔在家睡兩小時(點知一仔今次出門前只瞓得15分鐘!)及食一歺粥，不然，一仔的作息飲食会大乱！

趁五一勞動假，知道東港城有「We嘩!充氣嘉年華」，一仔媽預早幾天在商場購物消费換定免费遊戲券（消费滿三百元換一張值$80，任玩一個game），好彩早換了，原來通常中午已換晒！

早上去鸿星飲茶，一仔又食腸粉又食飯（今天唔知点解唔肯食包），回家原想補60ml豆奶（一仔腸胃炎应算好番晒了，已連續幾天各一次便便，間中才一天有三次便便，不过一仔媽諗等飲晒d豆奶先轉番普通奶粉），点知一仔只飲20ml，我相信BB食飽就唔会再食的道理，所以就由得一仔，我们就出发去東港城！

因为人多要排隊，一仔和小表姐一起玩了騎馬仔(依個game原只比起碼3歲或90cm高的小朋友玩，好彩有大人陪住推住馬仔，都比只得14個月大及75cm高的一仔玩)后，小表姐再自己玩小丑魚漂流及波波彈跳床（依兩個game小朋友都要穿襪，不然要花十元買，但襪只得超细或超大碼， 都唔啱小表姐穿，最后小表姐勉强穿嫲嫲的襪），由十二点幾玩到三点幾，去到尾声，一仔都瞓了！

回家后即幫一仔沖涼，跟住他好快瞓着了，他由四点幾瞓到七点，無食到四点半歺粥（好彩，其实一仔媽根本未有時間煲粥）。

到一仔七點幾醒了，先食粥，都食了一大碗滿滿的！

点知到九点時，一仔有d扭計，一仔爸話会唔会一仔肚餓想飲奶？

下，唔会卦？七点半先食完粥，咁快又飲奶？

一仔媽於是問一仔係未想飲奶，一仔騎騎笑→依个正是平時一仔媽話开奶時的一仔反应！

一仔媽先开了60ml， 飲完后一仔瓜瓜叫，再補60ml， 飲完后一仔又叫，於是一仔媽叫一仔爸用相同的奶樽但只加30ml水，今次飲完后，一仔無再叫了！

但一仔媽留意到一仔有双下爬la！
剛过去兩星期一仔媽还擔心一仔因为肠胃炎食少了会变瘦了。

点知在第二個星期尾晚歺時，一仔好似食量大增，食完半碗飯后还要再補起碼120ml奶！

其实一仔媽有時觉得一仔喜欢飮奶先会飲咁多！

定还是猛長期回来了？但上網查过，last猛长期係六個月大，而一仔差不多十五個月大la！

果時一仔七個月大已可以食一碗滿滿的粥時，一仔媽曾擔心過，果時一仔已有20磅，現在有24磅!

早上酒樓飲茶時，一仔嫲嫲話唔好比一仔食咁多，怕一仔唔知飽，会食滯！

所以，一仔媽打算星期二晚歺半碗飯的份量减一半，那再補起碼120ml奶都無咁擔心！

唉，唔食又擔心，食太多又擔心！