爛床

<1yr3mo>

一仔依個小破坏王，果時第一次咬爛張網床，露了塊鐵出来，撞到眼袋，一仔爸媽又擔心又頭痕。

好彩一仔爸諗到網床外边緊緊地加一条繩绑住，一仔媽先可以再加条毛巾，借条繩再屈番后加扣針，遮住塊鐵，毛巾尾用床褥壓住，才唔怕一仔扯甩条毛巾。

其实網床四条边中間都有鐵，因依張網床可以摺麻，靠四条边中間伸屈，摺麻后好似四把直骨傘size， 方便携帶（唔計床褥），又方便唔用時收番埋。

一仔爸話一仔喜欢咬野，一仔知道有鐵既位置較硬，磨牙最啱，就主攻有鐵既位置磨牙。

爛完一边，被毛巾遮住，一仔改咬第二边，不到一個月，又咬爛了，又被毛巾遮住。

一仔又改咬第三边，又咬爛了

今次要出動床单先夠長才可遮住→点解好似係講緊一隻狗仔咬爛野咁？

一仔，你幾時先会停止不再咬野呢？

今次用床单，因为太長又薄，曾比一仔成張扯走又露塊鐵出来，一仔媽唯有將扣針直接扣落網床的帆布上。

扣帆布有一個坏處，扣完会有一個窿，而次次無可能扣番同一個窿，所以最后張帆布会整到一个个窿，很难看！

算吧，現在張網床又有毛巾又有床单，都已經难看啦！

張網床係一仔姨媽上年十一月在玩具反斗城買的，一仔媽打电話去問，看看可否有網床的代理商电話，拿去整番都好吖！

点知，無上次搅碎机把崩刀咁好彩，依張床香港無代理商！

現在，只好继续用毛巾床单遮住先！