家庭相 @ Trendyland Studio

<1yr2mo>

媽媽同學A話等BB識坐時影相会多姿勢d，一仔媽就等到一仔識行時先影添（其实係一仔媽一直好忙，未有時間揾影相公司資料），都係多謝一仔姨媽送的影相coupon。

影相当日约了星期一下午3点，撞正一仔瞓觉時間（但上午一仔已瞓了1.5小時)，所以下午一次半次無瞓，应該ok。

一去到位於Emax 既 Trendyland Studio 坐定定，職员已經sell会否加$改影家庭相？

因原本免费package只包BB一張卡通造型檔案，额外每個檔案要$68，如買十張都$680。

若改影原價$1288家庭相，包一個BB卡通造型、三人家庭合照、有十張檔案及一個相架（怪不得之前电話联络時，職員話BB最好穿件靚d，話怕有d BB開頭唔肯換衫影造型相），有coupon即減$300，所以即係$988。

可以影麻家庭合照，一仔媽当然改啦！

影相开始時，一仔唔合作，掛住玩，影相哥哥幫手氹一仔，一仔都係無嘜笑，又唔望鏡頭。

好彩去到中段，一仔在大缸內影相時，一仔爸醒起同一仔玩开的“1,2,3,跳跳“， 一仔先笑住影到幾張靚相。

之后，一仔又周圍走，同一仔爸媽影合照時又扭計，唔肯坐定定，后段更有少少扭眼瞓。

一仔媽原諗要選到十張靚相好难，尤其家庭合照，但星期六去選相時（原本约了5点，臨時我地要求改3点，好彩都比我地3点半選相），有100張相，其中有四、五張有特別效果的，每張$148 (太貴，一仔爸話可以用手機apps自己整d特別效果，但之后一仔媽醒起如果自己整，像數好似唔高，如果晒出來，會矇呢)， 其余都係$68。

最后選了13張+1張送的。

有3個背景係山洞、矮樹、心型红箱，因一仔無望鏡頭，所以無選到。

影卡通造型相，當然都要有一兩幅戴住個卡通頭套影！
但戴上之后，一仔媽先发現一仔兩边面珠好似老虎狗咁墜下来，加上又唔笑，唔好睇呢！

無戴頭套，係未好D呢?
嘜都咬的一仔，当然在不同水果上留下不少口水（有d唔衞生呢）

中段开始笑

又戴上頭套，一仔唔喜歡，想要把它除下來

山洞 : 一仔原本有一張相左右隻手各抽起一個小缸，但一仔無望鏡頭，所以無買!

依張免費

依个post係一仔自己擺，影相哥哥当然唔放过咁chok的post la

之前4張都有d cool，依張可愛番d呢!

家庭合照扭計

依張選了做相架，要12個星期后先有得取，可以在其他Trendyland分店取

一仔媽其實較喜歡依張合照多d!

總括來講，比一仔媽想像中ok，另在團購已買了 Themes Studio 暑假時再影家庭相，希望到時一仔大d，會合作d!